I Samuel 10:1 - Sră Goh 2018

¹ Gen Samuel ai dô nơm gri mơñà mơ tuh hơđang bồ Sol, cum khai mơ đơs lah: “Yàng Jehôwa neh bong mơñà pồ bơtào mê lơh gơs cau at bồ làng bol Israel Kơnràñ dê! Mê rơp at bồ hơđang làng bol Yàng Jehôwa mơ mê rơp dong tă bol khai klàs bơh tê ală cau sò tơm gùt dar. Do la tềl sơnio mê in la Yàng Jehôwa neh bong mơñà mê in lơh gơs cau at bồ hơđang sre brê Kơnràñ dê.

I Samuel 10:1 Mawu Ofanana

II Samuel 1:14

Dabit lùp khai lah: “Ñchi bơh tài mê ò rngòt pò tê tơnchơt cau geh bong mơñà Yàng Jehôwa dê taih?”

II Samuel 19:39

Behơ̆, jơh làng bol tiă hiòng Jordan, mơ bơtau tiă lòt tus hơ đah ne. Cau bơtau cum mơ ai lơngai Barjilai in, mơ Barjilai rê wơl hơ hìu khai dê.

II Samuel 20:19

Bol hi la làng bol ơm ring lơngai mơ dòn song tòm Israel, ồng jòi nàng tơnroh dô nơm ƀòn dờng mơ la dô nă mè tòm Israel. Ñchi bơh tài ồng kòñ sa loan sre brê Yàng Jehôwa dê taih?”

II Samuel 5:2

Bơh lài òr, tòm tŭ Sol gam at bồ bol hi, bơtau la cau neh lam Israel tòm ală bơta tòmlơh. Yàng Jehôwa neh đơs mơ bơtau lah: Mê rơp ê gàr làng bol Israel Añ jê, mơ mê rơp gơlik gơs cau at bồ hơđang Israel.”

I Ală Bơtau 1:34

Tềng hơ̆, Jadôk cau gơnoar ơn phan duh khoai mơ Nathan cau gơnoar hwơr bong mơñà khai in lơh gơs bơtau hơđang Israel. Uh tĕ kơlwòk mơ driau dờng tĕ lah:

I Ală Bơtau 19:18

Mơya Añ rơp ơn is poh rbô nă cau tòm Israel jơh ală gơltang hơ̆ òhềt cùn khoai di đap Baal, mơ kòp nơm sơndồi bol khai òhềt cum gơ.”

II Ală Bơtau 20:5

“Rê wơl tĕ, đơs mơ Ejekia, bơtau làng bol Añ jê lah: Jehôwa Yàng Tom Trồ Dabit dê, ồng pàng mê dê, đơs be do: Añ neh kơno jơnau hòi dan mê dê, gŏ dà mat mê dê; ngan Añ rơp sơmbòi mê in; tus ngai dơ̆ pe mê rơp guh hơ hìu duh khoai Yàng Jehôwa dê.

II Ală Bơtau 9:1

Gen cau gơnoar hwơr Elise hòi dô nă cau tòm mpồl cau gơnoar hwơr dê, mơ đơs lah: “Kơt tĕ but mê, cèng gri mơñà do tòm tê mê dê, mơ lòt tus hơ Ramôt tòm Galaat.

II Ală Bơtau 9:12

Mơya bol khai ho lah: “Đơs blac! Yal tĕ bol hi in git.” Behơ̆, Jehu yal mơ bol hơ̆ lah: “Khai neh đơs mơ añ be do, lah: ‘Yàng Jehôwa neh đơs be do: Añ bong mơñà mê in lơh gơs bơtau hơđang Israel.’”

Đơs Crih 135:4

Bơh Yàng Jehôwa neh sac rwah Jakôp Kơnràñ in, Sac rwah làng bol Israel lơh gơs sre brê Kơnràñ dê.

Đơs Crih 2:12

Cum tĕ kòn, rngòt khai gơhào gơjrañ, Mơ bol mê rơp roh rui tòm gùng he dê mòn; Bơh dô êt tai bơta gơjrañ dờng kòn dê rơp gơhào guh. Lơngai jơh ală cau lơi in kìng crŭ să he di Khai.

Đơs Crih 78:71

Kơnràñ cèng tơlik khai bơh di ală mpồl gam pô Nàng lơh gơs cau ê gàr Jakôp la làng bol Kơnràñ, Hơ̆ la Israel la sre brê Kơnràñ dê.

Lik Ejiptơ 30:23

“Ai tĕ ală phan ƀô bơlhu niam rlau jơh be tơnơ̆ do: prau kơr cài trŭ dà; pe kơr kơmbuh kwĕ, chi ƀô niam pe kơr;

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Ejekiel 16:13

Behơ̆, ai geh bơka să mơ màh mơ priă; ồi ào ai dê mơ bài che dơmài lơbơn, bài kas màng mơ jing bơka hàng mơnĕ. Phan sa ai dê la kơmbuh phe mi, dà lơwe mơ mơñà. Ai neh gơlik gơs hàng mơnĕ ngan, mơ gơlik gơs kung be bau ùr bơtau dê.

Sră Ôse 13:2

Tŭ do bol khai kư̆ tìs glài sơlo ngai sơlo gơbơtơl tai; mơ lơh gơs dô nơm rùp bol khai in, ală rùp ràk mơ priă jat be bơta git wă bol khai dê, jơh ală bol gơ la broă lơh bơh tê cau chài lơh dê. Bol khai đơs lah: “Ơn tĕ phan ơn duh khoai bol gơ in.” Làng bol cum rùp ràk kơnrồ kòn.

Broă 13:21

Tŭ hơ̆ bol khai dan dô nă bơtau, behơ̆ tàng Yàng Tom Trồ ai bol khai in Sol, kòn klau Kis dê, tòm jơi bơtiàn Benjamin, at bồ bol khai tòm poan jơt nam.

Yal Wơl 32:9

Bơh pơnah gơrê bal mơ Yàng Jehôwa la làng bol Kơnràñ dê. Jakôp la sre brê neh tă khà ai Kơnràñ in.

I Tesalônika 5:26

Ai tĕ bơta còp să sàng goh mơ còp să jơh ală oh mi.

Hebrơ 2:10

Di ngan mìng Yàng Tom Trồ la Bơtau crơng gơs mơ prap gàr jơh ală phan, rgơi lơh Yàng Jesu in geh wil tơl bơh bơta kong bòl glar, nàng cèng ală kòn gơs pơnah tòm bơta gơklŏ Kơnràñ dê. Bơh Yàng Jesu la Bơtau tề lam bol khai tus hơ bơta dong klàs.

Yal Tơlik 5:8

Tòm tŭ Belàt Kòn neh ai sră rau, gen poan nơm phan wìn kis mơ bàr jơt poan nă cau kwang kra tơmbic să di đap Belàt Kòn, kòp nă cau at dô nơm kơñi pĕ mơ ală gri mơ màh bềng kơlhô, hơ̆ la ală jơnau hòi dan ală cau sàng goh dê.

I Samuel 12:3

Do añ, lơh cơng tĕ tòmdră mơ añ di đap Yàng Jehôwa mơ di đap cau geh bong mơñà Kơnràñ dê. Añ neh kup kơnrồ cau lơi sơl? Añ neh kup alàng cau lơi sơl? Añ neh pơrlồm cau lơi sơl? Añ neh rồn bơklơn cau lơi sơl? Añ neh dòp phan loă nàng lơh jơngo mat añ jê bơh gơ sơl? Lơh cơng tĕ tòmdră mơ añ mơ añ rơp tơm wơl gơ bol mê in.”

I Samuel 13:14

Mơya tŭ do gơnoar at bồ mê dê rơp ò ơm kơ̆; Yàng Jehôwa neh jòi bàn dô nă cau jat nùs Kơnràñ dê mơ pồ bơtào khai lơh gơs cau at bồ hơđang làng bol Kơnràñ dê, tài bơh mê ò lơh jat jơnau sồr Kơnràñ dê.”

I Samuel 15:1

Samuel đơs mơ Sol lah: “Añ la cau mơ Yàng Jehôwa neh sồr tus bong mơñà mê in nàng gơs bơtau at bồ làng bol Israel Kơnràñ dê; gen tàng tŭ do iat tĕ jơnau Yàng Jehôwa dê.

I Samuel 15:17

Samuel đơs lah: “Bulah neh gơs dô tŭ mê kơlôi să tòm mê la dềt rhền, ò di mê neh gơlik gơs bồ ală jơi bơtiàn Israel ò ơ? Yàng Jehôwa neh bong mơñà mê in nàng gơs bơtau Israel dê.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 16:13

Behơ̆ Samuel ai ngke mơñà mơ bong mơñà khai in di đap mat ală bi khai dê, mơ bơh ngai hơ̆ Hwềng Yàng Jehôwa dê mù hơđang Dabit dô bă gơs gơnoar pràn ngan. Gen Samuel rê wơl hơ Ramah.

I Samuel 2:10

Ală cau tòmdră di Yàng Jehôwa rơp kong lề lac; bơh đang trồ Kơnràñ rơp tơndùh ntơr kơnàs hơđang bol khai. Yàng Jehôwa rơp cahrña ală tiah lồi dut plai ù dê; Kơnràñ rơp ai bơta pràn kơldang cau bơtau Kơnràñ in, mơ yò tơngguh gơnoar cau geh bong mơñà Kơnràñ dê.”

I Samuel 24:6

Khai đơs mơ ală cau jat khai lah: “Dan Yàng Jehôwa bơkơ̆u añ lơh bơta do di cau tòm añ jê, la cau Yàng Jehôwa bong mơñà, hala pò tê tòmdră mơ khai, bơh khai la cau neh geh Yàng Jehôwa bong mơñà.”

I Samuel 26:11

Mơya dan Yàng Jehôwa kơryan añ ơn tê di cau Yàng Jehôwa neh bong mơñà. Mơya tŭ do, ai tĕ tà mơ nhồng dà ơn rềp di bồ khai, mơ bol he lòt lă.”

I Samuel 26:9

Mơya Dabit đơs mơ Abisai lah: “Bañ tơnroh khai! Bơh cau lơi rgơi pò tê tòmdră di cau Yàng Jehôwa neh bong mơñà mơ ò gơkòl tìs glài sơl ơ?”

I Samuel 8:19

Mơya làng bol ò bài iat Samuel; bol khai đơs lah: “Ò! Mơya bol hi lơh nền pal gơs dô bơtau at bồ hơđang bol hi,

I Samuel 8:9

Gen tŭ do iat tĕ bol khai, mơya mê mìng bơto pơhìn bol khai in dô bă kràñ cê mơ yal bol khai in git ală gùng dà cau bơtau at bồ rơp lơh hơđang bol khai.”

I Samuel 9:16

“Ngai hìng pơgap tòm jơ do, Añ rơp sồr dô nă cau klau bơh lơgar Benjamin tus mơ mê. Bong mơñà tĕ khai nàng lơh gơs cau at bồ hơđang làng bol Israel Añ jê. Khai rơp dong tă làng bol Añ jê klàs bơh di tê làng bol Philistin. Añ neh wèt sền di làng bol Añ jê, bơh jơnau hòi driau bol khai dê neh tus hơ Añ.”

I Samuel 9:27

Tòm tŭ bol khai mù tus hơ gah ƀòn dờng gen Samuel đơs mơ Sol lah: “Sồr tĕ cau duh broă lòt lài mơ bol he, mơ tòm tŭ khai neh lòt rau, mê ơm wơl tềng do tòm dô ơthoa nàng añ yal mê in git jơnau Yàng Tom Trồ dê.”