II Samuel 9:1 - Sră Goh 2018

¹ Dabit lùp lah: “Gơs cau lơi tòm hìu Sol gam kis nàng añ rgơi yal tơlik bơta nđàc khai in, tài bơh Jônathan sơl?”

II Samuel 9:1 Mawu Ofanana

II Samuel 1:26

Ơ Jônathan bi añ, añ jê nùs ngan tài bơh bi. Bi neh kòñ gơboh đềt mềr mơ añ. Bơta kòñ gơboh bi dê gơwèt mơ añ la krơi is crih crài, krơi is crih crài rlau mơ bơta kòñ gơboh di cau ùr.

II Samuel 21:7

Dabit lòi wơl Mephibôset, kòn klau Jônathan, sau Sol dê, tài bơh bơta srat să ho bal digùl Dabit mơ Jônathan kòn klau Sol dê di đap Yàng Jehôwa.

II Samuel 9:7

Dabit đơs mơ khai lah: “Bañ rngòt, bơh añ rơp yal tơlik bơta nđàc mê in, tài bơh Jônathan bèp mê dê. Añ rơp ai wơl mê in jơh ală ù tiah Sol, ồng mê dê, mơ să tòm mê rơp sa di cơnòng sa bal mơ añ sùm.”

I Ală Bơtau 2:7

Lơh tĕ bơta niam lơnhơn gơwèt hơ ală kòn klau Barjilai cau Galaat, mơ ai bol khai in nggui digùl ală cau sa di cơnòng sa bal mơ kòn. Bơh bol khai neh dòn song mơ añ tòm tŭ añ ntoat dô bơh di Apsalôm bi kòn dê.

Jơnau Pơnđik 27:10

Bañ sang lòi bơyô he, hala bơyô bèp he dê; tòm ngai gơlòng bòl glar bañ lòt tus hơ hìu oh mi he; Dô nă cau gơp ƀòn ơm rềp niam rlau mơ oh mi ơm ngài.

Mathiơ 10:42

Cau lơi ai dô nă tòm mpồl kơnòm dềt do in mìng hùc dô mơngàn dà ngềt lơm, tài bơh kơnòm hơ̆ la cau bơtê Añ jê, di ngan Añ đơs mơ bol mê, cau hơ̆ rơp ò gơs tŭ lơi roh phan ƀàn khai dê.”

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Jơnau Niam Jat Mak 9:41

Behơ̆ dilah cau lơi ai bol mê in hùc dô mơngàn dà bơh bol mê la bal mơ Bơtau Krist, di ngan Añ đơs mơ bol mê, cau hơ̆ rơp ò gơs tŭ lơi roh phan ƀàn khai dê ò.”

I Pier 3:8

Lồi tơnơ̆, jơh tơl nă oh mi pal gơs dô nùs kơlôi bal, nđàc sơngit bal, kòñ gơboh di oh mi, gơs nùs lơbơn niam mơ pơndêt să.

I Samuel 20:42

Gen Jônathan đơs mơ Dabit lah: “Lòt tĕ lơngap lơngai, bơh bol he neh ai sơnđan Yàng Jehôwa mơ srat să tòmho lơh yô bal mơ gơp lah: ‘Yàng Jehôwa lơh cơng digùl bi mơ añ, mơ digùl kòn sau añ mơ kòn sau bi dê sùm sùm.’”