II Samuel 7:23 - Sră Goh 2018

²³ Gơs làng bol lơi ndai be làng bol Yàng dê, be làng bol Israel sơl ơ? Gơs làng bol lơi ndai tòm plai ù mơ Yàng Tom Trồ neh lòt nàng tơwài be dô nơm làng bol mơ tơmoh mơ sơnđan să tòm Kơnràñ dê, lơh ală broă dờng mơ pal rngòt rngơt ngan bol khai in, hơ̆ la ting bơtrơh bơh di đap làng bol Kơnràñ dê ală làng bol mơ ală yàng bol khai dê.

II Samuel 7:23 Mawu Ofanana

II Samuel 7:24

Mơ Yàng neh bơtào kơ̆ làng bol Israel să tòm Yàng in be la làng bol Yàng dê gam sùm sùm. Đah mơ Yàng, ơ Yàng Jehôwa, Yàng neh gơlik gơs Yàng Tom Trồ bol khai dê.

I Yal Yau 17:21

Mơ ò gơs làng bol lơi ndai be làng bol Israel Kơnràñ dê, la dô nơm làng bol hơđang ù gơs Yàng Tom Trồ lik lòt nàng dong tơwài gơlik gơs làng bol Kơnràñ dê, mơ lơh să tòm Kơnràñ in dô sơnđan dờng mơ pal rngòt tòm bơta ting bơtrơh ală làng bol bơh di đap làng bol Kơnràñ dê la làng bol mơ Kơnràñ neh dong tơwài bơh Ejiptơ?

Nehemi 1:10

Bol khai la cau duh broă Kơnràñ dê mơ làng bol Kơnràñ dê; Kơnràñ neh dong tơwài bơh gơnap gơnoar dờng Kơnràñ dê mơ bơh tê pràn kơldang Kơnràñ dê.

Đơs Crih 106:22

Ală broă crih crài tòm lơgar Cam, Mơ ală bơta pal rngòt rngơt ngan di gah Dàlềng Pơrhê.

Đơs Crih 111:9

Yàng neh sồr bơta dong tơwài làng bol Kơnràñ dê, Neh sồr bơtào bơta ho bal Kơnràñ dê jơl tus sùm sùm. Sơnđan Kơnràñ la sàng goh mơ pal rngòt ngan!

Đơs Crih 145:6

Cau rơp yal tơlik gơnoar pràn bơh ală broă pal rngòt rngơt Yàng dê, Ai añ gen rơp yal bơh ală bơta dờng ngan Kơnràñ dê.

Đơs Crih 147:20

Kơnràñ ò lơh behơ̆ mơ làng bol lơi ndai ò, Bol khai ò git gơnoar sồr Kơnràñ dê. Jòng ro Yàng Jehôwa!

Đơs Crih 40:5

Ơ Jehôwa Yàng Tom Trồ añ jê, ală broă crih crài Yàng neh lơh, Mơ ală bơta kơlôi sơnơng Kơnràñ dê gơwèt mơ bol hi la oă ngan, Ò gơs cau lơi rgơi pơndròm mơ Yàng! Dilah añ kòñ yal tơlik đơs bơh ală broă hơ̆, Gen gơ la oă ngan, ò jai kòp.

Đơs Crih 44:3

Bơh bol khai ò di kơnòm di đào tòm bol khai dê mơ geh lơgar, Kung ò kơnòm di tơwòr tê tòm bol khai dê mơ geh pha; Mơya kơnòm di tê ma Yàng dê, Bơh Yàng neh hừh nùs di bol khai.

Đơs Crih 65:5

Ơ Yàng Tom Trồ la Bơtau Dong Klàs bol hi, Kơnràñ ho wơl bol hi in bơh ală broă lơh pal rngòt nàng dong tă bol hi; Yàng Tom Trồ la bơta dong klàs bol hi dê; Yàng la bơta gơn kơnòm jơh ală cau tòm tiah lồi dut plai ù dê; mơ ală cau ơm tòm tiah ngài rlau jơh dàlềng dê.

Đơs Crih 66:3

Đơs tĕ mơ Yàng Tom Trồ lah: “Ală broă lơh Kơnràñ dê cau pal rngòt ngan! Tài bơh gơnap gơnoar Kơnràñ dê dờng ngan, tian gơs ală cau sò tơm di Kơnràñ rngòt rơm să di đap Kơnràñ,

Lik Ejiptơ 12:12

Kung tòm mang hơ̆, Añ rơp lòt gan lơgar Ejiptơ mơ tơnchơt kòp nă kòn tơnhoa, kòn mơnus bal mơ phan poan jơng; mơ Añ rơp cèng bơta lơh glài hơđang jơh ală yàng cau Ejiptơ dê. Añ la Yàng Jehôwa.

Lik Ejiptơ 33:16

Mbe rgơi cau rơp git lah añ bal mơ làng bol Kơnràñ dê geh niam nùs Kơnràñ dilah Kơnràñ ò lòt bal mơ bol hi taih? Rlau mơ bơta hơ̆ gen gơs bơta lơi ndai nàng lơh añ in mơ làng bol Kơnràñ in geh sền la krơi is mơ jơh ală làng bol ndai ơm hơđang ù sơl ơ?”

Lik Ejiptơ 6:7

Añ rơp dòp bol mê lơh gơs làng bol gơrê is mơ Añ, mơ añ rơp lơh gơs Yàng Tom Trồ bol mê dê. Gen bol mê rơp git Añ la Jehôwa Yàng Tom Trồ bol mê dê, neh tă tơlik bol mê klàs bơh di yô cau Ejiptơ dê.

Lik Ejiptơ 9:15

Mơ tŭ do, dilah Añ kòñ gen Añ rgơi pò tê Añ jê nàng đùh hơđang mê bal mơ làng bol mê dê dô bơta pluh plàng rgơi tơnroh mê bơh di plai ù.

Lik Ejiptơ 9:16

Mơya tơnggume Añ lòi mê in gam kis, hơ̆ la nàng sơnio mê in gŏ gơnap gơnoar Añ jê, mơ bơh hơ̆ sơnđan Añ geh pơnro làm jơh plai ù.

Jeremi 32:20

Kơnràñ neh lơh bơta krơi tềl is tòm Ejiptơ mơ kư̆ pơnjat lơh sùm jơl tus di ngai do, tòm Israel kung be digùl jơh kòn mơnus tòm dunnia, mơ Kơnràñ neh geh tiơng pơnro jơl tus di ngai do.

Jeremi 32:21

Kơnràñ neh cèng làng bol Israel Kơnràñ dê lik bơh lơgar Ejiptơ ngui bơta krơi tềl is, tê pràn, mơ tơwòr tê pò tơlik bal mơ bơta rngòt rngơt dờng.

Ejekiel 20:9

Mơya tài bơh sơnđan Añ mơ Añ neh lơh broă tồ ò kòl sền òsơp di đap mat ală làng bol mơ bol khai neh ơm digùl hơ̆, di đap ală làng bol hơ̆ Añ neh yal tơlik să tòm Añ cau Israel in bơh añ neh cèng bol khai lik klàs bơh di lơgar Ejiptơ.

Khà Làng Bol 6:27

Behơ̆ bol khai rơp ơn sơnđan Añ hơđang ală cau Israel, mơ Añ rơp ai lơngai bol khai in.”

Ephesô 1:6

nàng jòng ro bơta nđàc gơklŏ Kơnràñ dê, mơ Kơnràñ neh ai gòi bol he in tòm Kòn kòñ gơboh Kơnràñ dê.

Yal Wơl 10:21

Kơnràñ la bơta jòng ro bol mê dê, Kơnràñ la Yàng Tom Trồ bol mê dê, Kơnràñ neh lơh gơs ală bơta krơi is pal rngòt mơ bol mê neh gŏ mơ mat tòm bol mê dê.

Yal Wơl 15:15

Kah tĕ lah bol mê la cau ơm dĭ tòm Ejiptơ mơ Jehôwa Yàng Tom Trồ bol mê dê neh dong tơwài bol mê. Tài bơh hơ̆ tàng añ ai bol mê in jơnau gơnoar sồr do tòm ngai do.

Yal Wơl 33:29

Ơ Israel, lơngai lơngò mê in! Ñcau ndròm be mê la dô nơm làng bol geh Yàng Jehôwa dong klàs, Kơnràñ la khèl đo mơ la bơta dong kòl mê dê, mơ la đào bơta pha lin mê dê. Ală cau sò tơm mê dê rơp cùn khoai di đap mê, mơ mê rơp jă hơđang ngkòi bol khai dê.”

Yal Wơl 9:26

Añ hòi dan mơ Yàng Jehôwa mơ đơs lah: Ơ Yàng Jehôwa At Bồ Hơđang Rlau Jơh, dan bañ tơnroh làng bol Kơnràñ dê la sre brê Kơnràñ dê mơ Kơnràñ neh tơwài bơh gơnap gơnoar dờng Kơnràñ dê mơ cèng bơh di Ejiptơ kơnòm di tê gơnoar pràn Kơnràñ dê.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Jôsue 7:9

Làng bol Kanaan mơ jơh ală làng bol ơm tòm lơgar rơp kơno bơh ală bơta hơ̆, mơ bol khai rơp gơrwàng bol hi mơ tơnroh sơnđan bol hi bơh di ù; gen ñchi Kơnràñ rơp lơh mơ sơnđan dờng Kơnràñ dê taih?”

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,