II Samuel 7:16 - Sră Goh 2018

¹⁶ Hìu mê mơ lơgar bơtau mê dê rơp geh bơtào kơ̆ nền gam sùm sùm di đap mê; sơbàn mê rơp geh bơtào kơ̆ gam sùm sùm.’”

II Samuel 7:16 Mawu Ofanana

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

II Samuel 22:51

Kơnràñ la theng bơta dong klàs bơtau Kơnràñ dê, Kơnràñ yal tơlik bơta kòñ gơboh kơ̆ dơn cau geh bong mơñà Kơnràñ in, hơ̆ la ai Dabit mơ jơi bơtiàn khai in jơl tus sùm sùm.”

II Samuel 7:13

Khai rơp bơt dô nơm hìu Sơnđan Añ in, mơ Añ rơp bơtào sơbàn lơgar bơtau khai dê gam sùm sùm.

II Samuel 7:17

Nathan neh yal jơh ală jơnau hơ̆ bal mơ jơh ală bơta gơtơnggŏ hơ̆ Dabit in.

I Ală Bơtau 2:4

gen Yàng Jehôwa rơp lơh gơlik gơs jơnau Kơnràñ neh ho mơ añ lah: ‘Dilah ală kòn sau mê dê git kơrhia tòm gùng dà bol khai dê, dilah bol khai jơh nùs jơh hwềng lơh lòt dô bă dòn song di đap Añ, gen mê rơp ò siơ̆u dô nă cau pơrdòn hơđang sơbàn Israel dê.’

I Ală Bơtau 9:5

gen Añ rơp bơtào kơ̆ sơbàn bơtau mê dê hơđang Israel jơl sùm sùm, be Añ neh ho mơ Dabit, bèp mê lah: ‘Mê rơp ò siơ̆u dô nă cau pơrdòn hơđang sơbàn Israel.’

II Ală Bơtau 19:34

Bơh Añ rơp cang kìng ƀòn do mơ dong tă gơ, bơh Añ mơ bơh Dabit dĭ gơna Añ jê.’”

II Ală Bơtau 8:19

Mơya Yàng Jehôwa ò tơnroh Juda tài bơh Dabit, dĭ gơna Kơnràñ dê, bơh Kơnràñ neh ho prap lòi dô nơm ồs đèng Dabit in mơ jơi bơtiàn khai in sùm sùm.

II Yal Yau 6:16

Gen tàng, ơ Jehôwa Yàng Tom Trồ Israel dê, dan prap gàr dĭ gơna Kơnràñ in la Dabit bèp añ jê ală jơnau Kơnràñ neh ho mơ khai, mơ đơs lah: ‘Mê rơp ò tŭ lơi siơ̆u dô nă cau geh pơrdòn di đap Añ nàng nggui hơđang sơbàn Israel dê, mìng dilah ală kòn sau mê dê git kơrhia tòm jơh gùng dà bol khai dê, mơ lòt tòm bơta boh lam be mê neh lòt di đap Añ.’

Sră Jop 36:7

Kơnràñ ò pleh mat Kơnràñ dê bơh di cau song ring; Mơya Kơnràñ ơn ală cau bơtau hơđang sơbàn, Kơnràñ bơtào bol khai gam sùm sùm, mơ bol khai geh yò tơngguh.

Đơs Crih 45:6

Ơ Yàng Tom Trồ, sơbàn Kơnràñ dê gam sùm sùm ò lồi. Gai gơnoar at bồ cau bơtau dê la gai gơnoar song ring.

Đơs Crih 72:5

Dilah mattơngai mơ kơnhai gam gơs kàr lơi, Dan ai khai in gam kis kàr hơ̆ sơl, jơl jơh ală rài.

Đơs Crih 89:4

Añ rơp bơtào jơi bơtiàn mê dê jơl sùm sùm, Mơ bơt bơtào sơbàn mê dê jơl jơh ală rài.” (Selah)

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 17:25

gen ală cau bơtau mơ ală cau kwang at bồ nggui hơđang sơbàn Dabit, rơp hào rơndeh, hào ơseh, bal mơ ală cau kwang at bồ cau Juda, bal mơ làng bol Jerusalem bơh mpồng theng hơ̆ mơ mut; mơ ƀòn dờng hơ̆ rơp gam wơl sùm sùm.

Jeremi 33:17

Mơ tai, Yàng Jehôwa đơs be do: ‘Dabit rơp ò siơ̆u dô nă cau klau nàng nggui hơđang sơbàn hìu Israel;

Ejekiel 37:25

Bol khai rơp ơm tòm lơgar mơ Añ neh ai cau duh broă Añ jê la Jakôp, la lơgar mơ ồng pàng bol mê neh ơm. Bol khai, kòn sau bol khai, mơ kòn sau kòn sau bol khai dê rơp ơm tềng hơ̆ jơl sùm sùm; cau duh broă Añ jê la Dabit rơp gơs bơtau bol khai dê jơl sùm sùm.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Mathiơ 16:18

Mơ Añ kung đơs mơ mê lah: mê la Pier, Añ rơp bơt bơtào Hìu Jum Goh Añ hơđang lŭ klềr do, ală mpồng lơgar làng ƀồc ò geh pha rlau mơ Gơ.

Jang 12:34

Mpồl làng bol đơs lah: “Bol hi neh kơno bơta boh lam đơs Bơtau Krist gam gơs sùm sùm, behơ̆ ñchi bơh tài ồng đơs lah Kòn Mơnus pal kong yồng hơđang taih? Kòn Mơnus hơ̆ la ñcau taih?”

Hebrơ 1:8

Mơya tòm tŭ đơs bơh Kòn gen Kơnràñ đơs lah: “Ơ Yàng Tom Trồ, sơbàn Yàng dê gam sùm sùm ò lồi. Gai gơnoar at bồ lơgar Yàng dê la gai gơnoar at bồ song ring.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

I Samuel 25:28

Dan toh glài cau duh broă kơnràñ in, bơh ngan la Yàng Jehôwa rơp bơtào kơ̆ jơi bơtiàn cau tòm añ jê tài bơh kơnràñ tòmlơh ală bơta tòmlơh Yàng Jehôwa dê; mơ bơta iơh rơp ò jòi bàn tòm jơh rài kis ồng dê.