II Samuel 8:14 - Sră Goh 2018

¹⁴ Khai bơt ală theng kơp gàr kơ̆ cê tòm làm lơgar Edôm, mơ jơh làng bol Edôm kong duh Dabit. Yàng Jehôwa ai Dabit in bơta pha rlau tòm ală tiah khai neh lòt tus.

II Samuel 8:14 Mawu Ofanana

Sơnròp Gơlik Gơs 25:23

Yàng Jehôwa ho lah: “Bàr nơm lơgar ơm tòm kơndul ai, mơ bàr làng bol rơp lik bơh kơndul ai, làng bol do pràn rlau mơ làng bol ne, mơ cau bi rơp kong duh broă cau oh.”

Sơnròp Gơlik Gơs 27:29

Ală làng bol rơp dòn duh mê, ală lơgar pal cùn gơltang di đap mê. At bồ tĕ ală oh mi mê dê, Ală kòn klau mè mê pal cùn gơltang di đap mê. Cau lơi srat rma mê rơp kong srat rma wơl, Cau lơi ai lơngai mê in rơp geh lơngai wơl.”

II Samuel 5:10

Mơ Dabit sơlo ơm sơlo pràn rlau, tài bơh Jehôwa la Yàng Tom Trồ Gơnap Gơnoar Hơđang Jơh ơm bal mơ khai.

II Samuel 7:9

Añ neh ơm bal mơ mê tiah lơi mê lòt, mơ neh tơnroh jơh ală cau sò tơm mê dê bơh di đap mê. Tŭ do Añ rơp lơh sơnđan mê gơlik dờng màng kung be ală sơnđan ală cau dờng màng rlau jơh tòm plai ù.

II Samuel 8:15

Dabit at bồ làm jơh Israel, lơh jat jơnau song mơ ring bal gơwèt mơ jơh làng bol khai dê.

II Samuel 8:6

Khai bơtào ală theng kơp gàr kơ̆ cê tòm ƀòn dờng Damas lơgar Aram, mơ cau Aram kong duh broă Dabit, mơ pal kong dap dia, Yàng Jehôwa ai Dabit in bơta pha rlau tòm ală tiah khai lòt tus.

I Ală Bơtau 11:15

Tài bơh tòm tŭ Dabit lòt tòmlơh mơ cau Edôm, mơ Jôap kwang at bồ mpồl ling, lòt tơp ală cau chơt, khai neh tơnchơt jơh ală cau klau tòm Edôm.

I Ală Bơtau 22:47

Ală cau klau dri tơlàr mơ cau klau gam wơl tòm lơgar, tòm rài Asa bèp bơtau dê, khai neh pơndut jơh.

I Ală Bơtau 22:48

Tŭ hơ̆ ò gơs bơtau tòm làng bol Edôm, dô nă cau kwang sền gàr lơh bơtau.

II Ală Bơtau 14:7

Amajiah tơnchơt jơt rbô ling Edôm ơm tòm thòng Boh, tòmpìt ai theng Sela, mơ tơmoh sơnđan la Joktheel, sơnđan hơ̆ gam tus ngai do.

II Ală Bơtau 18:7

Yàng Jehôwa ơm bal mơ khai; bulah khai lòt tiah lơi, gen geh bơtoah bơtoài. Khai pơrlơ̆ dră mơ bơtau Asiri, mơ ò bài duh broă bơtau hơ̆ tai.

I Yal Yau 18:13

Khai ơn ală cau ling kơp gàr tòm Edôm, mơ jơh ală cau Edôm gơlik gơs cau duh broă Dabit. Yàng Jehôwa ai Dabit in bơta pha lin rlau tòm làm jơh ală tiah khai lòt tus.

Đơs Crih 60:1

Ơ Yàng Tom Trồ, Kơnràñ neh sang lòi bol hi, lơh gơprah ală dơrñang bol hi dê; Kơnràñ neh gơhào nùs; mơya tŭ do dan cèng bol hi rê wơl.