I Samuel 1:26 - Sră Goh 2018

²⁶ Mơ Anne đơs mơ Heli lah: “Ơ yàng añ jê, di ngan kung be ồng kis, yàng añ jê, añ la cau ùr neh ơm ntào tềng do di đap ồng mơ hòi dan mơ Yàng Jehôwa.

I Samuel 1:26 Mawu Ofanana

Sơnròp Gơlik Gơs 42:15

Do la bơta añ lòng ală bol mê, añ ai bơta kis Pharaôn dê mơ srat să lah, dilah oh put bol mê dê ò lòt tus hơ do, gen bol mê ò gơs tŭ lơi geh lik bơh tiah do.

II Samuel 11:11

Uria đơs mơ Dabit lah: “Đài Bơta Ho Bal mơ Israel mơ Juda gam ơm tòm sàl, mơ cau tòm añ jê la Jôap bal mơ ală cau duh broă cau tòm añ jê, gam sơntơp sàl tòm ƀlàng, mbe añ rgơi mut tòm hìu añ jê, ñô sa mơ bic mơ bau ùr añ jê taih? Di ngan kung be bơtau kis, mơ hwềng soàn bơtau kis, añ rơp ò lơh dô bơta behơ̆!”

II Samuel 14:19

Bơtau lùp lah: “Ngan sơl la tê Jôap neh lơh broă do bal mơ ai ơ?” Cau ùr ho lah: “Di ngan kung be bơtau kis, ơ cau tòm añ jê la bơtau, ò gơs cau lơi rgơi pơrlac đah ma hala đah kiau bơh di jơnau lơi mơ cau tòm añ jê neh đơs. Ngan, hơ̆ la Jôap, cau duh broă bơtau dê neh bơto añ lơh bơta do, mơ neh ơn ală jơnau đơs do tòm bơr cau duh broă bơtau dê.

II Ală Bơtau 2:2

Eli đơs mơ Elise lah: “Ơm tĕ tềng do; bơh Yàng Jehôwa sồr añ lòt tus hơ Betel.” Elise đơs lah: “Añ sơnio Yàng Jehôwa gam kis sùm mơ bơta kis ồng dê lah, añ ò tŭ lơi lik lòt bơh ồng.” Behơ̆, bol khai lòt tus hơ Betel.

II Ală Bơtau 2:4

Eli đơs mơ Elise lah: “Ơ Elise ơm tĕ tềng do, bơh Yàng Jehôwa neh sồr añ lòt tus hơ Jerikô.” Elise đơs tai lah: “Añ sơnio Yàng Jehôwa gam kis sùm mơ sơnio bơta kis ồng dê, añ rơp ò sang lòi ồng.” Behơ̆, bol khai lòt tus hơ Jerikô.

II Ală Bơtau 2:6

Eli đơs mơ khai lah: “Ơm tĕ tềng do, bơh Yàng Jehôwa sồr añ lòt tus hơ Jordan.” Elise đơs lah: “Añ sơnio Yàng Jehôwa gam kis sùm mơ bơta kis ồng dê lah, añ rơp ò sang lòi ồng.” Behơ̆, bàr nă bol khai pơnjat lòt gùng.

II Ală Bơtau 4:30

Cau mè kòn dềt đơs lah: “Kung be Yàng Jehôwa gam kis sùm, mơ bơta kis ồng dê, añ ò lik lòt dilah ồng ò lòt bal!” Gen Elise ñă ntào, mơ lòt jat khai.

I Yal Yau 4:10

Jabes hòi dan mơ Yàng Tom Trồ Israel dê, mơ đơs lah: “Ơ Yàng, dan ai lơngai añ in, mơ pò ơnàng nhàr sre brê añ jê, dan tê Kơnràñ ơm bal mơ añ, mơ dan Kơnràñ sền gàr añ klàs bơh di bơta jê sồt lơh añ in bòl glar.” Mơ Yàng Tom Trồ ai khai in bơta khai hòi dan.

I Samuel 17:55

Tòm tŭ Sol sền gŏ Dabit lik lòt tòmlơh mơ cau Philistin hơ̆ gen khai lùp Apner la cau kwang at bồ mpồl ling lah: “Ơ Apner, cau pơnu hơ̆ la kòn ñcau taih?” Apner ho lah: “Ơ cau bơtau, di ngan kung be bơtau kis, añ ò git.”

I Samuel 20:3

Mơya Dabit kung srat să lah: “Bèp bi git loh làng lah bi kòñ gơboh di añ, mơ khai kơlôi is lah: ‘Bañ lòi Jônathan in git bơta do nàng moat jrùng.’ Mơya di ngan kung be Yàng Jehôwa kis sùm mơ kung be bi kis, gơs mìng dô cơnđòa lơm digùl añ mơ bơta chơt.”

I Samuel 25:26

Tŭ do, ơ cau tòm añ jê, kung be Yàng Jehôwa kis sùm mơ kung be să tòm ồng kis sùm, tài bơh Yàng Jehôwa neh tơnruc ồng bơh glài lơh gơhòr mhàm mơ sal tê bơh tê tòm he dê; tŭ do lòi ală cau sò tơm ồng dê bal mơ jơh ală cau kòñ lơh iơh di cau tòm añ jê rơp gơlik gơs kung be Nabal.