I Jang 4:9 - Sră Goh 2018

⁹ Bơta kòñ gơboh Yàng Tom Trồ dê neh geh ràng tơlik bol he in tòm bơta do: Yàng Tom Trồ neh sồr Kòn Dùl Kơnràñ dê lòt tus tòm dunnia, nàng bol he in kơnòm di Kơnràñ mơ geh kis.

I Jang 4:9 Mawu Ofanana

Sơnròp Gơlik Gơs 22:2

Yàng Tom Trồ đơs lah: “Kup tĕ kòn klau dùl mê kòñ gơboh la Isak mơ lòt tus hơ tiah Môria, tềng hơ̆ ơn tĕ kòn lơh gơs phan chu duh khoai hơđang dô nơm mơnơm Añ rơp sơnio mê in.”

Đơs Crih 2:7

Añ rơp yal tơlik bơta lơh nền Yàng Jehôwa đơs mơ Añ lah: “Mê la Kòn Añ jê, ngai do Añ neh tơnggơs mê.

Jơnau Niam Jat Mak 12:6

Cau tòm suơn gam gơs mìng dô nă, hơ̆ la kòn klau kòñ gơboh. Lồi dut, khai sồr kòn hơ̆ lòt tus hơ bol khai, mơ đơs lah: ‘Ngan bol khai rơp ki ngàm di kòn klau añ!’

Luka 4:18

“Hwềng Yàng dê rơp hơđang Añ, Bơh Kơnràñ neh bong mơñà Añ in nàng bơto yal Jơnau Niam ală cau rƀah lơòi in, Sồr Añ lòt yal ală cau gơkòl kup in geh hồ toh, Cau jơngo geh àng, Cau gơkòl rồn bơklơn geh khat gơboh,

Jang 10:10

Cau kơñau mìng tus nàng kơñau, hàl mơ tơnroh; ai Añ neh tus tồ belàt in geh bơta kis mơ bơta kis tơngkah tơngkañ.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Jang 3:18

Cau lơi dòn Kòn gen ò kòl cahrña ò; cau lơi ò dòn gen neh kòl cahrña rau, tài bơh ò dòn di sơnđan Kòn Dùl Yàng Tom Trồ dê.

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Jang 6:29

Yàng Jesu ho lah: “Broă Yàng Tom Trồ dê hơ̆ la bol mê dòn Bơtau mơ Kơnràñ neh sồr lòt tus.”

Jang 6:51

Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

Jang 6:57

Be Bèp la Bơtau kis neh sồr Añ lòt tus, mơ Añ kis bơh Bèp be lơi, gen cau lơi sa Añ kung rơp kis bơh Añ behơ̆ sơl.

Jang 8:29

Bơtau neh sồr Añ lòt tus gam ơm sùm sùm mơ Añ, ò lòi Añ ơm is; tài bơh Añ lơh ală bơta niam nùs Kơnràñ sùm.”

Jang 8:42

Yàng Jesu đơs lah: “Dilah Yàng Tom Trồ la Bèp bol mê gen bol mê rơp kòñ gơboh di Añ, tài bơh Añ lik bơh Yàng Tom Trồ mơ bơh Kơnràñ mơ tus; bơh Añ ò di tus is Añ jê ò, mơya să tòm Kơnràñ neh sồr Añ lòt tus.

Jang 9:3

Yàng Jesu ho lah: “Hơ̆ ò di tài bơh cau do hala mè bèp khai neh tìs glài ò, mơya nàng ală broă Yàng Tom Trồ dê geh yal tơlik tòm khai.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

Hebrơ 1:5

Bơh gơs tŭ lơi Yàng Tom Trồ đơs mơ cau gơnrơh lơi lah: “Mê la Kòn Añ jê, Ngai do Añ neh tơnggơs mê,” sơl ơ? Hala đơs tai lah: “Añ rơp lơh gơs Bèp Khai dê, Khai rơp lơh gơs Kòn Añ jê,” sơl ơ?

I Jang 3:16

Bơh bơta do bol he đal git bơta kòñ gơboh hơ̆ la Bơtau Krist neh phi bơta kis Kơnràñ dê bơh bol he; bol he kung pal phi bơta kis bơh oh mi he behơ̆ sơl.

I Jang 4:10

Bơta kòñ gơboh hơ̆ la be do: Ò di la bol he neh kòñ gơboh di Yàng Tom Trồ, mơya Kơnràñ neh kòñ gơboh di bol he, mơ sồr Kòn Kơnràñ dê lòt tus nàng lơh gơs phan ơn tơwài glài tài bơh tồi glài bol he dê.

I Jang 4:16

Bol he git mơ dòn Yàng Tom Trồ gơs bơta kòñ gơboh gơwèt mơ bol he. Yàng Tom Trồ la bơta kòñ gơboh, cau lơi ơm sùm tòm bơta kòñ gơboh la ơm sùm tòm Yàng Tom Trồ, mơ Yàng Tom Trồ ơm sùm tòm cau hơ̆.

I Jang 5:11

Jơnau lơh cơng hơ̆ la Yàng Tom Trồ neh ai bơta kis gam sùm sùm bol he in, mơ bơta kis hơ̆ ơm tòm Kòn Kơnràñ.

I Jang 5:13

Añ cih bơta do oh mi in, la cau dòn di sơnđan Kòn Yàng Tom Trồ dê, tồ oh mi in git he gơs bơta kis gam sùm sùm