II Samuel 24:17 - Sră Goh 2018

¹⁷ Tòm tŭ Dabit gŏ cau gơnrơh tơnroh làng bol, gen đơs mơ Yàng Jehôwa lah: “Mìng dô nă añ la cau neh tìs glài, mơ mìng dô nă añ la cau neh lơh bơta iơh bơsak; mơya jơh ală belàt do, ñchi bol khai neh lơh? Añ hòi dan tê Yàng dê, tòmdră mơ añ mơ hìu bèp añ jê.”

II Samuel 24:17 Mawu Ofanana

Sơnròp Gơlik Gơs 18:23

Abraham lòt tus rềp mơ lùp lah: “Kơnràñ rơp tơnroh cau song ring bal mơ cau iơh bơsak sơl ơ?

Sơnròp Gơlik Gơs 44:33

Behơ̆, tŭ do, dan ai cau dĭ kơnràñ ơm dĭ ala oh hơ̆ nàng khai rê wơl mơ ală bi khai dê.

II Samuel 12:13

Dabit đơs mơ Nathan lah: “Añ neh tìs glài mơ Yàng Jehôwa.” Nathan ho lah: “Yàng Jehôwa neh sang tồi glài bơtau dê; bơtau rơp ò chơt.

II Samuel 24:10

Tơnơ̆ mơ tŭ neh sir cih khà làng bol, Dabit gơkòl nùs nhơm lah pơrhơng, gen khai đơs mơ Yàng Jehôwa lah: “Añ neh tìs glài kơnjơ̆ tòm bơta añ neh lơh. Khoai Yàng Jehôwa, tŭ do añ rac dan Kơnràñ tă tơlik bơta tồi glài cau duh broă Kơnràñ dê. Añ neh lơh dô bơta bơrngơl gơla ngan.”

II Samuel 7:8

Behơ̆ tŭ do, đơs tĕ mơ Dabit, cau duh broă Añ jê lah: ‘Yàng Jehôwa Gơnap Gơnoar Dờng Làm Jơh đơs be do: Añ neh tă mê bơh di ƀlàng ñhơt, bơh tiah mê ê mpồl belàt, nàng mê lơh gơs cau bơtau at bồ làng bol Israel Añ jê.

I Ală Bơtau 22:17

Gen Mice ho lah: “Añ gŏ jơh Israel kong nrah nring hơđang ală mơnơm, be belàt ò gơs cau ê; mơ Yàng Jehôwa đơs lah: ‘Ală cau hơ̆ ò gơs cau tòm; kòp nă rê wơl tĕ hìu he lơngap lơngai.’”

Sră Jop 42:6

Gen tàng, añ ai lơh cù kìr bơh să tòm añ, Mơ gơjrañ sang glài tòm kơmbuh ù mơ bùh.”

Sră Jop 7:20

Dilah añ neh tìs glài, ñchi bơta añ lơh di Yàng taih? Yàng la Cau Ê Gàr jơi kòn mơnus! Ñchi bơh tài Yàng lơh añ gơlik dô nơm tơnggu pañ taih? Ñchi bơh tài añ neh gơlik gơs dô nơm ơnòng kơnjơ̆ Yàng in taih?

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Đơs Crih 44:11

Yàng neh lơh bol hi in be belàt cau cèng lơh poac, Mơ neh lơh bol hi in nrah nring tòm ală lơgar.

Đơs Crih 74:1

Ơ Yàng Tom Trồ, ñchi bơh tài Kơnràñ sang lòi bol hi sùm sùm taih? Ñchi bơh tài bơta gơjrañ Kơnràñ dê gơguh be ñhŭ tòmsò di mpồl belàt tòm ƀlàng ñhơt Kơnràñ dê taih?

Đơs Crih 78:71

Kơnràñ cèng tơlik khai bơh di ală mpồl gam pô Nàng lơh gơs cau ê gàr Jakôp la làng bol Kơnràñ, Hơ̆ la Israel la sre brê Kơnràñ dê.

Lik Ejiptơ 10:16

Gen Pharaôn hòi Môise mơ Arôn tus mơ đơs lah: “Añ neh tìs glài mơ Jehôwa Yàng Tom Trồ bol mê dê, bal mơ bol mê tai sơl.

Esai 6:5

Tŭ hơ̆ añ đơs: “Bòl glar añ in! Dut rài añ rau! Bơh añ la cau gơs sơndồi ƀơ̆ ƀơl, mơ añ kis digùl dô nơm làng bol gơs sơndồi ƀơ̆ ƀơl, mơ bơh mat añ neh gŏ Bơtau la Yàng Jehôwa Gơnap Gơnoar Dờng.”

Jôna 1:12

Khai ho wơl lah: “Kup tĕ añ mơ sơrbì tòm dàlềng gen gơ rơp ơm ring ngềt. Añ git la tài bơh añ gen tàng càl rbut dờng do neh tus hơđang ală bi.”

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Khà Làng Bol 16:22

Mơya Môise mơ Arôn tơmbic să blup mat di ù mơ rac dan lah: “Ơ Yàng Tom Trồ la Yàng Tom Trồ ală hwềng jơh kòn mơnus dê, Kơnràñ rơp gơhào gơjrañ mơ jơh mpồl jơnum tòm tŭ gơs mìng dô nă tìs glài sơl ơ?”