I Jang 5:9 - Sră Goh 2018

⁹ Dilah bol he dòp jơnau lơh cơng jơi kòn mơnus dê, gen jơnau lơh cơng Yàng Tom Trồ dê la dờng màng rlau; do la jơnau lơh cơng Yàng Tom Trồ dê, hơ̆ la jơnau lơh cơng bơh Kòn Kơnràñ.

I Jang 5:9 Mawu Ofanana

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Jang 10:38

Ai dilah Añ lơh ală broă hơ̆, gen bulah bol mê ò dòn Añ, dòn tĕ ală broă Añ jê, nàng bol mê in rgơi git mơ wă lah Bèp ơm tòm Añ mơ Añ ơm tòm Bèp.”

Jang 5:39

Bol mê sền sơwì Sră Goh, bơh kơlôi tòm hơ̆ gơs bơta kis gam sùm sùm; hơ̆ la Sră Goh lơh cơng bơh Añ;

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Broă 5:32

Ai bol hi do la cau lơh cơng bơh ală broă hơ̆ bal mơ Yàng Hwềng Goh, mơ Yàng Tom Trồ neh ai cau lơi in lơh jat jơnau Kơnràñ dê.”

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.

Hebrơ 6:18

tồ kơnòm di bàr bơta ò tòmgơl hơ̆, la bàr bơta Yàng Tom Trồ ò rgơi đơs blac, mơ bol he la ală cau neh kìng crŭ tòm Kơnràñ, gen gơchồl pràn kơldang nàng sơmbat kơ̆ di bơta gơn kơnòm neh ơn di đap bol he.

I Jang 5:10

Cau lơi dòn di Kòn Yàng Tom Trồ, gen gơs jơnau lơh cơng hơ̆ tòm să tòm he; ai cau lơi ò dòn Yàng Tom Trồ, gen kòp Kơnràñ be la cau đơs blac, tài bơh ò dòn jơnau Yàng Tom Trồ neh lơh cơng bơh Kòn Kơnràñ dê.

I Jang 5:8

Bơh gơs pe bơta lơh cơng: Yàng Hwềng, dà mơ mhàm; jơh pe bơta hơ̆ dô bă bal.