II Samuel 8:18 - Sră Goh 2018

¹⁸ Benayah kòn klau Jehôyada la kwang at bồ cau Kerethit mơ cau Phelethit; mơ ală kòn klau Dabit la kwang bơyai broă cau bơtau dê.

II Samuel 8:18 Mawu Ofanana

II Samuel 15:18

Jơh ală cau kwang hơđơm bơtau lòt sơrlèt rlau mơ bơtau, gơs jơh ală cau Keret, cau Phelet mơ jơh dô mpồl prau rhiang nă cau Gat neh lòt jat bơtau bơh Gat; bol khai lòt sơrlèt di đap cau bơtau.

II Samuel 20:23

Tŭ hơ̆ Jôap at bồ jơh mpồl ling Israel dê; Benayah, kòn klau Jehôyada at bồ ală cau Keret mơ Phelet

II Samuel 20:26

mơ Ira cau Jair kung lơh gơs gơnoar ơn phan duh khoai Dabit in sơl.

II Samuel 20:7

Behơ̆, mpồl ling Jôap, cau Keret mơ cau Phelet bal mơ jơh ală cau ling pràn kơldang lik lòt hơđơm gơnoar at bồ Abisai dê. Bol khai lik lòt bơh di Jerusalem nàng ting jat Seba, kòn klau Bikri.

I Ală Bơtau 1:38

Behơ̆, Jadôk cau gơnoar ơn phan duh khoai, Nathan cau gơnoar hwơr, Benayah kòn klau Jehôyada, ală cau Keret mơ cau Phelet gen lòt tus, yò Salômôn hào hơđang alàng bơtau Dabit dê, mơ lam khai tus hơ Gihôn.

I Ală Bơtau 1:44

Cau bơtau neh sồr Jadôk cau gơnoar ơn phan duh khoai, Nathan cau gơnoar hwơr, Benayah kòn klau Jehôyada, ală cau Keret bal mơ ală cau Phelet lòt jat khai, mơ bol khai neh yò Salômôn hào hơđang alàng bơtau dê.

I Ală Bơtau 1:8

Mơya Jadôk cau gơnoar ơn phan duh khoai mơ Benayah kòn klau Jehôyada, Nathan cau gơnoar hwơr, Simei, Rei, mơ ală cau ling gàr să Dabit, ò jat đah Adônija.

I Ală Bơtau 2:25

Behơ̆ Bơtau Salômôn sồr Benayah kòn klau Jehôyada, mơ khai tơnchơt Adônija.

I Ală Bơtau 4:4

Benayah kòn klau Jehôyada, la cau kwang at bồ mpồl ling; Jadôk mơ Abiatha la ală cau gơnoar ơn phan duh khoai.

I Ală Bơtau 4:5

Ajaria, kòn klau Nathan, la cau lam bồ ală cau kwang at bồ kơnhwàl; Jabut, kòn klau Nathan, lơh gơs dô nă cau gơnoar ơn phan duh khoai mơ cau bơyai broă is cau bơtau dê;

II Ală Bơtau 11:4

Mơya tòm nam dơ̆ poh, Jehôyada hòi pơjum ală kwang at bồ rhiang ling kơp gàr mơ ală ling sền gàr gơlang bơtau, mơ bol hơ̆ neh tus mơ khai tòm hìu duh khoai Yàng Jehôwa dê. Khai bơtào bơta ho bal mơ srat să ho nền di hìu duh khoai Yàng Jehôwa; gen sơnio kòn klau cau bơtau bol khai in.

I Yal Yau 11:22

Benayah kòn klau Jehôyada la dô nă cau ling tòmlơh khin cha pràn kơldang tòm Kapseel, neh lơh ală broă dờng mơ krơi is. Khai tơnchơt bàr nă tòm ală cau Môap jak rlau jơh. Khai kung mù tòm dô nơm trồm jrô tòm dô ngai dùh piar mơ tơnchơt dô nơm klìu triă.

I Yal Yau 18:17

Benayah kòn klau Jehôyada at bồ cau Kerethit mơ cau Phelethit; mơ ală kòn klau Dabit gơs cau kwang at bồ ơm dong broă di gah bơtau.

Ejekiel 25:16

gen tàng Jehôwa Yàng Tom Trồ đơs be do: ‘Añ rơp pò tê tòmdră mơ làng bol Philistin, Añ rơp tơnchơt ală cau Keret mơ tơnroh jơh ală cau gam wơl ơm rò gah dàlềng.

Sôphôni 2:5

Bòl glar ngan làng bol in ơm di gah dàlềng, hơ̆ la làng bol Keret! Ơ Kanaan, ù tiah làng bol Philistin; Gơs jơnau Yàng Jehôwa tòmdră mơ mê, “mơ Añ rơp tơnroh mê jơl tus ò gam dô nă cau lơi.”

I Samuel 30:14

Bol hi neh brồ lơh Negep tòm Keret ù tiah gơrê mơ cau Juda, mơ Negep Kalep dê; mơ bol hi neh chu Jiklak.”