II Samuel 3:28 - Sră Goh 2018

²⁸ Tơnơ̆ mơ hơ̆, tòm tŭ Dabit kơno bơh bơta hơ̆ gen đơs lah: “Añ mơ lơgar añ sùm sùm ò gơs glài di đap Yàng Jehôwa bơh mhàm Apner, kòn klau Ner dê.

II Samuel 3:28 Mawu Ofanana

Sơnròp Gơlik Gơs 4:10

Yàng Jehôwa lùp: “Ñchi bơta mê neh lơh taih? Jơnau mhàm oh mê dê bơh tòm ù hòi tus hơ Añ.

Sơnròp Gơlik Gơs 9:6

Dilah cau lơi lơh gơhòr mhàm kòn mơnus, gen rơp gơs cau ndai lơh gơhòr mhàm cau hơ̆ wơl, bơh Yàng Tom Trồ lơh gơs kòn mơnus be rùp Kơnràñ dê.

II Samuel 1:16

Dabit đơs mơ khai lah: “Mhàm mê dê tuh wơl hơđang bồ mê! Bơr tòm mê dê neh lơh cơng tòmdră mơ mê, bơh mê neh đơs lah: ‘Añ neh tơnchơt cau geh bong mơñà Yàng Jehôwa dê.’”

II Samuel 16:8

Yàng Jehôwa neh sal wơl di mê bơh mhàm hìu nhă Sol dê, tòm tiah mơ mê neh at bồ; mơ Yàng Jehôwa neh jào lơgar tòm tê Apsalôm kòn klau mê dê. Sền tĕ bơta rung rài neh kup geh mê; tài bơh mê la dô nă cau neh lơh gơhòr mhàm.”

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

II Samuel 3:29

Dan mhàm hơ̆ tuh wơl hơđang bồ Jôap mơ hơđang jơh hìu bèp khai dê! Dan hìu Jôap dê ò tŭ lơi siơ̆u cau jê toh mồr gơrề hala cau kòp dun, cau đơng gai tàñ, cau gơpừ chơt bơh đào, cau ò gơs phan sa!”

Lik Ejiptơ 21:12

Cau lơi pù lơh mơ tơnchơt dô nă cau gen cau hơ̆ rơp kong tơnchơt.

Khà Làng Bol 35:33

Bañ lơh ƀơ̆ ƀơl lơgar mê ơm kis. Lơh gơhòr mhàm la lơh ƀơ̆ ƀơl lơgar, mơ phan ơn tơwài glài ò rgơi tơwài wơl ù tiah mơ mhàm neh tuh hơđang, lòi mìng mhàm cau neh lơh gơtuh mhàm gơ dê,

Mathiơ 27:24

Tòm tŭ Pilat gŏ he ò rgơi lơh bơta lơi, mơ tai bơta nggồr nggàc sơlo gơbơtơl, gen khai ai dà rào tê di đap mpồl làng bol mơ đơs lah: “Añ ò gơs glài bơh mhàm cau song ring do; kong bol mê dê.”