I Jang 2:7 - Sră Goh 2018

⁷ Ơ ală cau kòñ gơboh, hơ̆ ò di la bơta sồr lam pa mơ añ cih oh mi in, mơya bơta sồr lam yau oh mi neh gơs bơh sơnròp; bơta sồr lam yau la jơnau mơ oh mi neh kơno.

I Jang 2:7 Mawu Ofanana

Lebi 19:18

Bañ jòi jat bơta sal tê hala prap tòm nùs bơta gơjrañ mañ tòmdră mơ dô nă cau tòm làng bol mê dê, mơya kòñ gơboh tĕ cau gơp ƀòn mê dê be să tòm mê. Añ la Yàng Jehôwa.

Lebi 19:34

Pal gơwèt hơ cau làng bơdìh ơm bal mơ bol mê kung be dô nă tòm ală cau làng tòm. Kòñ gơboh di khai kung be să tòm bol mê dê, bơh mê bơh lài la cau làng bơdìh ơm tòm Ejiptơ. Añ la Jehôwa Yàng Tom Trồ bol mê dê.

Mathiơ 5:43

“Bol mê neh kơno đơs lah: ‘Kòñ gơboh tĕ di cau gơp he, mơ gơjrañ kơuềng tĕ di cau sò tơm.’

Jang 13:34

Añ ai bol mê in dô bơta sồr lam pa, hơ̆ la bol mê kòñ gơboh tĕ bal mơ gơp; Añ neh kòñ gơboh di bol mê be lơi, gen bol mê kung kòñ gơboh tĕ bal mơ gơp behơ̆ sơl.

Broă 17:19

Bol khai kup Pol cèng tus hơ mpồl kwang tơrña tòm tiah Areôpa mơ lùp lah: “Bol hi kòñ git loh ñchi bơta bơto pa do mơ ồng đơs hơ̆ di sơl?

Yal Wơl 6:5

Oh mi pal jơh nùs, jơh hwềng soàn, jơh pràn, mơ kòñ gơboh di Jehôwa la Yàng Tom Trồ oh mi dê.

Hebrơ 6:9

Ơ oh mi kòñ gơboh, bulah bol hi đơs behơ̆ mơya bol hi dòn nền ngan lah ală oh mi ơm tòm bơta niam rlau, la ală broă gơ lòt bal mơ bơta dong klàs.

I Jang 2:24

Bơta bol mê neh kơno bơh sơnròp gen pal prap sùm tòm nùs bol mê. Dilah bơta bol mê neh kơno bơh sơnròp ơm sùm tòm bol mê, gen bol mê kung rơp ơm sùm tòm Yàng Kòn mơ tòm Yàng Bèp sơl.

I Jang 3:11

Do la jơnau bơto yal mơ oh mi neh kơno bơh sơnròp: Hơ̆ la bol he pal kòñ gơboh bal mơ gơp.

I Jang 3:2

Ơ ală cau kòñ gơboh, tòm tŭ do bol he la kòn Yàng Tom Trồ dê, ai bol he rơp gơlik gơs mbe lơi, gen bơta hơ̆ òhềt geh yal tơlik. Bol he git lah tòm tŭ Bơtau Krist tơlik să gen bol he rơp gơlik gơs tòm toh be Kơnràñ, bơh rơp gŏ Kơnràñ be Kơnràñ la Bơtau neh gơs mơ gam gơs sùm sùm.

I Jang 3:21

Ơ ală cau kòñ gơboh, dilah nùs bol he ò lơh nền glài he, gen bol he gơs kơ̆ nùs di đap Yàng Tom Trồ,

I Jang 3:23

Mơ do la bơta sồr lam Kơnràñ dê: Bol he pal dòn di sơnđan Kòn Kơnràñ dê, la Yàng Jesu Krist, mơ kòñ gơboh bal mơ gơp, be Kơnràñ neh sồr bol he.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

I Jang 4:11

Ơ ală cau kòñ gơboh, dilah Yàng Tom Trồ neh kòñ gơboh di bol he oă behơ̆, gen bol he kung pal kòñ gơboh bal mơ gơp.

I Jang 4:21

Bol he neh dòp bơh Kơnràñ bơta sồr lam do: Cau lơi kòñ gơboh di Yàng Tom Trồ gen kung pal kòñ gơboh di oh mi he sơl.

I Jang 4:7

Ơ ală cau kòñ gơboh, bol he kòñ gơboh tĕ bal mơ gơp; bơh bơta kòñ gơboh tus bơh di Yàng Tom Trồ, cau lơi kòñ gơboh gen tơnggơs bơh Yàng Tom Trồ mơ dòp git Yàng Tom Trồ.