II Samuel 7:8 - Sră Goh 2018

⁸ Behơ̆ tŭ do, đơs tĕ mơ Dabit, cau duh broă Añ jê lah: ‘Yàng Jehôwa Gơnap Gơnoar Dờng Làm Jơh đơs be do: Añ neh tă mê bơh di ƀlàng ñhơt, bơh tiah mê ê mpồl belàt, nàng mê lơh gơs cau bơtau at bồ làng bol Israel Añ jê.

II Samuel 7:8 Mawu Ofanana

II Samuel 12:7

Nathan đơs mơ Dabit lah: “Bơtau la cau hơ̆! Jehôwa Yàng Tom Trồ Israel dê neh đơs be do: ‘Añ neh bong mơñà mê in gơs bơtau Israel mơ neh dong tă mê klàs bơh di tê Sol.

II Samuel 14:13

Cau ùr đơs lah: “Gen ñchi bơh tài bơtau ò cahrña ndròm bal behơ̆ gơwèt mơ làng bol Yàng Tom Trồ dê taih? Tòm tŭ bơtau đơs jơnau hơ̆ gen ò di la bơtau kup glài să tòm bơtau, bơh bơtau ò cèng brê wơl kòn klau mơ bơtau neh bơtrơh tơlik ò ơ?

II Samuel 23:1

Do la ală jơnau đơs lồi dut Dabit dê: “Jơnau đơs Dabit dê, kòn klau Jese, hơ̆ la jơnau đơs cau geh Yàng Tom Trồ yò tơngguh, cau geh bong mơñà bơh Yàng Tom Trồ Jakôp dê, cau jak đơs chò Israel dê.

II Samuel 24:17

Tòm tŭ Dabit gŏ cau gơnrơh tơnroh làng bol, gen đơs mơ Yàng Jehôwa lah: “Mìng dô nă añ la cau neh tìs glài, mơ mìng dô nă añ la cau neh lơh bơta iơh bơsak; mơya jơh ală belàt do, ñchi bol khai neh lơh? Añ hòi dan tê Yàng dê, tòmdră mơ añ mơ hìu bèp añ jê.”

II Samuel 5:2

Bơh lài òr, tòm tŭ Sol gam at bồ bol hi, bơtau la cau neh lam Israel tòm ală bơta tòmlơh. Yàng Jehôwa neh đơs mơ bơtau lah: Mê rơp ê gàr làng bol Israel Añ jê, mơ mê rơp gơlik gơs cau at bồ hơđang Israel.”

II Samuel 6:21

Dabit đơs mơ Mikal lah: “Hơ̆ la di đap Yàng Jehôwa, la Bơtau neh sac rwah añ ơm tòm tiah bèp ai mơ jơh hìu nhă khai dê, bơtào añ lơh gơs bơtau at bồ hơđang Israel la làng bol Yàng Jehôwa dê; añ neh tòmya jòng ro di đap Yàng Jehôwa.

I Ală Bơtau 3:6

Salômôn ho lah: “Yàng neh yal tơlik bơta kòñ gơboh kơ̆ dơn dờng ngan gơwèt mơ cau duh broă Kơnràñ la Dabit bèp añ, tài bơh khai neh lơh lòt di đap Kơnràñ dô bă dòn song, mơ gơs nùs song ring mơ song ngan; mơ Kơnràñ neh prap khai in bơta kòñ gơboh kơ̆ dơn dờng hơ̆, mơ neh ai khai in dô nă kòn klau nàng nggui hơđang sơbàn khai dê tòm ngai do.

I Ală Bơtau 8:16

‘Bơh ngai Añ neh cèng làng bol Israel Añ jê lik bơh lơgar Ejiptơ, Añ ò sac rwah ƀòn dờng lơi tòm ală jơi bơtiàn Israel nàng bơt tềng hơ̆ dô nơm hìu nàng sơnđan Añ in ơm tềng hơ̆; mơya Añ neh sac rwah Dabit nàng khai at bồ làng bol Israel Añ jê.’

I Yal Yau 17:7

Gen tŭ do, yal tĕ cau duh broă Añ in la Dabit lah: Yàng Jehôwa Gơnap Gơnoar Rlau Jơh đơs lah: ‘Añ neh tă mê bơh di ƀlàng ñhơt, bơh di mpồl belàt nàng gơlik gơs cau at bồ hơđang làng bol Añ jê la Israel.

I Yal Yau 21:17

Dabit đơs mơ Yàng Tom Trồ lah: “Ơ Jehôwa Yàng Tom Trồ añ jê, hơ̆ ò di la añ neh ai gơnoar sồr kòp khà làng bol ò ơ? Añ la cau neh tìs glài mơ neh lơh tìs. Mơya mpồl belàt do, ñchi bơta bol khai neh lơh taih? Añ hòi dan, lòi tê Yàng tòmdră mơ añ mơ tòmdră mơ hìu nhă añ, mơya bañ lòi làng bol Kơnràñ kong bơta pluh plàng.”

Amôs 7:15

Mơya Yàng Jehôwa neh tă añ bơh broă jat mpồl belàt, mơ Yàng Jehôwa đơs mơ añ lah: ‘Lòt tĕ đơs hwơr mơ làng bol Israel Añ jê.’

Broă 7:46

la cau neh geh bơta nđàc di đap Yàng Tom Trồ, mơ khai dan gơs dô bă tiah ơm Yàng Tom Trồ Jakôp in.

I Samuel 10:1

Gen Samuel ai dô nơm gri mơñà mơ tuh hơđang bồ Sol, cum khai mơ đơs lah: “Yàng Jehôwa neh bong mơñà pồ bơtào mê lơh gơs cau at bồ làng bol Israel Kơnràñ dê! Mê rơp at bồ hơđang làng bol Yàng Jehôwa mơ mê rơp dong tă bol khai klàs bơh tê ală cau sò tơm gùt dar. Do la tềl sơnio mê in la Yàng Jehôwa neh bong mơñà mê in lơh gơs cau at bồ hơđang sre brê Kơnràñ dê.

I Samuel 2:8

Kơnràñ yò tơngguh cau rƀah bơh di kơmbuh ù; Kơnràñ yò tơngguh cau siơ̆u siar bơh di gơnru bùh; Kơnràñ ơn bol khai nggui bal mơ ală kòn cau bơtau, mơ ai bol khai in pơrdòn dô nơm sơbàn màng ryŭ. Bơh ală jrong plai ù dê la bal mơ Yàng Jehôwa, Kơnràñ neh ơn lơgar dunnia hơđang gơ.

I Samuel 9:16

“Ngai hìng pơgap tòm jơ do, Añ rơp sồr dô nă cau klau bơh lơgar Benjamin tus mơ mê. Bong mơñà tĕ khai nàng lơh gơs cau at bồ hơđang làng bol Israel Añ jê. Khai rơp dong tă làng bol Añ jê klàs bơh di tê làng bol Philistin. Añ neh wèt sền di làng bol Añ jê, bơh jơnau hòi driau bol khai dê neh tus hơ Añ.”