II Samuel 4:11 - Sră Goh 2018

¹¹ Gen oă rlau mơ hơ̆ tai, tòm tŭ gơs ală cau iơh bơsak neh tơnchơt dô nă cau ò tìs glài ơm bic hơđang cơnòng tòm hìu is khai dê, añ rơp ò lùp wơl mhàm khai dê bơh di tê bol mê mơ tơnroh bol mê bơh di plai ù ò ơ?”

II Samuel 4:11 Mawu Ofanana

Sơnròp Gơlik Gơs 4:11

Tŭ do mê rơp kong ù srat sơntơm la ù neh ha bơr hùc mhàm oh mê dê bơh tê mê mơ gơtuh.

Sơnròp Gơlik Gơs 6:13

Gen Yàng Tom Trồ đơs mơ Nôe lah: “Bơta lồi dut jơh poac să dê neh tus di đap Añ, tài bơh kòn mơnus lơh ù tiah bềng lìu bơta jàñ bơsak, behơ̆ Añ rơp tơnroh bol khai bal mơ ù sơl.

Sơnròp Gơlik Gơs 7:23

Kơnràñ tơnroh jơh ală phan kis ơm hơđang ù, bơh kòn mơnus tus dê phan poan jơng tòm hìu, phan wìn nsròng, mơ sềm hơđang trồ bol gơ chơt roh bơh dê ù, gam mìng Nôe mơ ală jơi ơm bal mơ khai tòm ơhò.

II Samuel 16:8

Yàng Jehôwa neh sal wơl di mê bơh mhàm hìu nhă Sol dê, tòm tiah mơ mê neh at bồ; mơ Yàng Jehôwa neh jào lơgar tòm tê Apsalôm kòn klau mê dê. Sền tĕ bơta rung rài neh kup geh mê; tài bơh mê la dô nă cau neh lơh gơhòr mhàm.”

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

II Samuel 3:39

Mơ tòm ngai do añ ò tơl pràn, bulah añ neh geh bong mơñà nàng lơh gơs bơtau, mơ ală cau do la kòn klau Jeruyah bol khai jàñ bơsak ir añ in. Dan Yàng Jehôwa tơm wơl cau lơh bơta iơh in jat ală broă iơh khai dê!”

I Ală Bơtau 2:32

Yàng Jehôwa rơp tơm wơl hơđang bồ khai mhàm khai neh lơh gơhòr, tài bơh bèp añ la Dabit ò git, khai neh brồ lơh mơ sreh tơnchơt bàr nă cau niam rlau mơ song ring rlau mơ khai, hơ̆ la Apner, kòn klau Ner dê, kwang dờng at bồ mpồl ling Israel dê, mơ Amasa kòn klau Jether, kwang dờng at bồ mpồl ling Juda dê.

Đơs Crih 109:15

Lòi ală glài hơ̆ gam ơm sùm di đap Yàng Jehôwa, Mơ bơta kir yau khai dê kòl sang tơlik bơh di ù!

Đơs Crih 9:12

Bơh Bơtau sal wơl mhàm kah tus di ală cau bòl glar, Kơnràñ ò hŭi jơnau hòi dan rac ròc bol khai dê.

Lik Ejiptơ 21:12

Cau lơi pù lơh mơ tơnchơt dô nă cau gen cau hơ̆ rơp kong tơnchơt.

Lik Ejiptơ 9:15

Mơ tŭ do, dilah Añ kòñ gen Añ rgơi pò tê Añ jê nàng đùh hơđang mê bal mơ làng bol mê dê dô bơta pluh plàng rgơi tơnroh mê bơh di plai ù.

Jơnau Pơnđik 2:22

Mơya cau iơh bơsak rơp kong tă tơlik bơh di lơgar, Mơ cau tồi glài rơp kong dus bơh di tiah hơ̆.

Jơnau Pơnđik 25:26

Cau song ring gơsèng di đap cau iơh bơsak, ò gơkrơi be dô croh dà gơkòl lơh sơngkal, dô tồ dà ồm.

Jeremi 10:11

Bol mê pal đơs mơ bol khai lah: ‘Ală yàng ò rgơi crơng ală trồ mơ ù tiah, rơp kong tơnroh thit bơh di ù tiah hơđơm ală tap trồ.’

Habakuk 1:12

Kơnràñ ò di neh gơs bơh rài yau la gam sùm sùm ò lồi sơl ơ? Ơ Jehôwa Yàng Tom Trồ añ jê, Bơtau sàng goh añ jê? Kơnràñ rơp ò chơt. Ơ Yàng Jehôwa, Kơnràñ neh lơh nền bol khai in nàng cahrña; Ơ Pơnai Lŭ Klềr añ jê! Kơnràñ neh bơtào bol khai nàng lơh glài.

Habakuk 1:4

Tài behơ̆, bơta boh lam roh gơnoar, bơta song ring ò tŭ lơi lơh jat. Cau iơh bơsak gơrwàng gùt dar cau song ring, gen tàng bơta cahrña rơp tus hơđang cau lơh bơta rkwet rkwe.

I Jang 3:12

Bañ lơh be Kain, la cau bal mơ cà ràk mơ neh tơnchơt oh khai dê. Ñchi bơh tài khai tơnchơt oh khai taih? Tài bơh ală broă să tòm khai dê la iơh rmơh, ai ală broă oh khai dê la song ring.