II Samuel 4:12 - Sră Goh 2018

¹² Behơ̆ Dabit ai jơnau sồr ală cau pơnu khai dê mơ bol khai tơnchơt bàr nă cau hơ̆. Bol khai koh tê mơ jơng bol hơ̆ dê mơ yồng ƀồc bol khai rềp di tơnau Hebrôn. Mơya bol khai ai bồ Isbôset mơ tơp tòm bơtô ƀồc Apner tòm Hebrôn.

II Samuel 4:12 Mawu Ofanana

II Samuel 1:15

Gen Dabit hòi dô nă cau bal mơ khai mơ đơs lah: “Tus tĕ rềp, tơnchơt khai!” Behơ̆ cau Dabit dê brồ lơh cau hơ̆ mơ khai chơt.

II Samuel 16:8

Yàng Jehôwa neh sal wơl di mê bơh mhàm hìu nhă Sol dê, tòm tiah mơ mê neh at bồ; mơ Yàng Jehôwa neh jào lơgar tòm tê Apsalôm kòn klau mê dê. Sền tĕ bơta rung rài neh kup geh mê; tài bơh mê la dô nă cau neh lơh gơhòr mhàm.”

II Samuel 2:8

Mơya Apner kòn klau Ner, cau kwang at bồ mpồl ling Sol dê, kup Isbôset kòn klau Sol dê mơ cèng khai tus hơ Mahanaim.

II Samuel 21:9

bơtau jào bol khai cau Gabaôn in. Cau Gabaôn tơnchơt bol khai mơ yồng ƀồc bol khai hơđang mơnơm di đap Yàng Jehôwa. Jơh poh nă cau hơ̆ kong chơt dô bă bal; bol khai kong tơnchơt di di ngai bồ kơnhai toès, di tŭ cau rơp sơntòm toès kòi mac.

II Samuel 3:32

Bol khai tơp Apner tòm Hebrôn mơ bơtau ñìm dờng jơnau di tiah bơtô ƀồc Apner; mơ jơh làng bol kung ñìm bal.

Đơs Crih 55:23

Mơya, ơ Yàng Tom Trồ, Yàng rơp tơmut bol khai tòm trồm bơta roh rui; Hơ̆ la cau kòñ lơh gơtuh mhàm mơ cau blac pơrlồm ò geh kis tus digùl ngai Yàng neh lơh nền bol khai in. Ai añ, añ rơp dòn kơnòm di Yàng.

Mathiơ 7:2

Bơh bol mê cahrña cau ndai be lơi, gen cau kung rơp cahrña di bol mê behơ̆ sơl; mơ bol mê was cau in mơ rnoas lơi, gen cau kung was wơl bol mê in mơ rnoas hơ̆.