II Samuel 5:7 - Sră Goh 2018

⁷ Bulah behơ̆ Dabit tòmpìt ai theng kơ̆ cê Siôn la ƀòn dờng Dabit dê.

II Samuel 5:7 Mawu Ofanana

II Samuel 5:8

Tòm ngai hơ̆ Dabit neh đơs lah: “Cau lơi lơh pha mơ cau Jebusit gen lòi khai guh jat gùng lòt ai dà nàng brồ lơh ală cau kwet mơ cau jơngo mat la ală cau sò tơm Dabit dê.” Gen tàng bol khai đơs lah: “Cau jơngo mat mơ cau kwet gơlte rơp ò mut tòm hìu.”

II Samuel 5:9

Gen Dabit tòmpìt mơ mut ơm tòm theng kơ̆ cê mơ tơmoh sơnđan gơ la ƀòn dờng Dabit. Khai bơt dơrñang gùt dar bơh Milô tus di tiah dơlam.

II Samuel 6:10

Behơ̆ Dabit ò bài cèng Đài Yàng Jehôwa dê ơn tòm ƀòn dờng Dabit nàng khai sền gàr; mơya khai cèng ơn Đài Yàng Jehôwa tòm hìu Ôbet Edôm la cau Gat dê.

II Samuel 6:12

Gơs cau yal bơtau Dabit in lah: “Yàng Jehôwa neh ai lơngai hìu nhă Ôbet Edôm in mơ jơh ală phan gơrê bal mơ khai, tài bơh Đài Yàng Tom Trồ dê.” Behơ̆ Dabit lòt rò Đài Yàng Tom Trồ dê bơh hìu Ôbet Edôm tus hơ ƀòn Dờng Dabit dô bă hòn chò ngan.

II Samuel 6:16

Tòm tŭ Đài Yàng Jehôwa dê neh mut tus tòm Ƀòn Dờng Dabit, Mikal kòn ùr Sol dê, tơnggòr sền bơh di mpồng dềt, mơ gŏ Dabit sơnđoh tòmya di đap Yàng Jehôwa, gen tòm nùs khai sền òsơp di Dabit.

I Ală Bơtau 2:10

Gen Dabit bic mơ ồng pàng khai dê, mơ geh tơp tòm ƀòn dờng Dabit.

I Ală Bơtau 3:1

Salômôn lơh dô bơta tòmklac mơ Pharaôn, bơtau Ejiptơ, khai bau mơ kòn ùr Pharaôn dê mơ rò bau ùr khai tus ơm tòm Ƀòn Dờng Dabit jơl tus di tŭ khai neh bơt sir gơlang khai dê, hìu duh khoai Yàng Jehôwa dê mơ dơrñang gùt dar Jerusalem.

I Ală Bơtau 8:1

Gen Salômôn pơjum ală cau kwang kra Israel, jơh ală cau at bồ jơi bơtiàn, mơ ală cau at bồ hìu nhă tòm Israel tus mơ khai, nàng cèng Đài Bơta Ho Bal Yàng Jehôwa dê bơh ƀòn Dabit, hơ̆ la Siôn.

I Ală Bơtau 9:24

Mơya kòn ùr Pharaôn neh guh bơh ƀòn dờng Dabit tus hơ gơlang mơ Salômôn neh bơt khai in; gen Salômôn bơt bơtào Milô.

I Yal Yau 11:7

Dabit mut ơm tòm ƀòn kơ̆ cê, mơ tài behơ̆ gơ geh sơnđan la Ƀòn Dờng Dabit.

II Yal Yau 24:16

Khai geh tơp bal mơ ală cau bơtau tòm Ƀòn Dờng Dabit, tài bơh bơta niam mơ khai neh lơh Yàng Tom Trồ in mơ hìu duh khoai Kơnràñ in tòm Israel.

II Yal Yau 5:2

Gen Salômôn hòi pơjum ală cau kwang kra tòm Jerusalem, jơh ală cau at bồ ală jơi bơtiàn mơ hìu nhă Israel tòm Jerusalem nàng cèng Đài Ho Bal Yàng Jehôwa dê bơh ƀòn dờng Dabit dê, hơ̆ la Siôn.

Nehemi 3:15

Salum kòn klau Kolhojeh cau at bồ kơnhwàl Mispa bơt wơl Mpồng Dà Cat, khai bơt wơl mơ tìm gơyồng ală mpồng gơ, ơn kơrnal mơ ală kai gơ dê. Khai kung bơt dơrñang Tơnau Sela di gah suơn cau bơtau dê, sơlo ngài tus hơ ală kơnă ntùng mù hơ ƀòn Dabit dê.

Đơs Crih 132:13

Bơh Yàng Jehôwa neh sac rwah Siôn, Kơnràñ kòñ Siôn lơh gơs tiah ơm Kơnràñ dê, mơ lah:

Đơs Crih 2:6

“Bulah behơ̆, Añ neh bơtào Bơtau Añ jê Hơđang Siôn, mơnơm sàng goh Añ jê.”

Đơs Crih 48:12

Lòt tĕ gùt dar Siôn, lòt tĕ gùt dar gơ, Kòp tĕ ală theng jơnhoa gơ dê,

Đơs Crih 48:3

Digùl ală gơlang gơ dê Yàng Tom Trồ neh ràng tơlik să tòm Kơnràñ be dô bă tiah kìng crŭ kơ̆ cê.

Đơs Crih 51:18

Dan Yàng lơh niam Siôn in jat be nùs kòñ niam Kơnràñ dê; Dan bơt bơtào wơl ală dơrñang Jerusalem dê.

Đơs Crih 87:2

Yàng Jehôwa gơboh ală mpồng Siôn dê Rlau mơ jơh ală tiah ơm Jakôp dê.

Đơs Crih 9:11

Đơs chò jòng ro tĕ Yàng Jehôwa la Bơtau ơm tòm Siôn! Yal tơlik tĕ digùl ală làng bol ală broă Kơnràñ dê.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 59:20

“Mơ Kơnràñ rơp tus bơh Siôn be Bơtau Dong Tơwài, tus hơ ală cau gơrê bal mơ Jakôp, la cau git gơjrañ sang ală tồi glài bol khai dê,” Yàng Jehôwa đơs behơ̆.

Jeremi 21:13

Yàng Jehôwa đơs: ‘Do, ơ ală cau ơm tòm thòng, Ơ pơnai lŭ tòm ƀlàng ring ne, Añ tòmdră mơ bol mê, La ală cau khin đơs lah: Ñcau rơp mù tòmdră mơ bol he? Ñcau rgơi mut tòm tiah bol he ơm crŭ taih?’”

Mice 4:2

Oă lơgar rơp tus mơ đơs lah: “Tus tĕ, bol he guh tĕ hơ mơnơm Yàng Jehôwa dê, tus hơ hìu Yàng Tom Trồ Jakôp dê. Kơnràñ rơp bơto bol he ală gùng dà Kơnràñ dê, nàng bol he lòt tòm ală gùng Kơnràñ dê.” Jơnau nting sồr rơp lik bơh Siôn, mơ jơnau đơs Yàng Jehôwa dê tus bơh Jerusalem.

Rôma 9:33

be neh cih lah: “Do Añ lòi di Siôn dô nơm pơnai lŭ gơtup jơng, dô nơm pơnai lŭ gơtup pừ; Cau lơi dòn di lŭ hơ̆ gen rơp ò gơs ƀàssìl.”

Hebrơ 12:22

Mơya oh mi neh tus hơ mơnơm Siôn, tus hơ ƀòn dờng Yàng Tom Trồ gam kis sùm, la Jerusalem hơđang trồ, tus hơ tơlak tơmàn cau gơnrơh jơnum bal,

Yal Tơlik 14:1

Gen añ sền gŏ tai, do, Belàt Kòn ntào hơđang mơnơm Siôn, bal mơ Kơnràñ gơs dô rhiang poan jơt poan rbô nă cau geh cih sơnđan Kơnràñ mơ sơnđan Bèp Kơnràñ hơđang bìng liang bol khai dê.