II Samuel 5:3 - Sră Goh 2018

³ Behơ̆ jơh ală cau kwang kra Israel neh tus mơ bơtau tòm Hebrôn; mơ bơtau Dabit lơh dô bơta ho bal mơ bol khai tòm Hebrôn di đap Yàng Jehôwa, mơ bol khai bong mơñà Dabit in lơh bơtau hơđang Israel.

II Samuel 5:3 Mawu Ofanana

II Samuel 2:4

Gen ală cau Juda lòt tus tòm Hebrôn, mơ tềng hơ̆ bol khai bong mơñà Dabit in lơh gơs bơtau at bồ hìu cau Juda. Tòm tŭ Dabit kơno yal lah ală cau tòm Jabes Galaat neh tơp ƀồc Sol,

II Samuel 2:7

Gen tàng lơh tĕ pràn kơldang tê bol mê dê mơ khin cha, bơh Sol cau tòm bol mê dê neh chơt, mơ hìu cau Juda neh bong mơñà añ in lơh gơs bơtau at bồ bol khai.”

II Samuel 3:21

Apner đơs mơ Dabit lah: “Dan lòi añ in lòt mơ pơjum jơh Israel cau tòm añ in la bơtau nàng bol khai lơh dô bơta ho bal mơ bơtau, mơ bơtau rơp at bồ hơđang jơh be nùs bơtau kơp kòñ.” Behơ̆, Dabit ai Apner in lòt, mơ khai neh lòt lơngap lơngai.

I Ală Bơtau 1:34

Tềng hơ̆, Jadôk cau gơnoar ơn phan duh khoai mơ Nathan cau gơnoar hwơr bong mơñà khai in lơh gơs bơtau hơđang Israel. Uh tĕ kơlwòk mơ driau dờng tĕ lah:

II Ală Bơtau 11:17

Jehôyada bơtào bơta ho bal digùl Yàng Jehôwa mơ bơtau mơ làng bol, bol khai la làng bol Yàng Jehôwa dê; mơ kung bơtào bơta ho bal digùl bơtau mơ làng bol.

I Yal Yau 11:1

Jơh Israel pơjum bal lòt tus hơ Dabit tòm Hebrôn mơ đơs lah: “Bol hi la poac mhàm ồng dê.

I Yal Yau 11:3

Behơ̆, jơh ală cau kwang kra Israel dê neh tus hơ bơtau tòm Hebrôn, mơ Dabit bơtào dô bơta ho bal mơ bol khai tòm Hebrôn di đap Yàng Jehôwa. Mơ bol khai bong mơñà Dabit in gơs bơtau hơđang Israel, jat be jơnau Yàng Jehôwa neh kơnòm di Samuel.

I Yal Yau 28:4

Bulah behơ̆ Jehôwa Yàng Tom Trồ Israel dê neh sac rwah añ bơh di hìu nhă añ nàng gơs bơtau at bồ hơđang Israel gam sùm sùm. Kơnràñ neh sac rwah Juda gơs cau lam bồ, mơ bơh tòm jơi bơtiàn Juda Kơnràñ neh sac rwah hìu nhă bèp añ jê, mơ bơh di ală kòn klau bèp añ jê Kơnràñ neh niam nùs lơh añ in gơs bơtau at bồ hơđang Israel.

II Yal Yau 23:16

Gen Jehôyada bơtào dô bơta ho bal, khai mơ làng bol mơ cau bơtau rơp lơh gơs làng bol Yàng Jehôwa dê.

Nehemi 9:38

Tài bơh jơh ală bơta do, bol hi bơtào dô bơta ho bal kơ̆ ngan, mơ bol hi cih gơ; ală kwang bàng, ală cau Lebi, mơ ală cau gơnoar ơn phan duh khoai bol hi dê tap ƀang kì di gơ.

Lik Ejiptơ 3:16

Lòt tĕ, pơjum tơrgòm ală cau kwang kra Israel dê, mơ đơs mơ bol khai lah: “Yàng Jehôwa ồng pàng bol mê dê la Yàng Tom Trồ Abraham, Yàng Tom Trồ Isak, mơ Yàng Tom Trồ Jakôp dê, neh tơlik mat mơ añ mơ đơs lah: ‘Añ neh wèt sền di bol mê, mơ neh gŏ ñchi bơta bol khai neh lơh di bol mê tòm lơgar Ejiptơ.

Jôsue 10:36

Gen Jôsue bal mơ jơh Israel guh bơh Eglôn tus hơ Hebrôn mơ brồ lơh gơ.

Ală Kwang Cahrña 11:11

Behơ̆, Jepthe lòt bal mơ ală cau kwang kra Galaat dê, mơ làng bol bơtào khai gơs cau at bồ bol khai. Khai đơs wơl ală jơnau neh đơs di đap Yàng Jehôwa tòm Mispa.

I Samuel 11:15

Behơ̆ jơh làng bol lòt tus hơ Gilgal mơ dòp Sol la cau bơtau at bồ di đap Yàng Jehôwa. Tềng hơ̆ bol khai ơn ală phan ơn duh khoai ring lơngai di đap Yàng Jehôwa, Sol mơ jơh làng bol Israel hòn chò dờng ngan ò git lơh.

I Samuel 16:13

Behơ̆ Samuel ai ngke mơñà mơ bong mơñà khai in di đap mat ală bi khai dê, mơ bơh ngai hơ̆ Hwềng Yàng Jehôwa dê mù hơđang Dabit dô bă gơs gơnoar pràn ngan. Gen Samuel rê wơl hơ Ramah.

I Samuel 23:18

Bàr nă bol khai bơtào gơs bơta ho bal di đap Yàng Jehôwa. Dabit ơm wơl tòm Hôres mơ Jônathan rê hìu.