II Samuel 3:39 - Sră Goh 2018

³⁹ Mơ tòm ngai do añ ò tơl pràn, bulah añ neh geh bong mơñà nàng lơh gơs bơtau, mơ ală cau do la kòn klau Jeruyah bol khai jàñ bơsak ir añ in. Dan Yàng Jehôwa tơm wơl cau lơh bơta iơh in jat ală broă iơh khai dê!”

II Samuel 3:39 Mawu Ofanana

II Samuel 16:10

Mơya bơtau ho lah: “Ơ ală kòn klau Jeruya, ñchi bơta gơkoă digùl bol mê mơ añ taih? Dilah khai srat rma gen hơ̆ la Yàng Jehôwa neh đơs mơ khai lah: ‘Srat rma tĕ Dabit.’ Behơ̆ ñcau rgơi lùp lah: ‘Ñchi bơh tài mê lơh behơ̆ taih?’”

II Samuel 19:13

Kung đơs tĕ mơ Amasa lah: ‘Mê ò di la poac mhàm añ jê ơ? Dilah mê ò lơh gơs cau kwang ling ala Jôap di đap añ bơh tŭ do, gen dan Yàng Tom Trồ lơh glài añ kơnjơ̆.’”

II Samuel 19:22

Dabit ho lah: “Ơ ală kòn klau Jeruyah dê, ñchi bơta añ pal lơh mơ bol mê taih? Mơ ngai do bol mê neh gơlik gơs cau lơh bòl glar di añ, dô nă cau tòm Israel ngai do pal kong tơnchơt sơl ơ? Añ ò git lah ngai do añ la bơtau at bồ Israel ò ơ?”

II Samuel 3:38

Gen bơtau đơs mơ ală cau duh broă lah: “Bol mê ò git la dô nă cau kwang dờng, mơ dô nă cau dờng màng tòm Israel neh chơt tòm ngai do sơl?

I Ală Bơtau 2:32

Yàng Jehôwa rơp tơm wơl hơđang bồ khai mhàm khai neh lơh gơhòr, tài bơh bèp añ la Dabit ò git, khai neh brồ lơh mơ sreh tơnchơt bàr nă cau niam rlau mơ song ring rlau mơ khai, hơ̆ la Apner, kòn klau Ner dê, kwang dờng at bồ mpồl ling Israel dê, mơ Amasa kòn klau Jether, kwang dờng at bồ mpồl ling Juda dê.

I Ală Bơtau 2:9

Mơya tŭ do, bañ kòp khai be cau ò gơs glài, bơh kòn la dô nă cau jak chài, kòn rơp git mbe pal lơh di khai, mơ kòn pal tơmù tĕ bồ kra sŏ kò khai dê gơđềt mhàm tòm lơgar làng ƀồc.”

I Yal Yau 22:5

Dabit đơs lah: “Salômôn kòn klau añ la dô nă cau kơnòm să mơ ò git làm, mơ hìu rơp geh bơt Yàng Jehôwa in pal ryŭ ryơm ngan, tiơng pơnro mơ àng gơklŏ di đap mat jơh ală làng bol. Gen tàng añ rơp rcang sir jơh ală phan nàng bơt hìu hơ̆.” Behơ̆ Dabit jơh nùs rcang sir ală bơta lài mơ tŭ khai chơt.

I Yal Yau 29:1

Bơtau Dabit đơs mơ jơh mpồl jơnum làng bol lah: “Salômôn kòn klau añ la cau mơ Yàng Tom Trồ neh sac rwah la gam kơnòm mơ ò git làm, mơ broă lơh do la dờng, tài bơh hìu duh khoai rơp ò di la kòn mơnus in mơya Jehôwa Yàng Tom Trồ in.

II Yal Yau 13:7

mơ ală cau ală alai ò kwơ neh pơjum gùt dar khai sền òsơp di Rôbôam kòn klau Salômôn, tòm tŭ Rôbôam gam kơnòm să òhềt git làm nàng tòmdră wơl mơ bol khai.

Đơs Crih 101:8

Kòp drim añ rơp tơnroh jơh ală cau iơh bơsak tòm lơgar, Mơ tơnroh jơh ală cau lơh iơh bơsak bơh di ƀòn dờng Yàng Jehôwa dê.

Đơs Crih 28:4

Dan Yàng tơm wơl bol khai in jat be broă bol khai dê, Jat be bơta iơh bơsak bơta lơh lòt bol khai dê; Dan tơm wơl bol khai in jat be broă tê bol khai neh lơh, Tơm wơl bol khai in di pal mơ glài bol khai dê.

Đơs Crih 62:12

Mơ tai, ơ Yàng Jehôwa, bơta kòñ gơboh kơ̆ dơn gơrê bal mơ Kơnràñ; Bơh Kơnràñ tơm wơl kòp nă cau in jat be broă lơh bol khai dê.

Đơs Crih 7:16

Bơta iơh bơsak khai dê tuh wơl hơđang bồ khai, Mơ bơta rhung rhang khai dê gơđềt di bìng liang khai dê.

Đơs Crih 75:10

Kơnràñ rơp koh ală ngke cau iơh bơsak dê, Ai ală ngke cau song ring dê rơp geh yò tơngguh.

Lik Ejiptơ 21:12

Cau lơi pù lơh mơ tơnchơt dô nă cau gen cau hơ̆ rơp kong tơnchơt.

Jơnau Pơnđik 20:8

Bơtau ơm nggui hơđang sơbàn cahrña, ai muh mat he tơnroh ală bơta iơh.

Jơnau Pơnđik 25:5

Pơndut tĕ cau iơh klàs bơh di đap cau bơtau, gen sơbàn khai rơp geh bơt bơtào kơ̆ nền tòm bơta song ring.

Esai 3:11

Bòl glar cau iơh bơsak in! Bơh ală bơta tê bol khai neh lơh gen rơp geh tơm wơl bol khai in.

Esai 7:4

mơ đơs mơ khai lah: ‘Kơrhia tĕ, ơm mŏ mŏ mơ bañ rngòt. Bañ lòi nùs mê bòl glar tài bơh bàr gơl lòng ồs sa, tài bơh bơta gơhào gơjrañ Rejin mơ Aram dê, mơ kòn klau Remalia dê.

Jeremi 38:5

Bơtau Jedekia ho lah: “Do, khai ơm tềng do, khai ơm tòm tê bol mê, bơh bơtau ò geh tòmdră mơ bol mê.”

Daniel 6:16

Gen bơtau sồr cèng Daniel tus, mơ sơrbì khai tòm wàng klìu triă. Bơtau đơs mơ Daniel lah: “Dan Yàng Tom Trồ mê dê, la bơtau mê jơh nùs dòn song duh broă, rơp dong tă mê.”

Khà Làng Bol 32:23

Mơya dilah bol mê ò lơh jat behơ̆ gen bol mê tìs glài mơ Yàng Jehôwa; mơ bol mê git nền ngan lah tồi glài bol mê rơp gơtuh wơl hơđang bồ bol mê dê.

Rôma 13:4

bơh bol khai la cau duh broă Yàng Tom Trồ dê, nàng lơh gơs kwơ mê in. Mơya dilah mê lơh iơh gen rngòt tĕ, bơh khai at đào ò di la ò kwơ ò; khai la cau duh broă Yàng Tom Trồ dê, hơ̆ la cau sal wơl bơta gơjrañ dờng di cau lơh bơta iơh bơsak.

II Timôthe 4:14

Aleksandria la cau chài tiar kòng, neh lơh iơh di añ oă ngan; Yàng rơp sal wơl khai in jat be broă khai dê.

Ală Kwang Cahrña 9:57

Yàng Tom Trồ kung lơh jơh ală bơta iơh bơsak làng bol Sicem dê gơtuh wơl hơđang bồ bol khai dê. Bơta srat rma Jôtham kòn klau Jerubaal dê neh gơlik di ngan hơđang bol khai.