I Kôrintô 3:8 - Sră Goh 2018

⁸ Cau tam mơ cau tuh la dô bă bal, mơya kòp nă rơp dòp phan ƀàn is he dê, jat be broă bòl glar khai neh lơh.

I Kôrintô 3:8 Mawu Ofanana

Rôma 2:6

Bơh Yàng Tom Trồ rơp cahrña kòp nă cau in jat be broă bol khai lơh.

II Jang 1:8

Oh mi pal kơrmap gàr tĕ să he, tồ ò roh tơngai broă bol he dê, mơya rơp dòp geh phan ƀàn wil tơl.

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Yal Tơlik 22:12

“Do añ tus mhar, mơ cèng bal phan ƀàn nàng ai kòp nă cau in jat be broă bol khai lơh.

Đơs Crih 62:12

Mơ tai, ơ Yàng Jehôwa, bơta kòñ gơboh kơ̆ dơn gơrê bal mơ Kơnràñ; Bơh Kơnràñ tơm wơl kòp nă cau in jat be broă lơh bol khai dê.

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

Galati 6:4

Kòp nă cau pal lòng sơwì is broă lơh he dê, gen bơta jòng să he la tài bơh he dê lơm, ò di tài bơh cau ndai.

I Kôrintô 3:14

Dilah broă cau lơi bơt hơđang mơnàng hơ̆ gam wơl, gen cau hơ̆ rơp geh phan ƀàn.

I Kôrintô 3:9

Bơh bol hi la bơyô lơh broă bal mơ Yàng Tom Trồ; oh mi la sre Yàng Tom Trồ dê, mơ hìu Yàng Tom Trồ dê.

Daniel 12:3

Ală cau jak chài rơp gơcrà kung be bơta àng ală tap trồ dê; mơ ală cau tề lam oă cau tus hơ bơta song ring rơp gơcrà be ală sơmañ gam sùm sùm ò lồi.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

Jơnau Pơnđik 27:18

Cau lơi sền gàr chi ƀal, rơp sa plai gơ; mơ cau lơi duh broă cau tòm he ngan geh jòng ro.

I Kôrintô 3:7

Behơ̆ cau tam mơ cau tuh ò gơs bơta lơi, mìng Yàng Tom Trồ la Bơtau lơh gơ in hòn dờng.

I Kôrintô 4:15

Bulah oh mi gơs jơt rbô nă cau bơto tòm Bơtau Krist, mơya oh mi ò gơs oă bèp; bơh tòm Yàng Krist Jesu añ neh tơnggơs oh mi bơh Jơnau Niam.

I Kôrintô 9:7

Gơs cau ling lơi lòt tòmlơh mơ sa jền tòm ơ? Gơs cau lơi tam suơn ño mơ ò sa plai suơn hơ̆ ơ? Gơs cau lơi ròng mpồl phan mơ ò hùc dà toh gơ dê ơ?

Galati 6:5

Bơh kòp nă pal àñ is ơnòng kơnjơ̆ he dê.

Luka 19:19

Cau tòm đơs lah: ‘Mê kung gơs gơnoar at bồ pram nơm ƀòn dờng.’