I Samuel 1:22 - Sră Goh 2018

²² mơya Anne ò guh bal, bơh khai đơs mơ bau klau khai lah: “Tŭ lơi kòn dềt sang pô, añ rơp cèng khai mơ tơlik mat di đap Yàng Jehôwa, mơ khai rơp ơm tềng hơ̆ sùm sùm, añ rơp ơn khai be dô nă cau Najire jơh rài.”

I Samuel 1:22 Mawu Ofanana

Đơs Crih 110:4

Yàng Jehôwa neh srat să, mơ rơp ò tòmgơl nùs: “Mê la cau gơnoar ơn phan duh khoai gam sùm sùm, jat mpồl Melcijedek.”

Đơs Crih 23:6

Di ngan, tòm jơh rài kis añ jê, bơta lơngai mơ bơta kòñ nđàc rơp jat añ; Añ rơp ơm tòm hìu Yàng Jehôwa dê jơl tus sùm sùm.

Đơs Crih 27:4

Añ neh dan mơ Yàng Jehôwa dô bơta, mơ rơp jòi jat bơta hơ̆; Hơ̆ la añ kòñ jơl jơh rài kis añ jê geh ơm tòm hìu Yàng Jehôwa, Nàng sền gŏ bơta hàng mơnĕ Yàng Jehôwa dê, Mơ jòi lùp tòm hìu duh khoai Kơnràñ dê.

Lik Ejiptơ 21:6

gen cau tòm khai dê rơp lam khai tus di đap ală cau kwang cahrña, lam khai tus rềp di mpồng hala jrong mpồng, lồc behơ̆ ai dô nơm nsồc mơ lòs cuh tồr khai dê. Behơ̆, khai rơp duh broă cau tòm in jơh rài kis khai.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Lebi 25:23

Ù tiah ò di pal tac tơn; tài bơh ù tiah gơrê bal mơ Añ mơ bol mê mìng la ală cau làng bơdìh mơ la ală cau ơm ing.

Luka 2:22

Tòm tŭ ală ngai lơh bơta sàng goh jat be bơta boh lam Môise neh sir rau, gen bol khai cèng Kòn Dềt tus hơ Jerusalem nàng ơn Yàng in,

Yal Wơl 16:16

Kòp nam pe dơ̆, jơh ală cau klau bol mê dê pal gơs mat di đap Jehôwa Yàng Tom Trồ bol mê dê di tiah Kơnràñ rơp sac rwah; di ngai pơjum sa Piang Lă Ò Gơs Kañ, ngai pơjum sa Ală Poh mơ ngai pơjum sa Sàl Ing. Bañ gơs cau lơi tus di đap Yàng Jehôwa mơ mpàng tê gòi.

Jôsue 4:7

Gen bol mê rơp ho bol khai lah dà hiòng Jordan gơkòl cah bàr đah di đap Đài Bơta Ho Bal Yàng Jehôwa dê. Tòm tŭ Đài Bơta Ho Bal tiă gan hiòng Jordan, gen dà hiòng gơkòl cah bàr đah. Ală pơnai lŭ do rơp lơh Israel in gơs dô bơta kah kirsơnre gam sùm sùm.”

I Samuel 1:11

Khai ho pơgon lah: “Ơ Yàng Jehôwa Gơnap Gơnoar Dờng Làm Jơh, dilah Kơnràñ rơp wèt sền di bơta bòl glar moat jrùng cau dĭ ùr Kơnràñ dê mơ kah wơl añ, ò hŭi cau dĭ ùr Kơnràñ dê, mơya rơp ai khai in dô nă kòn klau, gen añ rơp ơn khai be dô nă cau Najire di đap Kơnràñ, jơl jơh rài kis khai dê. Khai rơp ò ñô tơrnòm alak mơ ală phan lơh bơñul, mơ pềs koah rơp ò geh tup di bồ khai.”

I Samuel 1:28

Gen tàng añ dan ơn khai Yàng Jehôwa in; jơh rài kis khai rơp geh ơn jơh Yàng Jehôwa in.” Mơ khai lòi kòn dềt tềng hơ̆ Yàng Jehôwa in.

I Samuel 13:13

Samuel đơs mơ Sol lah: “Mê neh lơh dô bă bơrngơl gơla. Mê ò lơh jat jơnau Jehôwa Yàng Tom Trồ neh sồr mê, dilah mê neh lơh jat gen Kơnràñ neh bơt bơtào kơ̆ gơnoar at bồ mê dê hơđang Israel jơl sùm sùm.

I Samuel 2:11

Gen Elkana rê hìu tòm Rama, mơya cau kơnòm dềt ơm duh broă Yàng Jehôwa, di đap mat Heli la cau gơnoar ơn phan duh khoai.

I Samuel 2:18

Samuel duh broă di đap Yàng Jehôwa; khai la dô nă kơnòm klau soh dô nơm Ephot mơ bài che dơmài lơbơn.

I Samuel 28:2

Dabit đơs lah: “Niam ngan, gen bơtau rơp git ñchi cau duh broă bơtau dê rgơi lơh.” Akis ho wơl mơ Dabit lah: “Niam ngan, añ rơp bơtào mê lơh gơs cau gàr să añ jê jơh rài.”

I Samuel 3:1

Tŭ hơ̆, kơnòm klau Samuel duh broă Yàng Jehôwa hơđơm gơnoar Heli dê. Jơnau Yàng Jehôwa dê ò hwan gơs tòm pah tơngai hơ̆, bơta gơtơnggŏ ò òs gơlik gơs.