I Jang 3:1 - Sră Goh 2018

¹ Sền tĕ Yàng Bèp neh ai bol he in bơta kòñ gơboh ò git nđò, nàng bol he geh sơnđan la kòn Yàng Tom Trồ dê; mơ bol he ngan la behơ̆. Dunnia ò git đal bol he, tài bơh bol khai ò git Kơnràñ.

I Jang 3:1 Mawu Ofanana

II Samuel 7:19

Bulah behơ̆, hơ̆ la dô bơta dềt rhền di đap mat Yàng; khoai Jehôwa Yàng Tom Trồ, Yàng kung neh đơs bơh hìu cau duh broă Yàng dê bơh ală ngai jŏ jòng rơp tus. Khoai Jehôwa Yàng Tom Trồ, dan jơnau bơto sồr do gơlik gơs làng bol in.

Đơs Crih 31:19

Nùs niam Yàng dê la dờng ngan ò git lơh, La nùs niam mơ Yàng neh prap lòi ală cau in duh rngòt di Yàng, Mơ Kơnràñ bơtào kơ̆ ală cau in kìng crŭ să he tòm Yàng, di đap mat jơh tơl nă cau.

Jeremi 3:19

Añ neh kơlôi lah: ‘Añ rơp ơn mê digùl ală kòn sau Añ jê, Añ rơp ai mê in dô bă tiah ù niam, Phan jơtài hàng mơnĕ rlau jơh tòm ală lơgar Añ neh kơlôi: Mê rơp hòi di Añ la “Bèp Añ jê!” Mơ ò pơrlac sang bơh bơta lòt jat Añ.

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Luka 20:36

Bol khai rơp ò chơt tai, bơh bol khai tòm toh be ală cau gơnrơh mơ la kòn Yàng Tom Trồ dê, hơ̆ la kòn bơta kis wơl dê.

Jang 1:12

Mơya dilah cau lơi neh dòp Kơnràñ, hơ̆ la dòn di sơnđan Kơnràñ; gen Kơnràñ ai khai in gơnoar gơlik gơs kòn sau Yàng Tom Trồ dê.

Jang 11:52

Ò di mìng bơh làng bol lơm ò, mơya kung nàng pơjum tơrgòm dô bă bal ală kòn sau Yàng Tom Trồ dê neh nrah nring.

Jang 15:21

Mơya tài bơh sơnđan Añ mơ bol khai rơp lơh jơh ală bơta hơ̆ di bol mê, tài bơh bol khai ò git Bơtau neh sồr Añ lòt tus.

Jang 16:3

Bol khai rơp lơh ală bơta hơ̆, tài bơh ò git Bèp, kung ò git Añ sơl.

Jang 17:25

Ơ Bèp song ring, dunnia ò git Bèp ò, mơya Añ neh git Bèp, mơ ală cau do git lah Bèp neh sồr Añ lòt tus.

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Rôma 5:8

Mơya Yàng Tom Trồ yal tơlik nùs kòñ gơboh Kơnràñ dê gơwèt mơ bol he, la tòm tŭ bol he gam la cau glài, gen Bơtau Krist bơh bol he mơ kong chơt.

Rôma 8:19

Bơh ală phan tòm trồ tiah jơh nùs kơp kòñ mơ gơn kơp bơta ràng tơlik ală kòn sau Yàng Tom Trồ dê.

Rôma 8:21

Ală phan tòm trồ tiah gơn kơnòm lah gơ rơp geh hồ toh lik klàs bơh di bơta lơh gơs dĭ gơna bơta roh lơm dê, tồ dòp bơta khat gơboh tòm bơta gơklŏ kòn sau Yàng Tom Trồ dê.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Galati 3:26

Bơh jơh ală oh mi la kòn sau Yàng Tom Trồ dê bơh bơta dòn tòm Yàng Krist Jesu.

Galati 3:29

Dilah oh mi neh bal mơ Bơtau Krist, gen oh mi la jơi bơtiàn Abraham dê, hơ̆ la cau pơrdòn jat jơnau ho pơgon Yàng Tom Trồ dê.

Yal Wơl 14:1

“Bol mê la kòn sau Jehôwa Yàng Tom Trồ bol mê dê. Bañ koh să tòm bol mê dê hala koah đah đap bồ bol mê dê bơh cau neh chơt,

Kôlôse 3:3

Bơh oh mi neh chơt, bơta kis oh mi dê neh pồn bal mơ Bơtau Krist tòm Yàng Tom Trồ.

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.

I Jang 3:2

Ơ ală cau kòñ gơboh, tòm tŭ do bol he la kòn Yàng Tom Trồ dê, ai bol he rơp gơlik gơs mbe lơi, gen bơta hơ̆ òhềt geh yal tơlik. Bol he git lah tòm tŭ Bơtau Krist tơlik să gen bol he rơp gơlik gơs tòm toh be Kơnràñ, bơh rơp gŏ Kơnràñ be Kơnràñ la Bơtau neh gơs mơ gam gơs sùm sùm.

I Jang 4:17

Bơh hơ̆ bơta kòñ gơboh geh wil tơl tòm bol he, tồ bol he in gơs nùs khin cha tòm ngai cahrña, tài bơh Kơnràñ la be lơi gen bol he kung behơ̆ sơl tòm dunnia do.

Yal Tơlik 21:7

Cau lơi geh pha lin rlau rơp geh ală bơta hơ̆ lơh gơs sre brê; Añ rơp lơh gơs Yàng Tom Trồ khai dê mơ khai rơp lơh gơs kòn Añ jê.