I Samuel 1:21 - Sră Goh 2018

²¹ Elkana guh bal mơ jơh hìu nhă khai dê nàng ơn phan duh khoai kòp nam Yàng Jehôwa in, mơ nàng tơm wơl bơta khai neh ho pơgon,

I Samuel 1:21 Mawu Ofanana

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Đơs Crih 101:2

Añ rơp bơtê lòt jat gùng dà ò gơkòl lah pơrhơng. Tŭ lơi sồng añ rơp tus di bơta hơ̆ taih? Añ rơp cơnđòa lòt bơh nùs song ngan tòm hìu añ jê;

Yal Wơl 12:11

Gen gơwèt hơ tiah mơ Jehôwa Yàng Tom Trồ bol mê dê rơp sac rwah lơh gơs tiah ơm sùm sơnđan Kơnràñ dê, bol mê rơp cèng tus tềng hơ̆ jơh ală phan mơ añ sồr bol mê: hơ̆ la ală phan ơn chu pơrguc mơ ală phan ơn duh khoai, ală phan pơnah jơt mơ phan ơn jat nùs kòñ, mơ jơh ală phan is bol mê sac rwah neh ho pơgon ơn Yàng Jehôwa in.

Yal Wơl 12:6

tềng hơ̆ bol mê cèng ală phan ơn chu pơrguc mơ ală phan ơn duh khoai, ală pơnah jơt mơ ală phan ơn ndai, bơta bol mê neh ho ơn mơ ală phan ơn jat nùs kòñ mơ kòn tơnhoa tòm ală mpồl kơnrồ mơ ală mpồl belàt bol mê dê.

Jôsue 24:15

Dilah bol mê ò bài duh broă Yàng Jehôwa, gen bol mê sac rwah tĕ tòm ngai do yàng lơi mơ bol mê rơp duh broă, ală yàng ală ồng pàng bol mê dê neh duh broă đah ne hiòng Ơphrat, hala ală yàng làng bol Amôrit dê tòm lơgar bol mê ơm. Mơya añ mơ hìu nhă añ jê, bol hi rơp duh broă Yàng Jehôwa.”

I Samuel 1:3

Kòp nam khai òs guh bơh di ƀòn khai dê nàng duh khoai mơ ơn phan duh khoai Yàng Jehôwa Gơnap Gơnoar Dờng Làm Jơh in tòm Silô, tềng hơ̆ gơs bàr nă kòn klau Heli dê la Hôpni mơ Phineas, la ală cau gơnoar ơn phan duh khoai Yàng Jehôwa dê.

I Samuel 2:19

Kòp nam mè khai òs jing khai in dô nơm ào jrùh dềt, mơ cèng ai khai in tòm tŭ mò guh bal mơ bau klau nàng ơn phan duh khoai kòp nam.