II Samuel 8:1 - Sră Goh 2018

¹ Tơnơ̆ hơ̆, Dabit tòmlơh mơ cau Philistin mơ geh pha rlau mơ kup bol khai kong duh, Dabit tă gơnoar at bồ Methek Ammah dê bơh tê cau Philistin.

II Samuel 8:1 Mawu Ofanana

II Samuel 19:9

Jơh ală làng bol tòm pơndang bal làm jơh tòm jơi bơtiàn Israel dê, lah: “Cau bơtau neh dong tă bol he bơh di tê ală cau sò tơm bol he dê, mơ neh dong tă bol he bơh di tê cau Philistin; mơ tŭ do, bơtau neh dô lik bơh di lơgar tài bơh Apsalôm;

II Samuel 2:24

Mơya Jôap mơ Abisai ting jat Apner, mơ tòm tŭ mattơngai mòr ñơp gen bol khai tus di dòr Amman rềp Gai, jat gùng lòt hơ ƀlàng ngềt ngơt Gabaôn.

II Samuel 22:44

Yàng neh dong tă añ klàs bơh di bơta brồ lơh làng bol añ jê; Yàng neh sền gàr añ be cau lam bồ ală lơgar; Làng bol mơ añ òhềt git duh broă añ,

II Samuel 5:17

Tòm tŭ cau Philistin kơno lah Dabit geh bong mơñà lơh bơtau hơđang Israel, jơh ală cau Philistin guh jòi Dabit, mơya Dabit neh kơno bơta hơ̆ mơ khai mù tus hơ theng kơ̆ cê.

II Samuel 5:25

Dabit neh lơh jat tòm toh be jơnau Yàng Jehôwa neh sồr khai, mơ khai lơh gơprah jơh cau Philistin bơh Geba jơh rò gùng tus hơ Gejer.

II Samuel 7:9

Añ neh ơm bal mơ mê tiah lơi mê lòt, mơ neh tơnroh jơh ală cau sò tơm mê dê bơh di đap mê. Tŭ do Añ rơp lơh sơnđan mê gơlik dờng màng kung be ală sơnđan ală cau dờng màng rlau jơh tòm plai ù.

Đơs Crih 18:43

Yàng neh dong tă añ bơh di bơta tòmpìt tòmhà mơ ală làng bol, Bơtào añ lam bồ ală lơgar; Dô làng bol añ ò mòng git neh duh broă añ.

Đơs Crih 60:2

Kơnràñ lơh ù in gơlơnggơr, lơh gơ in dàng; Dan lơh wơl niam ală tiah dàng gơ dê, bơh gơ tơrlah tơrlơm.

Đơs Crih 60:8

Lơgar Môap be la thao ƀàk um rào Añ jê; Tòm Edôm Añ sơrbì gơltau jă Añ jê hơđang lơgar Philistin tòm bơta pha lin rlau.”

Hebrơ 11:33

Ală cau hơ̆ bơh bơta dòn neh geh pha lin rlau mơ ală lơgar, lơh jat bơta song ring, dòp geh bơta neh ho pơgon, lềt bơr ală klìu triă,

Hebrơ 11:34

tơnchơt ồs hơng, klàs di đào sồt, lơbơn lơño mơ gơlik pràn kơldang, tòm tŭ tòmlơh gơs nùs khin cha, ting bơtrơh mpồl ling làng bol bơdìh.

I Samuel 7:13

Behơ̆ cau Philistin gơkòl duh broă mơ ò mut tòm ù tiah cau Israel tai; tê Yàng Jehôwa tòmdră mơ cau Philistin jơh rài Samuel dê.