II Samuel 24:10 - Sră Goh 2018

¹⁰ Tơnơ̆ mơ tŭ neh sir cih khà làng bol, Dabit gơkòl nùs nhơm lah pơrhơng, gen khai đơs mơ Yàng Jehôwa lah: “Añ neh tìs glài kơnjơ̆ tòm bơta añ neh lơh. Khoai Yàng Jehôwa, tŭ do añ rac dan Kơnràñ tă tơlik bơta tồi glài cau duh broă Kơnràñ dê. Añ neh lơh dô bơta bơrngơl gơla ngan.”

II Samuel 24:10 Mawu Ofanana

II Samuel 12:13

Dabit đơs mơ Nathan lah: “Añ neh tìs glài mơ Yàng Jehôwa.” Nathan ho lah: “Yàng Jehôwa neh sang tồi glài bơtau dê; bơtau rơp ò chơt.

II Samuel 24:17

Tòm tŭ Dabit gŏ cau gơnrơh tơnroh làng bol, gen đơs mơ Yàng Jehôwa lah: “Mìng dô nă añ la cau neh tìs glài, mơ mìng dô nă añ la cau neh lơh bơta iơh bơsak; mơya jơh ală belàt do, ñchi bol khai neh lơh? Añ hòi dan tê Yàng dê, tòmdră mơ añ mơ hìu bèp añ jê.”

I Ală Bơtau 8:35

Dilah ală tap trồ gơkòl til kơ̆, ò gơs mìu, tài bơh bol khai neh tìs glài mơ Yàng, dilah bol khai wèt hơ tiah do mơ hòi dan, đal git sơnđan Yàng, pơrlac sang tồi glài he, tài bơh Yàng neh lơh glài bol khai,

I Yal Yau 21:7

Mơya Yàng Tom Trồ ò niam nùs bơh gơnoar sồr hơ̆, mơ Yàng lơh glài Israel.

I Yal Yau 21:8

Dabit đơs mơ Yàng Tom Trồ lah: “Añ neh tìs glài dờng ngan tòm bơta do. Mơya tŭ do añ hòi dan mơ Yàng, dan tă sang bơta tồi glài do bơh di cau duh broă Kơnràñ dê. Bơh añ neh lơh tùl gơla ngan.”

II Yal Yau 16:9

Bơh Yàng Jehôwa sền sơwì làm plai ù nàng bơtơl pràn ală cau in jơh nùs dòn song mơ Kơnràñ. Bơtau neh lơh dô bơta bơrngơl gơla be do, bơh tŭ do rơp gơs bơta kơlìn sùm hơđang bơtau.”

II Yal Yau 32:26

Gen Ejekia tơnliah să bơh bơta pơnhừ să tòm nùs khai dê, làng bol Jerusalem kung lơh behơ̆, gen tàng bơta gơjrañ dờng Yàng Jehôwa dê neh ò tus hơđang bol khai tòm rài Ejekia dê.

Sră Jop 7:21

Ñchi bơh tài Yàng ò toh ală bơta tìs añ jê, Mơ ò tă ngài ală bơta tồi glài añ jê taih? Bơh tŭ do añ rơp bic tòm ù; Yàng rơp jòi añ, mơya añ rơp ò gam gơs tai.”

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Lik Ejiptơ 10:16

Gen Pharaôn hòi Môise mơ Arôn tus mơ đơs lah: “Añ neh tìs glài mơ Jehôwa Yàng Tom Trồ bol mê dê, bal mơ bol mê tai sơl.

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Jôel 2:12

Yàng Jehôwa đơs: “Tŭ do, jơh nùs tĕ rê wơl hơ Añ, ơt sa, ñìm rac mơ moat jrùng.

Khà Làng Bol 12:11

Arôn đơs mơ Môise lah: “Ơ cau tòm añ jê, dan bañ tòmdră mơ bol hi bơh tồi glài mơ bol hi neh tìs dô bă tùl gơla behơ̆.

Jơnau Niam Jat Mak 7:22

Hàm hà, rhung rhang, lac lèo, bung jang, gar mat iơh, tràl sơrbil, pơnhừ să, sơnrang sơnrồng.

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Jang 8:9

Dơ̆ bol khai kơno jơnau hơ̆, gen lik lòt dô nă dô nă, lài la cau kra tus cau kơnòm. Yàng Jesu ơm is dô nă mơ cau ùr gam ntào di đap Kơnràñ.

Yal Wơl 32:6

Ơ làng bol bơrngơl gơla mơ ò kwơ, bol mê tơm wơl Yàng Jehôwa in behơ̆ ơ?” Kơnràñ ò di la Bèp bol mê dê la Bơtau Crơng gơs, Bơtau mòn gơs mơ bơtào gơs bol mê ò ơ?

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

I Jang 1:9

Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.

I Samuel 13:13

Samuel đơs mơ Sol lah: “Mê neh lơh dô bă bơrngơl gơla. Mê ò lơh jat jơnau Jehôwa Yàng Tom Trồ neh sồr mê, dilah mê neh lơh jat gen Kơnràñ neh bơt bơtào kơ̆ gơnoar at bồ mê dê hơđang Israel jơl sùm sùm.

I Samuel 24:5

Tơnơ̆ mơ hơ̆ tòm nùs nhơm Dabit dê gơkòl lah pơrhơng, tài bơh khai neh koh mum tiang ào jrùh Sol dê.

I Samuel 24:6

Khai đơs mơ ală cau jat khai lah: “Dan Yàng Jehôwa bơkơ̆u añ lơh bơta do di cau tòm añ jê, la cau Yàng Jehôwa bong mơñà, hala pò tê tòmdră mơ khai, bơh khai la cau neh geh Yàng Jehôwa bong mơñà.”

I Samuel 26:21

Gen Sol đơs lah: “Añ neh lơh tìs. Ơ Dabit kòn añ, rê wơl tĕ. Añ rơp ò lơh iơh di mê tai, tài bơh bơta kis añ jê geh sền dờng màng di đap mê tòm ngai do; añ neh lơh dô bơta bơrngơl gơla, mơ añ neh lơh dô bơta tìs dờng ngan.”