I Kôrintô 1:1 - Sră Goh 2018

¹ Pol, cau geh hòi sac lơh gơs cau gơnoar bơto dờng Yàng Krist Jesu dê, bơh nùs kòñ Yàng Tom Trồ, mơ Sôsthen la oh mi,

I Kôrintô 1:1 Mawu Ofanana

Luka 6:13

Tus àng drim, Kơnràñ hòi ală cau bơtê lòt tus, sac rwah jơt bàr nă tòm bol khai, sơnđan la cau gơnoar bơto dờng:

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

Broă 1:15

Tòm ală ngai hơ̆, Pier ntào digùl ală oh mi dòn Yàng, (ntum ală cau pơjum tềng hơ̆ pơgap dô rhiang bàr jơt nă), mơ đơs lah:

Broă 1:2

jơl tus di ngai Kơnràñ geh guh rê hơđang trồ, tơnơ̆ mơ tŭ Kơnràñ kơnòm di Yàng Hwềng Goh nàng bơto sồr ală cau gơnoar bơto dờng Kơnràñ neh sac rwah.

Broă 18:17

Bol khai kup Sôthen, cau sền gàr hìu jum cau Juda, pù lơh di đap tiah cahrña, mơya Gallio ò bài kơlôi bơh broă hơ̆.

Broă 22:21

Yàng đơs mơ añ lah: ‘Lòt tĕ, bơh añ rơp sồr mê lòt tus hơ ală làng bol bơdìh tòm tiah ngài.’”

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

Rôma 1:10

Añ òs dan mơ Yàng Tom Trồ jat nùs kòñ Kơnràñ dê, pò gùng añ in gơs tŭ tơngai nàng lòt tus hơ oh mi.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

I Kôrintô 15:9

Bơh añ la dềt rlau jơh tòm ală cau gơnoar bơto dờng, ò di pal sơnđan la cau gơnoar bơto dờng, tài bơh añ neh kup kơryan Hìu Jum Goh Yàng Tom Trồ dê.

I Kôrintô 3:9

Bơh bol hi la bơyô lơh broă bal mơ Yàng Tom Trồ; oh mi la sre Yàng Tom Trồ dê, mơ hìu Yàng Tom Trồ dê.

II Kôrintô 1:1

Pol, jat nùs kòñ Yàng Tom Trồ dê, lơh gơs cau gơnoar bơto dờng bơh Yàng Krist Jesu, bal mơ oh mi he la Timôthe, pơyoa Hìu Jum Goh Yàng Tom Trồ in tòm Kôrintô, mơ jơh ală cau sàng goh in ơm làm jơh lơgar Acai.

II Kôrintô 11:5

Mơya añ kơlôi lah añ ò di gơhuc mơ ală cau gơnoar bơto dờng màng ryŭ hơ̆ dô êt lơi.

II Kôrintô 12:12

Ngan oă bơta krơi, tềl is, neh geh lơh cơng lah, añ la dô nă cau gơnoar bơto dờng, neh geh bơtào digùl oh mi tòm oă bơta ơt ơl.

II Kôrintô 8:5

Bol khai neh lơh rlau be bol hi neh kơp kòñ, mơya bol khai lơh neh jat nùs kòñ Yàng Tom Trồ dê: Sơnròp ngan bol khai ơn să Yàng in, tơnơ̆ tai kung ơn bol hi in sơl.

Galati 1:1

Pol, geh hòi sac lơh gơs cau gơnoar bơto dờng, ò di bơh jơi kòn mơnus, kung ò bơh dô nă cau lơi, mơya bơh Yàng Jesu Krist mơ Yàng Tom Trồ la Bèp, hơ̆ la Bơtau neh lơh Kơnràñ in kis wơl bơh bơta chơt.

Ephesô 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, pơyoa ală cau sàng goh in tòm Ephesô mơ ală cau dòn song tòm Yàng Krist Jesu:

Ephesô 4:11

Kơnràñ ai cau do in gơs cau gơnoar bơto dờng, cau ne gơs cau gơnoar hwơr, cau ƀà gơs cau bơto yal Jơnau Niam, cau ƀà tai gơs cau gơnoar bơto mơ cau bơto,

Kôlôse 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, mơ Timôthe la oh mi bol he dê,

I Timôthe 1:1

Pol la cau gơnoar bơto dờng bơh Yàng Krist Jesu, jat gơnoar sồr Yàng Tom Trồ dê la Yàng Dong Klàs bol he, mơ Yàng Krist Jesu dê la bơta gơn kơnòm bol he dê,

I Timôthe 2:7

Tài bơh cơng tàng hơ̆, añ neh geh bơtào lơh gơs cau bơto Jơnau Niam mơ cau gơnoar bơto dờng, añ đơs song, ò đơs blac, lơh gơs cau bơto làng bol bơdìh in bơh bơta dòn mơ jơnau song.

II Timôthe 1:1

Pol la cau gơnoar bơto dờng bơh Yàng Jesu Krist, jat nùs kòñ Yàng Tom Trồ dê, mơ jat jơnau ho pơgon bơh bơta kis tòm Yàng Krist Jesu,