II Samuel 7:22 - Sră Goh 2018

²² Gen tàng, Yàng la dờng ngan, ơ Jehôwa Yàng Tom Trồ, bơh ò gơs Yàng lơi ndròm be Yàng, mơ ò gơs Yàng Tom Trồ lơi rlau mơ mìng dô nă Yàng, jat be jơh ală bơta tồr bol hi neh kơno.

II Samuel 7:22 Mawu Ofanana

II Samuel 22:32

Bơh ñcau la Yàng Tom Trồ rlau mơ Yàng Jehôwa taih? Mơ ñcau la Pơnai lŭ rlau mơ Yàng Tom Trồ bol he dê taih?

I Ală Bơtau 8:23

Khai đơs lah: “Ơ Jehôwa, Yàng Tom Trồ Israel dê! Ò gơs Yàng Tom Trồ lơi be Kơnràñ, bơh hơđang trồ jòng hala tòm ù hơđơm; Yàng prap gàr bơta ho bal mơ bơta kòñ gơboh kơ̆ dơn gơwèt mơ ală dĭ gơna Yàng, la ală cau lòt di đap Yàng dô bă jơh nùs,

I Yal Yau 16:25

Bơh Yàng Jehôwa la dờng mơ di pal geh jòng ro rlau jơh; Kơnràñ pal geh duh rngòt rlau mơ jơh ală yàng.

II Yal Yau 2:5

Hìu duh khoai mơ añ rơp bơt la dờng ngan, bơh Yàng Tom Trồ bol hi dê la dờng rlau jơh mơ ală yàng ndai.

Đơs Crih 135:5

Bơh añ git Yàng Jehôwa la dờng ngan, Yàng bol he dê la hơđang rlau jơh mơ ală yàng ndai.

Đơs Crih 145:3

Yàng Jehôwa la dờng mơ pal jòng ro ngan; Bơta dờng ryŭ Kơnràñ dê ò rgơi git jơh.

Đơs Crih 44:1

Ơ Yàng Tom Trồ, tồr bol hi neh kơno, Ồng pàng bol hi neh yal wơl Ală broă Kơnràñ neh lơh tòm rài bol khai dê, tòm ală ngai yau òr;

Đơs Crih 48:1

Yàng Jehôwa la dờng, pal jòng ro ngan Tòm ƀòn dờng Yàng Tom Trồ bol hi dê. Mơ hơđang mơnơm sàng goh Kơnràñ dê.

Đơs Crih 86:10

Bơh Yàng la dờng ngan, lơh ală broă crih crài; Mìng dô nă Yàng lơm la Yàng Tom Trồ.

Đơs Crih 86:8

Ơ Yàng, digùl ală yàng ò gơs yàng lơi ndròm be Kơnràñ, Kung ò gơs broă lơi ndròm be ală broă Yàng dê.

Đơs Crih 89:6

Hơđang ală tap trồ, ñcau geh pơndròm bal mơ Yàng Jehôwa taih? Digùl ală cau hơđang trồ, ñcau geh ndròm be Yàng Jehôwa taih?

Đơs Crih 89:8

Ơ Jehôwa Yàng Tom Trồ Gơnap Gơnoar Dờng Làm Jơh dê, ñcau gơs gơnap gơnoar ndròm be Yàng taih? Ơ Yàng Jehôwa, bơta dòn song Yàng dê ơm gùt dar Kơnràñ.

Đơs Crih 96:4

Bơh Yàng Jehôwa la dờng ngan, mơ ngan pal geh jòng ro; Kơnràñ la pal duh rngòt rlau jơh mơ ală yàng ndai.

Lik Ejiptơ 10:2

tồ mê yal wơl ală kòn mơ sau mê in git mbe lơi Añ neh lơh bòl glar di cau Ejiptơ, mơ mbe lơi Añ neh lơh ală tềl is Añ jê digùl bol khai, nàng bol mê git lah Añ la Yàng Jehôwa.”

Lik Ejiptơ 15:11

Ơ Yàng Jehôwa! Digùl ală yàng, ñcau ndròm be Kơnràñ taih? Ñcau rgơi ndròm be Kơnràñ, ryŭ ryơm tòm bơta sàng goh, Pal rngòt rngơt tòm bơta gơklŏ, lơh ală bơta krơi tềl is?

Lik Ejiptơ 8:10

Pharaôn đơs lah: “Ngai hìng.” Môise ho lah: “Rơp gơlik gơs jat be bơtau đơs, nàng bơtau in git lah ò gơs yàng lơi ndai tòm toh kung be Yàng Jehôwa la Yàng Tom Trồ bol hi dê.

Lik Ejiptơ 8:6

Behơ̆, Arôn pò tê khai dê hơđang ală dà Ejiptơ dê, mơ gơs oă ngan kit gơguh làm hơđang ù tiah Ejiptơ dê.

Lik Ejiptơ 9:14

hala dơ̆ do Añ rơp cèng jơh pràn ală bơta rung rài Añ jê tòmdră mơ mê, tòmdră mơ ală cau kwang duh broă mơ làng bol mê dê, tồ mê in git lah tòm làm jơh plai ù ò gơs cau lơi ndròm be Añ.

Esai 40:18

Behơ̆ gen bol mê rơp pơndròm Yàng Tom Trồ mơ ñcau taih? Ai rùp să lơi mơ bol mê rơp pơndròm mơ Kơnràñ taih?

Esai 40:25

Bơtau Sàng Goh đơs lah: “Bol mê pơndròm Añ mơ ñcau, hala ñcau ndròm be Añ taih?”

Esai 45:18

Bơh Yàng Jehôwa la Bơtau neh crơng gơs ală tap trồ, Kơnràñ la Yàng Tom Trồ; Kơnràñ neh mòn mơ lơh gơs plai ù, Kơnràñ neh bơt bơtào gơ: Kơnràñ ò di neh crơng gơs gơ la ngềt ngơt ò gơs cau ơm, mơya neh lơh gơs nàng làng bol in ơm, Kơnràñ đơs be do: “Añ la Yàng Jehôwa, ò gơs yàng lơi ndai tai ò!

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Esai 45:5

Añ la Yàng Jehôwa, ò gơs bơtau lơi ndai; rlau mơ Añ ò gơs Yàng Tom Trồ lơi ndai tai. Bulah mê neh ò git Añ, Añ rơp bơtơl pràn mê in,

Ejekiel 36:22

Behơ̆ gen đơs tĕ mơ hìu Israel lah: ‘Jehôwa Yàng Tom Trồ đơs be do: Ơ hìu Israel, hơ̆ ò di la tài bơh bol mê mơ Añ rơp lơh ală bơta do, mơya hơ̆ la tài bơh sơnđan sàng goh Añ jê, la sơnđan mơ bol mê neh lơh cau in sền òsơp digùl ală làng bol mơ bol mê neh lòt tus.

Ejekiel 36:32

‘Añ kòñ bol mê git la Añ ò di bơh bol mê mơ Añ lơh behơ̆,’ Jehôwa Yàng Tom Trồ đơs behơ̆. ‘Ơ hìu Israel, pal git ƀàssìl mơ rngòt rngơt bơh gùng dà bol mê dê!’

Daniel 2:45

Hơ̆ la jơnau gơtha bơh pơnai lŭ neh phàt bơh mơnơm ò di bơh tê cau dê. Pơnai lŭ hơ̆ jan bơcah lòs, kòng, ù kơnàng, priă mơ màh. Yàng Tom Trồ dờng neh ai bơtau in git bơta rơp gơlik tus tòm ngai tơnơ̆. Bơta mpau la nền cê mơ jơnau gơtha gơ dê la pal dòn.”

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Yal Wơl 3:24

“Khoai Yàng Jehôwa la Bơtau At Bồ Hơđang Rlau Jơh, Kơnràñ neh sơntòm yal tơlik cau duh broă Kơnràñ in bơta dờng ryŭ mơ tê pràn kơldang Kơnràñ dê. Bơh hơđang trồ hala tòm ù gơs yàng lơi gơs broă lơh mơ lơh ală broă gơnap gơnoar be Kơnràñ neh lơh sơl ơ?

Yal Wơl 32:39

Sền tĕ tŭ do, Añ la Bơtau hơ̆! Ò gơs yàng lơi ndai rlau mơ Añ. Añ tơnchơt mơ lơh kis wơl, Añ lơh sồt jê mơ rơp sơmbòi wơl; ò gơs cau lơi rgơi dong tă bơh di tê Añ.

Yal Wơl 4:35

Ală bơta hơ̆ neh ràng tơlik bol mê in sền gŏ tồ bol mê rgơi git lah Jehôwa la Yàng Tom Trồ; rlau mơ Kơnràñ ò gơs yàng lơi ndai.

Yal Wơl 4:39

Gen tàng tòm ngai do, đal git tĕ mơ prap gàr tĕ tòm nùs lah Jehôwa la Yàng Tom Trồ hơđang trồ ne mơ hơđơm plai ù do. Ò gơs yàng lơi ndai tai be Kơnràñ.

I Samuel 2:2

Ò gơs cau lơi sàng goh be Yàng Jehôwa, ò gơs cau lơi rlau mơ Kơnràñ; ò gơs Pơnai Lŭ lơi ndròm be Yàng Tom Trồ bol he dê.