I Jang 4:1 - Sră Goh 2018

¹ Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

I Jang 4:1 Mawu Ofanana

I Ală Bơtau 13:18

Gen cau hơ̆ đơs tai lah: “Añ kung la dô nă cau gơnoar hwơr be mê, mơ cau gơnrơh Yàng Jehôwa dê neh đơs mơ añ lah: ‘Cèng tĕ khai mut tòm hìu bal mơ mê, nàng khai in sa ƀañ mơ hùc dà.’” Mơya cau hơ̆ đơs pơrlồm khai.

Jơnau Pơnđik 14:15

Cau bơrngơl gơla dòn jơh ală jơnau; Mơya cau chài rgơi sền sơwì ală cơnđòa he dê.

Jeremi 14:14

Yàng Jehôwa đơs tai mơ añ lah: “Ală cau gơnoar hwơr ai sơnđan Añ mơ đơs hwơr blac, Añ ò tŭ lơi sồr bol khai, hala òhềt ai gơnoar sồr mơ òhềt đơs mơ bol khai. Bol khai đơs hwơr bol mê in bơh dô bơta gơtơnggŏ ma blac, bơta juh proh roh lơm, mơ bơta blac pơrlồm bơh nùs is bol khai dê!”

Jeremi 23:16

Yàng Jehôwa Gơnap Gơnoar dờng đơs be do: “Bañ iat ală jơnau ală cau gơnoar hwơr hơ̆ đơs hwơr mơ bol mê. Bol khai bơto bol mê in ală bơta gơn kơnòm ò kwơ, Mơ đơs bơta gơtơnggŏ bơh nùs is bol khai dê, ò di bơh bơr Yàng Jehôwa.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jơnau Niam Jat Mak 13:21

Tòm tŭ hơ̆ dilah gơs cau lơi đơs mơ bol mê lah: ‘Do, Bơtau Krist ơm tềng do,’ hala ‘Tềng hơ̆, gen bañ dòn.’

Luka 12:57

Ñchi bơh tài bol mê kung ò git sơwì is nền bơta lơi la song taih?

Luka 21:8

Kơnràñ đơs lah: “Kơrhia tĕ, rngòt bol mê gơkòl pơrlồm tìs nrah mòn, bơh gơs oă cau rơp ai sơnđan Añ lòt tus mơ đơs lah: ‘Añ la Krist!’ mơ lah: ‘Tŭ tơngai neh tus rềp.’ Bol mê bañ lòt jat bol khai.

Broă 17:11

Ală cau ơm tềng hơ̆ git jơnau rlau mơ ală cau ơm tòm Tesalônika, bol khai kơno jơnau Yàng dô bă ngac ngar, kòp ngai kung sền sơwì Sră Goh, nàng lòng sền jơnau Pol bơto sồr hơ̆ la ngan hala ò.

Broă 20:29

Añ git lah tơnơ̆ mơ tŭ añ lòt, gen rơp gơs so rhau jàñ bơsak mut tòm oh mi, gơ ò pơlai mpồl belàt ò.

I Kôrintô 12:10

Yàng Hwềng ai cau do in gơnap gơnoar lơh broă crih crài, cau ne bơto yal jơnau Yàng Tom Trồ, cau dă git kơlôi cah is ală hwềng, cau ndai rgơi git oă jơnau đơs ndai, mơ cau ndai tai rgơi git sơpơ̆bơr ală jơnau hơ̆.

I Kôrintô 14:29

Dilah gơs cau đơs hwơr gen lòi mìng bàr nă hala pe nă đơs lơm, ai ală cau ne pal sền sơwì.

I Tesalônika 5:20

Bañ sền òsơp di jơnau đơs hwơr.

I Tesalônika 5:21

Lòng tĕ jơh ală broă, bơta lơi niam gen prap gàr tĕ.

II Tesalônika 2:2

bañ lòi nùs kơlôi oh mi dê mhar lơnggơr, kung bañ dơrcul bơh hwềng lơi, hala bơh jơnau đơs, hala bơh sră pơyoa lơi gơlơh be bol hi neh pơyoa, mơ đơs lah ngai Yàng dê neh tus rau.

I Timôthe 4:1

Yàng Hwềng yal loh làng lah tòm tŭ tơngai lồi dut gơs cau ƀà rơp sang lòi bơta dòn mơ iat ală cà pơrlồm ơniai, mơ iat bơta bơto sồr gùng duh khoai cà dê,

II Timôthe 3:13

Mơya ală cau iơh bơsak mơ cau ma blac gen sơlo gơlik iơh tai, pơrlồm cau ndai mơ bol khai kung kòl cau ndai pơrlồm sơl.

II Pier 2:1

Mơya, kung be tòm làng bol neh gơs cau gơnoar hwơr ma blac bơtào tơngguh, gen kung rơp gơs cau bơto ma blac tòm oh mi sơl; bol khai rơp bơto òm ală gùng duh khoai tìs mơ tơnroh cau, tian gơs pơndang sang Yàng neh rwat bol khai; bol khai cèng is bơta roh rui mhar ngan să tòm bol khai in.

I Jang 2:18

Ơ ală kòn, do la tŭ lồi dut rau, ală bol mê neh kơno đơs lah cau sòdră di Bơtau Krist pal tus, mơ tòm tŭ do gơs oă cau sòdră di Bơtau Krist neh tus rau; bơh hơ̆ bol he git lah do la tŭ lồi dut.

I Jang 2:7

Ơ ală cau kòñ gơboh, hơ̆ ò di la bơta sồr lam pa mơ añ cih oh mi in, mơya bơta sồr lam yau oh mi neh gơs bơh sơnròp; bơta sồr lam yau la jơnau mơ oh mi neh kơno.

II Jang 1:7

Bơh neh gơs oă cau blac pơrlồm lik lòt tòm dunnia, la cau ò dòp Yàng Jesu Krist ai poac mhàm mơ lòt tus; hơ̆ la cau blac pơrlồm mơ la cau sòdră di Bơtau Krist.

III Jang 1:11

Ơ bi kòñ gơboh, bañ đòm jat bơta iơh bơsak, mơya đòm jat tĕ bơta niam. Cau lơi lơh bơta niam la bal mơ Yàng Tom Trồ; ai cau lơi lơh bơta iơh bơsak, gen ò tŭ lơi gŏ Yàng Tom Trồ.

Yal Tơlik 2:2

‘Añ git ală broă mê dê, bơta duh broă bòl glar mê dê, mơ bơta kong ơt mê dê; Añ git mê ò bài kong ală cau iơh bơsak, mơ mê neh lòng ală cau sơnđan is să he la cau gơnoar bơto dờng mơya ò di la cau gơnoar bơto dờng; mê neh gŏ bol khai la ală cau ma blac.