I Jang 4:7 - Sră Goh 2018

⁷ Ơ ală cau kòñ gơboh, bol he kòñ gơboh tĕ bal mơ gơp; bơh bơta kòñ gơboh tus bơh di Yàng Tom Trồ, cau lơi kòñ gơboh gen tơnggơs bơh Yàng Tom Trồ mơ dòp git Yàng Tom Trồ.

I Jang 4:7 Mawu Ofanana

Jang 13:34

Añ ai bol mê in dô bơta sồr lam pa, hơ̆ la bol mê kòñ gơboh tĕ bal mơ gơp; Añ neh kòñ gơboh di bol mê be lơi, gen bol mê kung kòñ gơboh tĕ bal mơ gơp behơ̆ sơl.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

I Kôrintô 8:3

Mơya dilah cau lơi kòñ gơboh dê Yàng Tom Trồ, gen Kơnràñ git cau hơ̆.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Yal Wơl 30:6

Jehôwa Yàng Tom Trồ bol mê dê rơp siat gơltau nùs bol mê dê mơ nùs ală kòn sau bol mê dê, tồ bol mê rơp jơh nùs mơ jơh hwềng soàn kòñ gơboh di Jehôwa Yàng Tom Trồ bol mê dê, nàng bol mê in geh kis.

II Timôthe 1:7

Bơh Yàng Tom Trồ ò di ai bol he in hwềng nùs rngòt rngơt, mơya ai hwềng nùs pràn kơldang, kòñ gơboh mơ git kơrhia.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Jang 2:10

Cau lơi kòñ gơboh di oh mi he, gen ơm sùm tòm bơta àng, tòm cau hơ̆ ò gơs bơta lơi lơh cau in gơtup tìs.

I Jang 2:29

Dilah bol mê git Yàng Jesu Krist la song ring, gen bol mê git nền lah kòp nă cau lơi lơh jat bơta song ring, hơ̆ la kòn Yàng Tom Trồ.

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

I Jang 2:4

Cau lơi đơs: “Añ dòp git Kơnràñ,” mơya ò lơh jat bơta sồr lam Kơnràñ dê, gen khai la cau đơs blac, jơnau song ò ơm tòm khai.

I Jang 2:7

Ơ ală cau kòñ gơboh, hơ̆ ò di la bơta sồr lam pa mơ añ cih oh mi in, mơya bơta sồr lam yau oh mi neh gơs bơh sơnròp; bơta sồr lam yau la jơnau mơ oh mi neh kơno.

I Jang 3:9

Cau lơi tơnggơs bơh Yàng Tom Trồ gen ò tìs glài, tài bơh gar sơntìl Yàng Tom Trồ dê ơm sùm tòm khai; mơ khai ò rgơi tìs glài, tài bơh neh tơnggơs bơh Yàng Tom Trồ.

I Jang 4:11

Ơ ală cau kòñ gơboh, dilah Yàng Tom Trồ neh kòñ gơboh di bol he oă behơ̆, gen bol he kung pal kòñ gơboh bal mơ gơp.

I Jang 4:12

Ò gơs tŭ lơi gơs cau gŏ Yàng Tom Trồ; dilah bol he kòñ gơboh bal mơ gơp, gen Yàng Tom Trồ ơm sùm tòm bol he, mơ bơta kòñ gơboh Kơnràñ dê geh wil tơl tòm bol he.

I Jang 4:16

Bol he git mơ dòn Yàng Tom Trồ gơs bơta kòñ gơboh gơwèt mơ bol he. Yàng Tom Trồ la bơta kòñ gơboh, cau lơi ơm sùm tòm bơta kòñ gơboh la ơm sùm tòm Yàng Tom Trồ, mơ Yàng Tom Trồ ơm sùm tòm cau hơ̆.

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.

I Jang 4:8

Cau lơi ò kòñ gơboh gen ò dòp git Yàng Tom Trồ; bơh Yàng Tom Trồ la bơta kòñ gơboh.

I Jang 5:1

Cau lơi dòn Yàng Jesu la Bơtau Krist gen khai la kòn Yàng Tom Trồ dê, mơ cau lơi kòñ gơboh di Bơtau tơnggơs, gen kung kòñ gơboh di ală cau Kơnràñ neh tơnggơs.

II Jang 1:5

Ơ mò, tŭ do añ dan mò kah lah bol he pal kòñ gơboh bal mơ gơp, hơ̆ ò di be añ cih mò in dô bơta sồr lam pa, mơya la bơta bol he neh gơs bơh sơnròp.