II Samuel 5:2 - Sră Goh 2018

² Bơh lài òr, tòm tŭ Sol gam at bồ bol hi, bơtau la cau neh lam Israel tòm ală bơta tòmlơh. Yàng Jehôwa neh đơs mơ bơtau lah: Mê rơp ê gàr làng bol Israel Añ jê, mơ mê rơp gơlik gơs cau at bồ hơđang Israel.”

II Samuel 5:2 Mawu Ofanana

Sơnròp Gơlik Gơs 49:24

Khai kơnòm di tê Bơtau Gơnap Gơnoar Làm Jơh Jakôp dê, Gen àtak khai gam kơ̆ sùm. Kơnòm di Bơtau Ê Belàt, la Pơnai Lŭ Israel dê. Mơ bàr nơm tê khai gam sơrbac sơrbang sùm.

II Samuel 6:21

Dabit đơs mơ Mikal lah: “Hơ̆ la di đap Yàng Jehôwa, la Bơtau neh sac rwah añ ơm tòm tiah bèp ai mơ jơh hìu nhă khai dê, bơtào añ lơh gơs bơtau at bồ hơđang Israel la làng bol Yàng Jehôwa dê; añ neh tòmya jòng ro di đap Yàng Jehôwa.

II Samuel 7:7

Tiah lơi Añ neh lòt digùl jơh làng bol Israel, gơs tŭ lơi Añ neh đơs dô jơnau lơi mơ dô nă cau lơi tòm ală cau kwang at bồ Israel dê, la ală cau Añ neh sồr ê gàr Israel làng bol Añ jê mơ đơs lah: Ñchi bơh tài bol mê ò bơt Añ in dô nơm hìu mơ chi nho rề sơl ơ?’

II Samuel 7:8

Behơ̆ tŭ do, đơs tĕ mơ Dabit, cau duh broă Añ jê lah: ‘Yàng Jehôwa Gơnap Gơnoar Dờng Làm Jơh đơs be do: Añ neh tă mê bơh di ƀlàng ñhơt, bơh tiah mê ê mpồl belàt, nàng mê lơh gơs cau bơtau at bồ làng bol Israel Añ jê.

II Ală Bơtau 20:5

“Rê wơl tĕ, đơs mơ Ejekia, bơtau làng bol Añ jê lah: Jehôwa Yàng Tom Trồ Dabit dê, ồng pàng mê dê, đơs be do: Añ neh kơno jơnau hòi dan mê dê, gŏ dà mat mê dê; ngan Añ rơp sơmbòi mê in; tus ngai dơ̆ pe mê rơp guh hơ hìu duh khoai Yàng Jehôwa dê.

I Yal Yau 11:2

Bơh lài, tòm tŭ Sol gơs bơtau, ồng la cau neh lam bồ mpồl ling Israel dê. Mơ Jehôwa Yàng Tom Trồ ồng dê neh đơs mơ ồng lah: ‘Mê rơp la cau ê gàr làng bol Israel Añ jê, mơ mê rơp gơlik gơs cau at bồ hơđang làng bol Israel Añ jê.’”

II Yal Yau 1:10

Tŭ do dan ai Añ in bơta jak chài mơ bơta git wă nàng lik mơ mut di đap làng bol do, bơh ñcau rgơi at bồ làng bol dờng do Kơnràñ dê taih?”

Esai 40:11

Kơnràñ ròng siam mpồl Kơnràñ dê kung be cau ê belàt; Kơnràñ pơjum tơrgòm ală belàt kòn tòm tơwòr tê Kơnràñ dê, mơ kơnđu bol gơ rềp di nùs Kơnràñ dê; Kơnràñ tề lam dô bă lơbơn niam ală belàt me gơs kòn gam pô.

Esai 55:4

Ne, Añ neh bơtào khai lơh gơs cau lơh cơng ală làng bol in lơh gơs kwang lam bồ mơ kwang at bồ ală làng bol.

Ejekiel 34:23

Añ rơp bơtào hơđang bol gơ dô nă cau ê, hơ̆ la Dabit cau duh broă añ jê, khai rơp ròng siam bol gơ; mơ lơh gơs cau ê gàr bol gơ.

Mice 5:4

Kơnràñ rơp ntào mơ ê gàr mpồl Kơnràñ dê kơnòm di pràn Yàng Jehôwa dê, bal mơ bơta ryŭ ryơm tòm sơnđan Jehôwa Yàng Tom Trồ Kơnràñ dê. Mơ bol khai rơp ơm lơngap lơngai, bơh tŭ hơ̆ Kơnràñ rơp la dờng làm jơh tus di ală tiah lồi plai ù dê.

Khà Làng Bol 27:17

nàng lik mut di đap bol khai, la dô nă cau rơp tề lam bol khai lik mơ mut tồ làng bol Yàng Jehôwa dê rơp ò gơlik gơs kung be belàt ò gơs cau ê sền gàr.”

Mathiơ 2:6

‘Ơ Betlehem, tòm ƀòn Juda dê! Ngan mê ò di dềt rlau jơh mơ ală ƀòn dờng lơgar Juda dê ò, Bơh dê mê rơp gơlik dô nă cau kwang dờng, La Bơtau rơp ê gàr làng bol Israel Añ jê.’”

Jang 10:11

Añ la cau ê niam. Cau ê niam bơh mpồl belàt mơ phi bơta kis he.

Hebrơ 2:10

Di ngan mìng Yàng Tom Trồ la Bơtau crơng gơs mơ prap gàr jơh ală phan, rgơi lơh Yàng Jesu in geh wil tơl bơh bơta kong bòl glar, nàng cèng ală kòn gơs pơnah tòm bơta gơklŏ Kơnràñ dê. Bơh Yàng Jesu la Bơtau tề lam bol khai tus hơ bơta dong klàs.

I Samuel 13:14

Mơya tŭ do gơnoar at bồ mê dê rơp ò ơm kơ̆; Yàng Jehôwa neh jòi bàn dô nă cau jat nùs Kơnràñ dê mơ pồ bơtào khai lơh gơs cau at bồ hơđang làng bol Kơnràñ dê, tài bơh mê ò lơh jat jơnau sồr Kơnràñ dê.”

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 18:13

Behơ̆ Sol sồr Dabit lòt ngài bơh di khai, ai khai in lơh gơs kwang ling at bồ dô rbô ling, mơ Dabit lik lòt mơ rê wơl lam mpồl ling.

I Samuel 18:16

Mơya jơh Israel mơ Juda gen kòñ gơboh di Dabit. Tài bơh Dabit lam bol khai lik lòt mơ rê wơl.

I Samuel 18:5

Broă lơi Sol sồr Dabit lơh gen Dabit lơh gơlik cồng nha niam tian gơs Sol bơtào khai hơđang tòm mpồl ling. Bơta hơ̆ niam nùs jơh làng bol mơ niam nùs ală cau duh broă Sol sơl.

I Samuel 25:28

Dan toh glài cau duh broă kơnràñ in, bơh ngan la Yàng Jehôwa rơp bơtào kơ̆ jơi bơtiàn cau tòm añ jê tài bơh kơnràñ tòmlơh ală bơta tòmlơh Yàng Jehôwa dê; mơ bơta iơh rơp ò jòi bàn tòm jơh rài kis ồng dê.

I Samuel 25:30

Tòm tŭ Yàng Jehôwa neh lơh cau tòm añ in jơh ală bơta niam mơ Kơnràñ neh ho mơ neh pồ bơtào cau tòm añ jê lơh gơs cau at bồ Israel,

I Samuel 9:16

“Ngai hìng pơgap tòm jơ do, Añ rơp sồr dô nă cau klau bơh lơgar Benjamin tus mơ mê. Bong mơñà tĕ khai nàng lơh gơs cau at bồ hơđang làng bol Israel Añ jê. Khai rơp dong tă làng bol Añ jê klàs bơh di tê làng bol Philistin. Añ neh wèt sền di làng bol Añ jê, bơh jơnau hòi driau bol khai dê neh tus hơ Añ.”