I Jang 2:9 - Sră Goh 2018

⁹ Cau lơi đơs lah he ơm tòm bơta àng, mơ gơjrañ kơuềng di oh mi he, gen gam ơm tòm bơta klam jơngo.

I Jang 2:9 Mawu Ofanana

II Samuel 13:22

Apsalôm ò đơs dô jơnau lơi mơ Amnôn bulah la niam hala iơh; bơh khai gơjrañ di Amnôn tài bơh Amnôn neh bic bơklơn Tamar, oh ùr khai dê.

Đơs Crih 82:5

Bol khai ò gơs bơta git jak, kung ò gơs bơta git wă sơl, Bol khai lơh lòt tòm bơta klam jơngo; jơh ală mơnàng plai ù gơlơnggơr.

Lebi 19:17

Bañ prap tòm nùs bơta gơjrañ kơuềng di oh mi bol mê dê. Ai tĕ nùs song ngan mơ lah pơrhơng cau gơp ƀòn bol mê dê nàng mê rơp ò kong bal mơ khai bơh tồi glài khai dê.

Jang 9:41

Yàng Jesu ho lah: “Dilah bol mê la cau jơngo, gen ò gơs tồi glài ò; mơya tài bơh bol mê đơs: ‘Bol hi gŏ,’ gen tàng tồi glài bol mê dê gam wơl.”

Broă 1:15

Tòm ală ngai hơ̆, Pier ntào digùl ală oh mi dòn Yàng, (ntum ală cau pơjum tềng hơ̆ pơgap dô rhiang bàr jơt nă), mơ đơs lah:

II Pier 1:9

Bơh cau lơi siơ̆u ală bơta hơ̆ gen gơlik gơs be cau mìng gŏ rềp, cau jơngo, neh hŭi lah khai neh geh rào goh bơh ală tồi glài yau khai dê.

I Jang 1:6

Dilah bol he đơs lah he geh gơtòmklac bal mơ Kơnràñ, mơ gam lòt tòm bơta klam jơngo, hơ̆ la bol he đơs blac mơ ò lơh lòt jat jơnau song.

I Jang 2:11

Mơya cau lơi gơjrañ kơuềng di oh mi he, gen ơm tòm bơta klam jơngo, lơh lòt tòm bơta klam jơngo, mơ ò git ntềng đah he lòt tài bơh bơta klam jơngo neh lơh jơngo mat khai dê.

I Jang 2:4

Cau lơi đơs: “Añ dòp git Kơnràñ,” mơya ò lơh jat bơta sồr lam Kơnràñ dê, gen khai la cau đơs blac, jơnau song ò ơm tòm khai.

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.