II Samuel 7:27 - Sră Goh 2018

²⁷ Đah mơ Yàng, ơ Yàng Jehôwa Gơnap Gơnoar Dờng Làm Jơh la Yàng Tom Trồ Israel dê, Yàng neh yal tơlik jơnau do cau duh broă Yàng in mơ đơs lah: ‘Añ rơp bơt mê in dô nơm hìu.’ Gen tàng, cau duh broă Yàng dê geh nùs khin cha hòi dan mơ Yàng ală jơnau do.

II Samuel 7:27 Mawu Ofanana

II Samuel 7:11

bơh di tŭ Añ neh bơtào ală cau kwang at bồ hơđang làng bol Israel Añ jê. Añ kung rơp ai mê in rlô lơngai bơh di jơh ală cau sò tơm mê dê. Rlau mơ hơ̆, Yàng Jehôwa neh đơs loh mơ mê lah Yàng Jehôwa rơp lơh mê in dô nơm hìu.

II Samuel 7:13

Khai rơp bơt dô nơm hìu Sơnđan Añ in, mơ Añ rơp bơtào sơbàn lơgar bơtau khai dê gam sùm sùm.

I Ală Bơtau 11:38

Dilah mê iat jơh ală gơnoar Añ sồr mê, lòt tòm ală gùng dà Añ, lơh bơta niam di đap Añ, bơh mê prap gàr bơta boh lam mơ bơta sồr lam Añ jê, be Dabit dĭ gơna Añ neh lơh, gen Añ rơp ơm mơ mê, mơ añ rơp bơt bơtào mê in dô nơm hìu kơ̆ cê, be Añ neh bơtào Dabit in, mơ Añ rơp ai Israel mê in.

Đơs Crih 10:17

Ơ Yàng Jehôwa, Kơnràñ rơp kơno jơnau kơp kòñ cau niam lơnhơn dê; Yàng rơp lơh nùs bol khai in kơ̆ cê, mơ kung rơp ai tồr iat,

Đơs Crih 40:6

Yàng ò kòñ phan ơn duh khoai mơ phan ơn, Mơya Kơnràñ neh pò tồr añ nàng kơno jơnau Yàng; Yàng ò sồr ơn phan ơn chu pơrguc, hala phan ơn tơwài glài.

Lik Ejiptơ 1:21

Mơ tài bơh ală cau ùr đơng deh gơs nùs duh rngòt di Yàng Tom Trồ gen Kơnràñ ai lơngai lơngò hìu nhă tòm bol khai in.

Rutơ 4:4

Añ kòñ yal tơnggit bi in mơ kơlôi lah bi pal blơi tĕ gơ di đap ală cau nggui tềng do mơ di đap ală cau kwang kra làng bol añ jê. Dilah bi kòñ tơwài gơ gen tơwài tĕ, mơya dilah bi ò bài gen yal tĕ añ in git, tài bơh ò gơs cau lơi ndai gơs gơnoar tơwài wơl gơ rlau mơ bi, mơ tơnơ̆ mơ bi gen gơnoar hơ̆ gơrê mơ añ.” Cau hơ̆ đơs lah: “Añ rơp tơwài wơl gơ.”

I Samuel 2:35

Añ rơp bơtào tơngguh Añ in dô nă cau gơnoar ơn phan duh khoai dòn song, khai rơp lơh ală bơta jat nùs mơ bơta kơlôi Añ jê. Añ rơp bơtào kơ̆ hìu khai dê, mơ khai rơp duh broă di đap cau geh bong mơñà Añ jê sùm sùm.

I Samuel 9:15

Mơ tai tòm ngai lài mơ tŭ tus Sol, Yàng Jehôwa neh yal tơlik Samuel in git lah: