I Samuel 1:8 - Sră Goh 2018

⁸ Gen Elkana bau klau khai dê đơs mơ khai lah: “Ơ Anne, ñchi bơh tài ai ñìm taih? Ñchi bơh tài ai ò sa taih? Ñchi bơh tài nùs ai moat jrùng taih? Añ ò di rlau mơ jơt nă kòn klau ai in ò ơ?”

I Samuel 1:8 Mawu Ofanana

II Ală Bơtau 8:12

Hajael lùp lah: “Ñchi bơh tài cau tòm añ ñìm taih?” Elise ho lah: “Tài bơh añ git bơta iơh mơ mê rơp lơh di cau Israel. Mê rơp chu ală ƀòn dờng kơ̆ cê bol khai dê, tơnchơt ală cau pơnu mơ đào, jă tơnlề kòn dềt, mơ reh kơndul cau ùr bun bol khai dê.”

Sră Jop 6:14

Cau gơplơ̆ nùs pal geh cau bơyô gơwèt niam, Bulah khai sang lòi bơta duh rngòt di Bơtau Gơnap Gơnoar Dờng Làm Jơh.

Đơs Crih 43:4

Gen añ rơp lòt tus hơ cơnòng duh khoai Yàng Tom Trồ, La Yàng Tom Trồ ai añ in bơta hòn chò dờng ngan ò git lơh; Ơ Yàng la Yàng Tom Trồ añ jê, añ rơp pĕ kơñi mơ jòng ro Yàng.

Esai 54:1

“Đơs chò tĕ ơ cau ơm kơnền la cau ò tŭ lơi deh dô nă kòn; ai sap đơs chò driau dờng tĕ! Ơ ală cau ò tŭ lơi kong jê deh; tài bơh cau ùr gơkòl sang lòi rơp gơs oă kòn rlau mơ cau ùr gơs bau klau.” Yàng Jehôwa đơs behơ̆.

Esai 54:6

Bơh Yàng Jehôwa neh hòi ai, be bau ùr neh kong sang lòi mơ jê sồt moat jrùng tòm hwềng nùs, be dô nă bau ùr neh tòmbau tòm tŭ gam ơruh mơ neh kong sang lòi.” Yàng Tom Trồ ai dê đơs behơ̆.

Jang 20:13

Bàr nă cau gơnrơh đơs lah: “Ơ cau ùr, ñchi bơh tài ai ñìm taih?” Khai đơs lah: “Tài bơh cau neh pơrdô Yàng añ, mơ ò git ntềng đah bol khai ơn Kơnràñ.”

Jang 20:15

Yàng Jesu đơs mơ khai lah: “Ơ cau ùr, ñchi bơh tài ai ñìm taih? Ñcau ai jòi?” Khai tồnlah hơ̆ la cau lơh suơn, gen đơs lah: “Ơ ồng, dilah ồng neh cèng pơrdô Kơnràñ, dan yal añ in git ntềng đah ồng neh ơn Kơnràñ, gen añ lòt tus nàng ai wơl.”

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

Rutơ 4:15

Khai rơp lơh pa wơl rài kis mò dê, mơ ròng siam mò tòm tŭ kra. Bơh ƀan mò dê la cau kòñ gơboh di mò, mơ la kwơ màng mò in rlau mơ poh nă kòn klau, neh deh mò in.”

I Samuel 1:7

Bơta hơ̆ gơlik gơs bơh nam do tus hơ nam ne. Tŭ lơi Anne guh tus hơ hìu Yàng Jehôwa dê, Phenina kư̆ bơrcek khai, tian gơs khai ñìm mơ ò bài sa.