II Samuel 9:11 - Sră Goh 2018

¹¹ Gen Jiba đơs mơ bơtau lah: “Cau duh broă bơtau dê rơp lơh jơh ală bơta bơtau la cau tòm añ jê neh sồr añ lơh.” Mephibôset sa di cơnòng Dabit dê kung be dô nă kòn klau bơtau dê.

II Samuel 9:11 Mawu Ofanana

II Samuel 15:15

Ală cau kwang bơtau dê đơs mơ bơtau lah: “Ală cau dĭ gơna bơtau dê neh rcang sir nàng lơh jat jơh ală bơta cau tòm bol hi la bơtau lơh nền.”

II Samuel 19:17

Gơs dô rbô nă cau Benjamin lòt jat bơtau. Mơ Jiba la cau duh broă hìu Sol dê, bal mơ jơt pram nă kòn klau khai dê, mơ bàr jơt nă cau duh broă khai dê. Bol khai lòt mhar tus di hiòng Jordan lài mơ bơtau.

II Samuel 19:24

Mephibôset sau klau Sol dê, kung lòt tus tòm mat mơ cau bơtau. Khai ò kơlôi rcang bơh jơng khai dê, ò siat sơnò tềp hala pìh ồi ào khai dê bơh di ngai bơtau lik lòt jơl tus di ngai bơtau rê wơl lơngap lơngai.

II Samuel 19:26

Khai ho lah: “Ơ bơtau la cau tòm añ jê, cau dĭ gơna añ jê neh pơrlồm añ; bơh cau duh broă bơtau dê neh đơs mơ khai lah: Kơt tĕ ừn alàng añ in nàng añ in rgơi hào gơ mơ lòt bal mơ bơtau. Bơh cau duh broă bơtau dê la gơlte.

II Samuel 9:10

Mê bal mơ ală kòn klau mơ ală cau duh broă mê dê pal troă lơòr ù tiah hơ̆ khai in, mơ toès prap plai đo nàng sau klau cau tòm mê dê geh phan sa. Mơ Mephibôset, sau klau cau tòm mê, rơp sa di cơnòng añ jê sùm.” (Mơ tai, Jiba gơs jơt pram nă kòn klau mơ bàr jơt nă cau duh broă.)

II Samuel 9:12

Mephibôset gơs dô nă kòn pơnu sơnđan la Mika; mơ jơh ală cau tòm hìu nhă Jiba la ală cau duh broă Mephibôset dê.

II Samuel 9:13

Mephibôset ơm tòm Jerusalem tài bơh khai sa di cơnòng bơtau dê sùm, mơ khai gơlte jơh bàr đah jơng.