II Samuel 6:16 - Sră Goh 2018

¹⁶ Tòm tŭ Đài Yàng Jehôwa dê neh mut tus tòm Ƀòn Dờng Dabit, Mikal kòn ùr Sol dê, tơnggòr sền bơh di mpồng dềt, mơ gŏ Dabit sơnđoh tòmya di đap Yàng Jehôwa, gen tòm nùs khai sền òsơp di Dabit.

II Samuel 6:16 Mawu Ofanana

II Samuel 3:14

Gen Dabit sồr ală cau kong sồr lòt tus hơ Isbôset kòn klau Sol dê mơ đơs lah: “Ai tĕ añ in bau ùr añ la Mikal, la cau neh ho bau mơ añ mơ khà jền kơt bau la dô rhiang pet gơltau să cau klau Philistin”

II Samuel 5:7

Bulah behơ̆ Dabit tòmpìt ai theng kơ̆ cê Siôn la ƀòn dờng Dabit dê.

II Samuel 6:15

Behơ̆ Dabit mơ jơh hìu Israel cèng Đài Yàng Jehôwa dê bal mơ jơnau driau dờng hòn chò mơ ntas kơlwòk.

II Samuel 6:20

Gen Dabit rê wơl nàng ai lơngai hìu nhă khai in. Mơya Mikal kòn ùr Sol dê, lik rò khai mơ đơs lah: “Mbe lơi bơtau Israel dê lơh să tòm khai in geh màng ryŭ tòm ngai do, ơm să kuh di đap mat ală dĭ ùr cau duh broă khai dê, lơh kung be dô nă cau làng òs, ơm să kuh ò git ƀàssìl!”

I Yal Yau 15:29

Tòm tŭ Đài Ho Bal Yàng Jehôwa dê tus tòm ƀòn dờng Dabit, Mikal kòn ùr Sol dê sền bơh mpồng dềt. Mơ tòm tŭ khai neh gŏ bơtau Dabit tòmya hòn chò gen khai sền òsơp di Dabit tòm nùs khai dê.

Đơs Crih 123:3

Dan kòñ nđàc di bol hi, ơ Yàng Jehôwa, dan kòñ nđàc di bol hi, Bơh bol hi kong oă ir bơta sền òsơp.

Đơs Crih 69:7

Hơ̆ la tài bơh Kơnràñ mơ añ kong cau bơtat bơtròh, Mơ kòl bơta ƀàssìl gơ jơm hơđang mat añ.

Esai 53:3

Kơnràñ neh kong cau sền òsơp mơ sang lòi, git làm bơta moat jrùng, mòng mơ bơta jê sồt; be dô nă cau neh kong sền òsơp kung be cau mơ kòn mơnus pồn mat ò bài sền; bol he kung sền òsơp di Kơnràñ sơl.

Broă 2:13

Mơya gơs cau ndai dơñŏ tơnhial lah: “Bol khai bơñul tơrnòm pa gơ dê gen.”

I Kôrintô 2:14

Mơ tai, ală cau ò gơs Yàng Hwềng ò rgơi dòp bơta ai gòi tus bơh Hwềng Yàng Tom Trồ dê; bơh bol khai gơwèt mơ bơta hơ̆ la tùl gơla, mơ bol khai ò rgơi git wă, tài bơh pal sền sơwì jat đah hwềng.

I Samuel 18:17

Sol đơs mơ Dabit lah: “Do la Merap kòn ùr dờng añ jê. Añ rơp ai mê in bau; mìng mê pal duh broă añ dô bă khin cha mơ tòmlơh tòm ală bơta tòmlơh Yàng Jehôwa dê.” Bơh Sol neh kơlôi lah: “Añ rơp ò ƀư tê hơđang khai, lòi cau Philistin lơh bơta hơ̆!”

I Samuel 18:20

Mơya kòn ùr Sol dê la Mikal kòñ gơboh dê Dabit, mơ tòm tŭ cau yal Sol in bơh bơta hơ̆ gen khai ai lơh niam nùs.