II Samuel 7:12 - Sră Goh 2018

¹² Tòm tŭ ală ngai mê dê neh wil tơl, mơ mê rơp bic mơ ală ồng pàng mê dê, Añ rơp tơngguh kòn mê nàng pơrdòn sơbàn mê, la kòn rơp lik bơh să jan mê, mơ Añ rơp bơt bơtào lơgar bơtau khai dê.

II Samuel 7:12 Mawu Ofanana

Sơnròp Gơlik Gơs 15:4

Yàng Jehôwa đơs mơ Abram lah: “Cau hơ̆ ò di la cau pơrdòn mê ò, mơya cau lik bơh pròc tòm mê dê, rơp la cau pơrdòn mê.”

II Samuel 22:51

Kơnràñ la theng bơta dong klàs bơtau Kơnràñ dê, Kơnràñ yal tơlik bơta kòñ gơboh kơ̆ dơn cau geh bong mơñà Kơnràñ in, hơ̆ la ai Dabit mơ jơi bơtiàn khai in jơl tus sùm sùm.”

I Ală Bơtau 1:21

Ò di mìng behơ̆ lơm ò, tòm tŭ cau tòm añ jê la bơtau neh bic bal mơ ală ồng pàng rau, gen añ mơ kòn klau añ la Salômôn rơp kong lơh glài be cau gơs glài.”

I Ală Bơtau 1:48

mơ neh đơs lah: “Jòng ro Yàng Jehôwa la Yàng Tom Trồ Israel dê, bơh tòm ngai do Kơnràñ neh ai gar mat añ sền gŏ dô nă cau tơrbŏ sơbàn añ jê.”

I Ală Bơtau 2:1

Tòm tŭ ngai chơt Dabit dê neh rềp, khai nting sồr Salômôn kòn klau khai in lah:

I Ală Bơtau 2:10

Gen Dabit bic mơ ồng pàng khai dê, mơ geh tơp tòm ƀòn dờng Dabit.

I Ală Bơtau 2:4

gen Yàng Jehôwa rơp lơh gơlik gơs jơnau Kơnràñ neh ho mơ añ lah: ‘Dilah ală kòn sau mê dê git kơrhia tòm gùng dà bol khai dê, dilah bol khai jơh nùs jơh hwềng lơh lòt dô bă dòn song di đap Añ, gen mê rơp ò siơ̆u dô nă cau pơrdòn hơđang sơbàn Israel dê.’

I Ală Bơtau 5:5

Behơ̆, añ gơs nùs kòñ bơt dô nơm hìu Sơnđan Jehôwa Yàng Tom Trồ añ in, be Yàng Jehôwa neh đơs mơ Dabit bèp añ lah: ‘Kòn klau mê la cau Añ rơp bơtào hơđang sơbàn mê dê rơp bơt dô nơm hìu Sơnđan Añ in.’

I Ală Bơtau 8:15

Khai đơs lah: “Pal jòng ro Jehôwa Yàng Tom Trồ Israel dê, bơh tê Kơnràñ neh lơh gơlik wil tơl ală bơta Kơnràñ ho mơ Dabit, bèp añ, mơ đơs lah:

I Ală Bơtau 8:19

bulah behơ̆, mê rơp ò bơt hìu duh khoai hơ̆, mơya la kòn klau mê neh deh, rơp bơt hìu sơnđan Añ in.’

I Ală Bơtau 8:20

Behơ̆, Yàng Jehôwa neh lơh tòm toh jơnau Kơnràñ đơs; bơh añ geh tơngguh tòm tiah Dabit, bèp añ, nggui hơđang sơbàn Israel, be Yàng Jehôwa neh ho, mơ añ neh bơt hìu duh khoai do sơnđan Yàng Jehôwa in, la Yàng Tom Trồ Israel dê.

I Ală Bơtau 9:5

gen Añ rơp bơtào kơ̆ sơbàn bơtau mê dê hơđang Israel jơl sùm sùm, be Añ neh ho mơ Dabit, bèp mê lah: ‘Mê rơp ò siơ̆u dô nă cau pơrdòn hơđang sơbàn Israel.’

II Ală Bơtau 8:19

Mơya Yàng Jehôwa ò tơnroh Juda tài bơh Dabit, dĭ gơna Kơnràñ dê, bơh Kơnràñ neh ho prap lòi dô nơm ồs đèng Dabit in mơ jơi bơtiàn khai in sùm sùm.

I Yal Yau 17:11

Tòm tŭ ală ngai mê dê neh jơh rau mơ mê rơp rê bal mơ ală ồng pàng mê dê, Añ rơp bơtào tơngguh kòn mê nàng pơrdòn sơbàn mê, dô nă tòm ală kòn klau tòm mê dê, mơ Añ rơp bơt bơtào kơ̆ lơgar khai dê.

II Yal Yau 1:9

Ơ Jehôwa Yàng Tom Trồ, lòi tĕ jơnau Kơnràñ neh ho mơ Dabit bèp añ, tŭ do gơlik wil tơl, bơh Kơnràñ neh lơh añ in gơlik gơs bơtau at bồ hơđang dô nơm làng bol gal ngan be thul tòm ù.

II Yal Yau 13:5

Bol mê ò git la Jehôwa Yàng Tom Trồ Israel dê bơtào bơtau hơđang Israel gam sùm sùm Dabit in mơ ală kòn sau khai in bơh dô bơta ho bal mơ boh ơ?

II Yal Yau 21:7

Bulah behơ̆, Yàng Jehôwa ò kòñ tơnroh hìu Dabit, tài bơh bơta ho pơgon Kơnràñ neh bơtào mơ Dabit, mơ bơh di tŭ hơ̆ Kơnràñ neh ho ai dô nơm ồs đèng Dabit in mơ ală kòn sau khai in gam sùm sùm.

II Yal Yau 23:3

Gen jơh dô mpồl jơnum bơtào bơta ho bal mơ cau bơtau tòm hìu duh khoai Yàng Tom Trồ dê. Jehôyada đơs mơ bol khai lah: “Do la kòn klau bơtau rơp at bồ jat be jơnau Yàng Jehôwa neh ho pơgon bơh ală kòn sau Dabit dê.

II Yal Yau 6:15

Yàng neh prap gàr jơnau Kơnràñ neh ho mơ Dabit bèp añ jê. Ngan, bơr Kơnràñ neh ho mơ tê Kơnràñ neh lơh gơlik wil tơl tòm ngai do.

II Yal Yau 6:9

Bulah behơ̆, mê rơp ò bơt hìu, mơya la kòn klau mê dê, la cau neh deh bơh mê rơp bơt hìu duh khoai Sơnđan Añ in.’

Đơs Crih 89:29

Añ rơp bơtào jơi bơtiàn khai dê gam sùm sùm, Mơ sơbàn khai dê gam jŏ jòng be ală tap trồ.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 33:17

Mơ tai, Yàng Jehôwa đơs be do: ‘Dabit rơp ò siơ̆u dô nă cau klau nàng nggui hơđang sơbàn hìu Israel;

Daniel 12:2

Oă cau bic tòm kơmbuh ù rơp guh wơl, cau ƀà nàng geh bơta kis gam sùm sùm, cau ƀà nàng kong bơta ƀàssìl gam sùm sùm.

Mathiơ 1:1

Sơnđan ală ồng pàng Yàng Jesu Krist dê, kòn sau Dabit, kòn sau Abraham dê.

Luka 1:32

Kòn klau hơ̆ rơp la dờng ryŭ, geh sơnđan la Kòn Bơtau Hơđang Rlau Jơh dê, Yàng la Yàng Tom Trồ rơp ai Kơnràñ in sơbàn Dabit la ồng pàng Kơnràñ dê.

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Broă 13:36

Mơya bơtau Dabit tòm tŭ duh broă jat nùs kòñ Yàng Tom Trồ dê tòm rài kis khai, khai neh chơt, geh tơp bal mơ ồng pàng khai dê, mơ neh gŏ bơta ồm lề.

Broă 2:30

Mơ bơh khai la cau gơnoar hwơr, mơ git Yàng Tom Trồ neh ho nền lah rơp ai dô Bơtau tòm jơi bơtiàn khai nggui hơđang sơbàn khai dê,

I Kôrintô 15:51

Do añ yal oh mi in dô bơta ndơp ndơr: Bol he ò bic jơh, mơya jơh ală bol he rơp geh gơlik gơs să pa,

Yal Wơl 31:16

Yàng Jehôwa đơs mơ Môise lah: “Tŭ do mê rơp bic mơ ală ồng pàng mê dê. Ai làng bol do rơp lơh dri tơlàr mơ ală yàng lơgar bơdìh tòm lơgar mơ bol mê rơp mut, bol khai rơp sang lòi Añ mơ ò prap gàr jơnau ho bal mơ Añ neh bơtào mơ bol khai.

I Tesalônika 4:14

Bơh dilah bol he dòn Yàng Jesu neh chơt mơ kis wơl, gen Yàng Tom Trồ kung rơp cèng ală cau bic tòm Yàng Jesu tus bal mơ Kơnràñ sơl.