II Samuel 3:14 - Sră Goh 2018

¹⁴ Gen Dabit sồr ală cau kong sồr lòt tus hơ Isbôset kòn klau Sol dê mơ đơs lah: “Ai tĕ añ in bau ùr añ la Mikal, la cau neh ho bau mơ añ mơ khà jền kơt bau la dô rhiang pet gơltau să cau klau Philistin”

II Samuel 3:14 Mawu Ofanana

II Samuel 2:10

Tòm tŭ Isbôset kòn klau Sol dê gơs bơtau at bồ Israel gen khai neh poan jơt nam, mơ khai at bồ bàr nam. Bulah behơ̆ mìng gơs hìu cau Juda jat Dabit.

II Samuel 3:15

Isbôset sồr cau kup Mikal bơh di bau klau khai la Paltiel, kòn klau Lais dê.

II Samuel 6:16

Tòm tŭ Đài Yàng Jehôwa dê neh mut tus tòm Ƀòn Dờng Dabit, Mikal kòn ùr Sol dê, tơnggòr sền bơh di mpồng dềt, mơ gŏ Dabit sơnđoh tòmya di đap Yàng Jehôwa, gen tòm nùs khai sền òsơp di Dabit.

Mathiơ 1:18

Mơ tai, bơta lik lìng Yàng Jesu Krist dê neh gơlik gơs be do. Tòm tŭ Mari mè Yàng Jesu neh ho bau mơ Jôsep, mơya lài mơ tŭ bol khai òhềt ơm bal, gen khai neh bun bơh Yàng Hwềng Goh.

I Samuel 18:25

Gen Sol ho lah: “Bol mê đơs tĕ mơ Dabit be do: ‘Bơtau ò kòñ phan kơt bau lơi rlau mơ dô rhiang pet gơltau cau Philistin dê nàng khai sal tê di cau sò tơm bơtau dê.’” Hơ̆ la kai gơrmơ̆i Sol dê nàng Dabit gơkòl chơt tòm tê cau Philistin dê.

I Samuel 18:27

Dabit bal mơ ală cau khai dê lik lòt mơ tơnchơt bàr rhiang nă cau Philistin. Khai cèng brê ală pet gơltau neh siat di bol hơ̆ mơ ơn tơl khà cau bơtau in tồ khai rgơi lơh gơs bơrtơu cau bơtau dê. Behơ̆ Sol ai khai in bau mơ Mikal la kòn ùr he dê.

I Samuel 25:44

Mơya Sol neh ai kòn ùr khai dê la Mikal, bau ùr Dabit dê, bau mơ Palti, kòn klau Lais la cau Gallim.