II Samuel 3:27 - Sră Goh 2018

²⁷ Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

II Samuel 3:27 Mawu Ofanana

II Samuel 13:26

Gen Apsalôm đơs lah: “Dilah bơtau ò tus, dan ai gơnoar Amnôn bi añ tus mơ bol hi.” Bơtau lùp khai lah: “Ñchi bơh tài khai pal tus mơ kòn taih?”

II Samuel 19:13

Kung đơs tĕ mơ Amasa lah: ‘Mê ò di la poac mhàm añ jê ơ? Dilah mê ò lơh gơs cau kwang ling ala Jôap di đap añ bơh tŭ do, gen dan Yàng Tom Trồ lơh glài añ kơnjơ̆.’”

II Samuel 3:26

Tòm tŭ Jôap lik bơh di đap Dabit, khai sồr ală cau kong sồr ting jat Apner, mơ bol khai cèng Apner rê wơl bơh di tơnau ơn dà tòm Sira; mơya Dabit ò git bơh bơta hơ̆.

II Samuel 3:28

Tơnơ̆ mơ hơ̆, tòm tŭ Dabit kơno bơh bơta hơ̆ gen đơs lah: “Añ mơ lơgar añ sùm sùm ò gơs glài di đap Yàng Jehôwa bơh mhàm Apner, kòn klau Ner dê.

II Samuel 4:1

Tòm tŭ Isbôset kòn klau Sol dê kơno la Apner neh chơt tòm Hebrôn, gen khai gơdô nùs mơ jơh Israel rngòt rngơt ngan.

I Ală Bơtau 2:32

Yàng Jehôwa rơp tơm wơl hơđang bồ khai mhàm khai neh lơh gơhòr, tài bơh bèp añ la Dabit ò git, khai neh brồ lơh mơ sreh tơnchơt bàr nă cau niam rlau mơ song ring rlau mơ khai, hơ̆ la Apner, kòn klau Ner dê, kwang dờng at bồ mpồl ling Israel dê, mơ Amasa kòn klau Jether, kwang dờng at bồ mpồl ling Juda dê.

I Ală Bơtau 2:5

Rlau mơ hơ̆ tai, kòn git ñchi bơta Jôap kòn klau Jeruya neh lơh di añ, mbe khai neh lơh di bàr nă cau kwang at bồ ling Israel dê, la Apner kòn klau Ner, mơ Amasa kòn klau Jether. Khai la cau tơnchơt cau, sal tê tòm tŭ gơs ring lơngai, bơh mhàm neh gơhòr tòm bơta kơlìn gơtoă, mơ lơh mhàm bơta kơlìn gơtoă gơđềt di che kơt but mơ di khŏ di jơng khai dê.

I Yal Yau 27:21

Ikdô kòn klau Sacari at bồ nggùl jơi bơtiàn Manase tòm Galaat; Jaasiel kòn klau Apner at bồ Benjamin;

Jơnau Pơnđik 26:26

Bulah bơta gơjrañ mañ pồn ndơp tòm bơta lơh tànggơ, bơta iơh bơsak khai rơp kong ràng tơlik di đap mpồl jơnum.

Jeremi 41:2

Ismael kòn klau Nethania, bal mơ jơt nă cau lòt bal mơ khai ñă ntào ai đào srơp Gedalia kòn klau Ahikam sau Saphan, tơnchơt khai la cau mơ bơtau Babilôn pồ bơtào lơh kwang at bồ tòm lơgar.

Khà Làng Bol 35:19

Cau sal tê bơh mhàm rơp tơnchơt cau neh tơnchơt cau; tòm tŭ khai tìp cau tơnchơt cau hơ̆, khai pal tơnchơt cau hơ̆.

Khà Làng Bol 35:20

Dilah gơs dô nă cau lơi gơs nùs gơjrañ mañ kòñ tơnchơt cau mơ khai chồl tơlo dô nă cau ndai hala kòñ tơng phan lơi di cau hơ̆ tian gơs cau hơ̆ chơt

Yal Wơl 27:24

‘Pal srat sơntơm cau lơi tơnchơt dô bă ndơp ndơr cau ơm rềp mơ khai.’ Gen jơh làng bol rơp đơs lah. ‘Amen!’