I Jang 3:2 - Sră Goh 2018

² Ơ ală cau kòñ gơboh, tòm tŭ do bol he la kòn Yàng Tom Trồ dê, ai bol he rơp gơlik gơs mbe lơi, gen bơta hơ̆ òhềt geh yal tơlik. Bol he git lah tòm tŭ Bơtau Krist tơlik să gen bol he rơp gơlik gơs tòm toh be Kơnràñ, bơh rơp gŏ Kơnràñ be Kơnràñ la Bơtau neh gơs mơ gam gơs sùm sùm.

I Jang 3:2 Mawu Ofanana

Sră Jop 19:26

Mơ tơnơ̆ mơ tŭ gơltau añ neh kong tơnroh, Tòm poac să añ, añ rơp gŏ Yàng Tom Trồ;

Đơs Crih 16:11

Yàng rơp sơnio añ in git gùng bơta kis; Di đap Yàng gơs bềng lìu bơta hòn chò, Di đah ma Yàng gơs bơta chò hòp gam sùm sùm.

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

Đơs Crih 31:19

Nùs niam Yàng dê la dờng ngan ò git lơh, La nùs niam mơ Yàng neh prap lòi ală cau in duh rngòt di Yàng, Mơ Kơnràñ bơtào kơ̆ ală cau in kìng crŭ să he tòm Yàng, di đap mat jơh tơl nă cau.

Esai 56:5

Añ rơp ai dô bă tiah tòm hìu duh khoai Añ jê, mơ tòm dơlam ală dơrñang gơ dê, dô bơta kah kirsơnre, dô nơm sơnđan niam rlau mơ ală kòn klau mơ kòn ùr; Añ rơp ai bol khai in dô nơm sơnđan gam sùm sùm mơ rơp ò gơs tŭ lơi lồi.

Malaci 3:2

Mơya, ñcau rơp kong jai tòm ngai Kơnràñ tus taih? Ñcau rgơi ntào jai tòm tŭ Kơnràñ tơlik să taih? Bơh Kơnràñ kung be ồs cau chài tŏ tiar goh, kung be ‘kơmbuh pìh’ cau chài pìh goh.

Mathiơ 5:8

Lơngai ală cau gơs nùs sàng goh in, bơh rơp gŏ Yàng Tom Trồ!

Luka 17:30

Ngai Kòn Mơnus tus kung behơ̆ sơl.

Luka 20:36

Bol khai rơp ò chơt tai, bơh bol khai tòm toh be ală cau gơnrơh mơ la kòn Yàng Tom Trồ dê, hơ̆ la kòn bơta kis wơl dê.

Jang 1:12

Mơya dilah cau lơi neh dòp Kơnràñ, hơ̆ la dòn di sơnđan Kơnràñ; gen Kơnràñ ai khai in gơnoar gơlik gơs kòn sau Yàng Tom Trồ dê.

Jang 11:52

Ò di mìng bơh làng bol lơm ò, mơya kung nàng pơjum tơrgòm dô bă bal ală kòn sau Yàng Tom Trồ dê neh nrah nring.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Rôma 8:16

Să tòm Yàng Hwềng mơ hwềng nùs bol he dê lơh cơng lah bol he la kòn sau Yàng Tom Trồ dê.

Rôma 8:18

Añ kòp lah ală bơta jê sồt tòm tŭ do ò di pal pơndròm mơ bơta gơklŏ rơp geh ràng tơlik bol he in.

Rôma 8:19

Bơh ală phan tòm trồ tiah jơh nùs kơp kòñ mơ gơn kơp bơta ràng tơlik ală kòn sau Yàng Tom Trồ dê.

Rôma 8:29

Bơh ală cau Kơnràñ neh git lài, gen Kơnràñ kung neh lơh nền lài nàng bol khai in gơlik gơs be rùp să Kòn Kơnràñ dê, tồ Kòn hơ̆ lơh gơs kòn tơnhoa ơm digùl oă oh mi;

I Kôrintô 13:12

Tŭ do bol he sền ò loh be sền tòm krơh lu li, mơya tòm tŭ hơ̆ mat tòm toh mơ mat; tŭ do añ git ò wil tơl, mơya tòm tŭ hơ̆ añ rơp git jơh kung be Yàng neh git loh bơh añ.

I Kôrintô 15:49

Bol he neh dòp rùp să bơh ù, gen bol he kung rơp dòp rùp să bơh trồ sơl.

I Kôrintô 2:9

Mơya kung be Jơnau neh cih lah: “Ală bơta mat òhềt gŏ, tồr òhềt kơno, Mơ nùs kòn mơnus òhềt kơlôi, Gen Yàng Tom Trồ neh rcang lài ală bơta hơ̆ ală cau in kòñ gơboh di Kơnràñ.”

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

II Kôrintô 4:17

Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.

Galati 3:26

Bơh jơh ală oh mi la kòn sau Yàng Tom Trồ dê bơh bơta dòn tòm Yàng Krist Jesu.

Galati 4:6

Bơh oh mi la kòn klau kòn ùr Kơnràñ dê, gen tàng Yàng Tom Trồ neh ai Hwềng Kòn Kơnràñ dê mut tòm nùs bol he mơ đơs lah: “Aba! Bèp!”

Philip 3:21

Kơnràñ rơp lơh să jan ò kwơ bol he dê gơlik gơs be să jan gơklŏ Kơnràñ dê, jat be gơnap gơnoar Kơnràñ gơs nàng lơh jơh ală phan dòn duh Kơnràñ.

Kôlôse 3:4

Tŭ lơi Bơtau Krist la bơta kis bol he dê tơlik să, tŭ hơ̆ oh mi kung rơp tơlik să bal mơ Kơnràñ tòm bơta gơklŏ.

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

II Pier 1:4

Kung bơh bơta gơklŏ mơ bơta kơ̆ dơn hơ̆, Kơnràñ neh ai bol he in jơnau ho pơgon màng ngan mơ dờng ngan Kơnràñ dê, nàng kơnòm di bơta hơ̆ oh mi geh pleh klàs bơh di bơta ồm lề tòm dunnia gơlik bơh nùs hàm kòñ is, mơ geh pơnah tòm nùs Yàng Tom Trồ dê.

I Jang 2:28

Behơ̆ tòm tŭ do, ơ ală kòn añ jê, ơm tĕ sùm tòm Kơnràñ, nàng tòm tŭ Kơnràñ tơlik mat, gen bol he gơs nùs khin cha, ò gơs ƀàssìl di đap Kơnràñ tòm tŭ Kơnràñ tus wơl.

I Jang 2:7

Ơ ală cau kòñ gơboh, hơ̆ ò di la bơta sồr lam pa mơ añ cih oh mi in, mơya bơta sồr lam yau oh mi neh gơs bơh sơnròp; bơta sồr lam yau la jơnau mơ oh mi neh kơno.

I Jang 3:1

Sền tĕ Yàng Bèp neh ai bol he in bơta kòñ gơboh ò git nđò, nàng bol he geh sơnđan la kòn Yàng Tom Trồ dê; mơ bol he ngan la behơ̆. Dunnia ò git đal bol he, tài bơh bol khai ò git Kơnràñ.

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.

I Jang 3:21

Ơ ală cau kòñ gơboh, dilah nùs bol he ò lơh nền glài he, gen bol he gơs kơ̆ nùs di đap Yàng Tom Trồ,

I Jang 5:1

Cau lơi dòn Yàng Jesu la Bơtau Krist gen khai la kòn Yàng Tom Trồ dê, mơ cau lơi kòñ gơboh di Bơtau tơnggơs, gen kung kòñ gơboh di ală cau Kơnràñ neh tơnggơs.

Yal Tơlik 2:28

mơ Añ rơp ai khai in sơmañ àng drim.

Yal Tơlik 22:4

Bol khai rơp gŏ mat Kơnràñ, mơ di bìng liang bol khai dê gơs sơnđan Kơnràñ dê.