II Samuel 6:2 - Sră Goh 2018

² Dabit mơ jơh ală cau ơm bal mơ khai lik lòt bơh Baale gơrê mơ Juda nàng cèng brê Đài Bơta Ho Bal Yàng Tom Trồ dê bơh tềng hơ̆, la đài geh tơmoh jat sơnđan Yàng Jehôwa Gơnap Gơnoar Dờng Làm Jơh, la Bơtau nggui hơđang ceruƀim.

II Samuel 6:2 Mawu Ofanana

II Samuel 22:11

Kơnràñ hào hơđang ceruƀim mơ par; Kơnràñ tơlik mat hơđang ală pơnđar càl dê.

Đơs Crih 80:1

Ơ Bơtau ê gàr Israel, la Bơtau tề lam Jakôp be mpồl belàt, Dan ai tồr iat! Ơ Bơtau ơm hơđang sơbàn, digùl ală ceruƀim, dan Kơnràñ pơnđàng sòl.

Đơs Crih 99:1

Yàng Jehôwa at bồ; ală làng bol rngòt rơm să tĕ! Kơnràñ nggui hơđang sơbàn digùl ală ceruƀim; plai ù lơnggơr tĕ!

Esai 47:4

Bơtau Dong tơwài bol he dê, Sơnđan Kơnràñ la Yàng Jehôwa Gơnap Gơnoar Dờng Làm Jơh, la Bơtau Sàng Goh Israel dê.

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Jôsue 15:60

Kiriat Baal (hơ̆ la Kiriat Jearim), mơ Rabah: Bàr nơm ƀòn dờng bal mơ ală ƀòn dềt bol gơ dê.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

I Samuel 4:4

Behơ̆ làng bol sồr cau lòt tus hơ Silô mơ cèng bơh hơ̆ Đài Bơta Ho Bal Yàng Jehôwa Gơnap Gơnoar Dờng Làm Jơh dê la Bơtau nggui tòm sơbàn hơđang ceruƀim. Bàr nă kòn klau Heli dê la Hôpni mơ Phineas ơm tềng hơ̆, bal mơ Đài Bơta Ho Bal Yàng Tom Trồ dê.

I Samuel 6:21

Gen bol khai sồr cau kong sồr lòt tus hơ cau ơm tòm Kiriat Jearim mơ đơs lah: “Làng bol Philistin neh cèng wơl Đài Yàng Jehôwa dê. Mù tĕ cèng gơ tus hơ tiah bol mê dê.”

I Samuel 7:1

Behơ̆ ală cau Kiriat Jearim tus ai Đài Yàng Jehôwa dê, mơ cèng gơ mut tòm hìu Abinadap hơđang dòr. Bol khai ơn is Eleajar, kòn klau khai dê nàng sền gàr Đài Yàng Jehôwa dê.