II Samuel 3:25 - Sră Goh 2018

²⁵ Bơtau git Apner kòn klau Ner, khai tus nàng pơrlồm bơtau, sền sơwì ală broă lơh bơtau dê, mơ git jơh ală bơta bơtau lơh.”

II Samuel 3:25 Mawu Ofanana

Sơnròp Gơlik Gơs 42:12

Khai ho mơ bol hơ̆ lah: “Ò di, ngan behơ̆, ală bol mê neh tus nàng sền ală tiah lơbơn òsô tòm lơgar do.”

Sơnròp Gơlik Gơs 42:16

Sồr tĕ dô nă cau tòm bol mê rê nàng rò oh put bol mê tus hơ do mơ ală bol mê pal ơm jàm tềng do. Añ pal lòng jơnau ală bol mê gen behơ̆ añ rơp git bol mê đơs ngan hala ò. Dilah ò đơs song, gen añ ai bơta kis Pharaôn mơ srat să lah, ală bol mê ngan la cau rwang lơgar.”

Sơnròp Gơlik Gơs 42:9

Jôsep kah wơl bơta mpau khai neh gŏ bơh bol hơ̆, gen đơs mơ bol khai lah: “Bol mê la cau rwang lơgar tus nàng sền ală tiah lơbơn òsô tòm lơgar do.”

II Samuel 10:3

ală kwang at bồ cau Ammôn đơs mơ Hanun, cau tòm bol khai dê lah: “Ồng kơlôi ngan lah Dabit sồr ală cau tus mơ ồng nàng tòmpà bơta moat jrùng la tài bơh khai ki ngàm di bèp ồng dê ơ? Dabit ò di neh sồr bol khai tus hơ ồng nàng sền sơwì ƀòn dờng mơ rwang còp gơ nàng phà tơnroh gơ ò ơ?”

II Samuel 3:24

Behơ̆ Jôap lòt tus hơ cau bơtau mơ lùp lah: “Ñchi bơta bơtau neh lơh taih? Sền ne, Apner neh tus hơ bơtau, ñchi bơh tài bơtau neh lòi khai in lòt taih? Tian gơs khai neh lòt rau!

II Samuel 3:26

Tòm tŭ Jôap lik bơh di đap Dabit, khai sồr ală cau kong sồr ting jat Apner, mơ bol khai cèng Apner rê wơl bơh di tơnau ơn dà tòm Sira; mơya Dabit ò git bơh bơta hơ̆.

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

II Ală Bơtau 18:32

jơl tus di tŭ añ tus lam bol mê mut tòm dô nơm lơgar kung be lơgar bol mê dê, hơ̆ la lơgar gơs kòi mơ tơrnòm, ƀañ mơ suơn ño, dô lơgar gơs mơñà ôlibe mơ dà lơwe. Behơ̆ bol mê rơp kis, mơ ò chơt. Behơ̆, bañ iat Ejekia, bơh khai pơrlồm bol mê tòm tŭ đơs lah: Yàng Jehôwa rơp dong tă bol he.

Đơs Crih 121:8

Yàng Jehôwa rơp sền gàr mê tòm tŭ mê lik mơ tòm tŭ mê mut, Bơh tŭ do jơl sùm sùm.

Esai 37:28

Mơya Añ git tŭ mê ñă ntào, mơ tŭ mê nggui, tŭ mê lik mơ tŭ mê mut, mơ tŭ mê gơhào gơjrañ tòmdră di Añ.

Khà Làng Bol 27:17

nàng lik mut di đap bol khai, la dô nă cau rơp tề lam bol khai lik mơ mut tồ làng bol Yàng Jehôwa dê rơp ò gơlik gơs kung be belàt ò gơs cau ê sền gàr.”

Jang 7:12

Tòm mpồl làng bol gơs oă jơnau đơs òm bơh Kơnràñ. Cau ƀà đơs lah: “Hơ̆ la cau lơbơn niam.” Ai cau ƀà tai đơs lah: “Ò di. Khai la cau pơrlồm mpồl làng bol.”

Jang 7:47

Ală cau Pharisi đơs mơ bol khai lah: “Bol mê kung kòl pơrlồm sơl ơ?

Rôma 2:1

Behơ̆, ơ cau ne, bulah mê la ñcau, kung ò geh tò să he; bơh mê cahrña di cau ndai bơh bơta lơi, gen kung lơh nền glài să tòm he in sơl, bơh mê cahrña di cau lơh bơta hơ̆, mơ mê kung lơh ală bơta behơ̆ sơl.

Yal Wơl 28:6

Bol mê rơp geh lơngai tòm tŭ mut tòm hìu mơ geh lơngai tòm tŭ bol mê lik di tiah.