II Samuel 5:9 - Sră Goh 2018

⁹ Gen Dabit tòmpìt mơ mut ơm tòm theng kơ̆ cê mơ tơmoh sơnđan gơ la ƀòn dờng Dabit. Khai bơt dơrñang gùt dar bơh Milô tus di tiah dơlam.

II Samuel 5:9 Mawu Ofanana

II Samuel 5:7

Bulah behơ̆ Dabit tòmpìt ai theng kơ̆ cê Siôn la ƀòn dờng Dabit dê.

II Samuel 5:8

Tòm ngai hơ̆ Dabit neh đơs lah: “Cau lơi lơh pha mơ cau Jebusit gen lòi khai guh jat gùng lòt ai dà nàng brồ lơh ală cau kwet mơ cau jơngo mat la ală cau sò tơm Dabit dê.” Gen tàng bol khai đơs lah: “Cau jơngo mat mơ cau kwet gơlte rơp ò mut tòm hìu.”

II Samuel 6:10

Behơ̆ Dabit ò bài cèng Đài Yàng Jehôwa dê ơn tòm ƀòn dờng Dabit nàng khai sền gàr; mơya khai cèng ơn Đài Yàng Jehôwa tòm hìu Ôbet Edôm la cau Gat dê.

I Ală Bơtau 11:27

Do la kai mơ khai sòdră mơ bơtau: Salômôn bơt bơtào Milô, rcang bồr mơ lềt wơl ală tiah neh bơcah bluh dơrñang ƀòn dờng Dabit dê, la bèp khai.

I Ală Bơtau 2:10

Gen Dabit bic mơ ồng pàng khai dê, mơ geh tơp tòm ƀòn dờng Dabit.

I Ală Bơtau 9:15

Do la bơta cih wơl ală cau lơh broă bòl glar mơ Salômôn neh kup nàng bơt bơtào hìu duh khoai Yàng Jehôwa mơ gơlang khai dê, Silô mơ dơrñang Jerusalem, Hajor, Megidô mơ Gejer.

I Ală Bơtau 9:24

Mơya kòn ùr Pharaôn neh guh bơh ƀòn dờng Dabit tus hơ gơlang mơ Salômôn neh bơt khai in; gen Salômôn bơt bơtào Milô.

II Ală Bơtau 12:20

Ală dĭ gơna Jôas bơtào tòmdră mơ khai, tơnchơt khai tòm Milô, tòm gùng mù tòm Silla.

II Ală Bơtau 12:21

Jôaca, kòn klau Simeat, mơ Jôsaƀat, kòn klau Sômer, la ală dĭ gơna khai neh tơnchơt khai. Cau tơp khai bal mơ ală ồng pàng khai dê tòm ƀòn dờng Dabit; Amajiah kòn klau khai, pơrdòn sơbàn khai.

I Yal Yau 11:8

Khai bơt bơtào ƀòn dờng gùt dar hơ̆, bơh Milô tus di dơrñang gùt dar, mơ Jôap bơt wơl pơnah gam wơl ƀòn dờng dê.

II Yal Yau 32:5

Gen khai rơndap broă lơh dô bă kràñ cê nàng bơt wơl jơh ală pơnah dơrñang ƀòn dờng neh tơrlah mơ bơt ală theng kơp gàr hơđang gơ. Khai bơt dô nơm dơrñang tai đah bơdìh dơrñang neh gơs hơ̆, mơ lơh kơ̆ rlau tai ală theng kơp gàr Ƀòn Dờng Dabit dê. Khai kung lơh gơs oă ngan phan tòmlơh mơ ală khèl.

Nehemi 3:15

Salum kòn klau Kolhojeh cau at bồ kơnhwàl Mispa bơt wơl Mpồng Dà Cat, khai bơt wơl mơ tìm gơyồng ală mpồng gơ, ơn kơrnal mơ ală kai gơ dê. Khai kung bơt dơrñang Tơnau Sela di gah suơn cau bơtau dê, sơlo ngài tus hơ ală kơnă ntùng mù hơ ƀòn Dabit dê.

Đơs Crih 122:3

Jerusalem la ƀòn dờng, Geh bơt gơtòmkơt bal kơ̆ cê.

Esai 29:1

Bòl glar ngan mê in, ơ Ariel, Ariel, la ƀòn dờng Dabit neh lơh sàl tềng hơ̆! Bơtơl oă nam; lòi ală ngai pơjum sa kư̆ lòt rlau.

Ală Kwang Cahrña 9:20

Mơya dilah ò, dan ồs lik bơh Abimelek chu pơrguc làng bol Sicem mơ Bet Milô, mơ dan ồs lik bơh bol mê la làng bol Sicem mơ Bet Milô chu pơrguc Abimelek.”

Ală Kwang Cahrña 9:6

Gen jơh làng bol Sicem mơ Bet Milô pơjum bal di gah tòm cha dờng, di jrong lŭ kirsơnre ƀòn Sicem dê nàng bơtào Abimelek gơs bơtau.