II Samuel 23:5 - Sră Goh 2018

⁵ Hìu añ ò di behơ̆ di đap Yàng Tom Trồ ò ơ? Bơh Kơnràñ neh bơt bơtào dô bơta ho bal gam sùm sùm mơ añ, Jơh ală bơta neh geh rơndap mơ sền gàr. Kơnràñ rơp ò lơh gơlik cồng nha bơta dong kòl añ jê, mơ jơh ală bơta kơp kòñ añ jê ò ơ?

II Samuel 23:5 Mawu Ofanana

Sơnròp Gơlik Gơs 9:16

Mơ bơrlangkang rơp ơm tòm mhwal, Añ sền gŏ gơ tồ kah wơl bơta ho bal gam sùm sùm digùl Yàng Tom Trồ mơ jơh ală jơi poac să gơs bơta kis tòm ù.”

II Samuel 12:10

Gen tàng tŭ do, đào rơp ò tŭ lơi lik ngài bơh di hìu mê, tài bơh mê neh sền òsơp di Añ, neh kup bau ùr Uria cau Hetit lơh gơs bau ùr mê dê.’

II Samuel 13:14

Mơya Amnôn ò bài iat khai; mơ tài bơh Amnôn pràn rlau mơ khai, gen bic bơklơn khai.

II Samuel 13:28

Gen Apsalôm ai jơnau sồr ală cau duh broă khai dê lah: “Iat tĕ do! Tòm tŭ nùs Amnôn dê hòn chò bơh ñô tơrnòm, mơ tŭ añ sồr bol mê: ‘Tơnchơt tĕ Amnôn,’ gen tơnchơt tĕ khai. Bañ rngòt! Ò di să tòm añ neh ai bol mê in jơnau sồr do ò ơ? Lơh tĕ pràn kơldang mơ khin cha.”

II Samuel 18:14

Jôap ho lah: “Añ rơp ò lơh roh tŭ mơ mê be do.” Behơ̆ khai at pe nơm tà tòm tê khai mơ tơng gơ di plai nùs Apsalôm tòm tŭ Apsalôm gam kis hơđang tòm cha.

II Samuel 7:12

Tòm tŭ ală ngai mê dê neh wil tơl, mơ mê rơp bic mơ ală ồng pàng mê dê, Añ rơp tơngguh kòn mê nàng pơrdòn sơbàn mê, la kòn rơp lik bơh să jan mê, mơ Añ rơp bơt bơtào lơgar bơtau khai dê.

II Samuel 7:18

Gen bơtau Dabit lòt tus mơ nggui di đap Yàng Jehôwa mơ đơs lah: “Khoai Jehôwa Yàng Tom Trồ, añ la ñcau mơ hìu nhă añ la ñchi mơ Kơnràñ neh tề lam añ tus di ngai do taih?

I Ală Bơtau 1:5

Mơ tai, Adônija kòn klau Hagit yò tơngguh is să khai mơ đơs lah: “Añ rơp lơh gơs bơtau”; khai neh rcang sir ală rơndeh lòs tòmlơh mơ mpồl ling hào ơseh, bal mơ pram jơt nă cau klau ntoat di đap khai.

I Ală Bơtau 11:38

Dilah mê iat jơh ală gơnoar Añ sồr mê, lòt tòm ală gùng dà Añ, lơh bơta niam di đap Añ, bơh mê prap gàr bơta boh lam mơ bơta sồr lam Añ jê, be Dabit dĭ gơna Añ neh lơh, gen Añ rơp ơm mơ mê, mơ añ rơp bơt bơtào mê in dô nơm hìu kơ̆ cê, be Añ neh bơtào Dabit in, mơ Añ rơp ai Israel mê in.

I Ală Bơtau 12:14

mơ đơs mơ bol khai jat jơnau cri bơyai ală cau kơnòm să dê, mơ ho wơl lah: “Bèp añ neh lơh yô bol mê dê kơnjơ̆; añ rơp lơh yô bol mê dê kơnjơ̆ rlau tai. Bèp añ neh lơh glài bol mê mơ mơng che gơltau, añ rơp lơh glài bol mê mơ diang.”

Đơs Crih 111:9

Yàng neh sồr bơta dong tơwài làng bol Kơnràñ dê, Neh sồr bơtào bơta ho bal Kơnràñ dê jơl tus sùm sùm. Sơnđan Kơnràñ la sàng goh mơ pal rngòt ngan!

Đơs Crih 119:81

Hwềng soàn añ kơp kòñ ngan bơta dong klàs Yàng dê; Añ gơn kơnòm di jơnau Kơnràñ dê.

Đơs Crih 27:4

Añ neh dan mơ Yàng Jehôwa dô bơta, mơ rơp jòi jat bơta hơ̆; Hơ̆ la añ kòñ jơl jơh rài kis añ jê geh ơm tòm hìu Yàng Jehôwa, Nàng sền gŏ bơta hàng mơnĕ Yàng Jehôwa dê, Mơ jòi lùp tòm hìu duh khoai Kơnràñ dê.

Đơs Crih 62:2

Mìng dô nă Yàng la lŭ klềr añ jê, mơ bơta dong klàs añ, la theng kơ̆ cê añ jê; añ rơp ò wañ lơnggơh.

Đơs Crih 89:3

Kơnràñ neh đơs lah: “Añ neh bơtào bơta ho bal mơ cau geh sac rwah Añ jê, Añ neh srat să tòmho mơ Dabit la cau duh broă Añ jê mơ lah:

Esai 11:1

Dô nơm sơmbut rơp cat lik bơh tơnggu Jese; dô nơm Ntê hòn bơh ryas gơ.

Esai 27:6

Tòm ală ngai rơp tus, Jakôp rơp hòn ryas, Israel rơp cat sơmbut mơ lì bơkào, mơ rơp gơlik plai bềng lìu hơđang jơh plai ù.

Esai 4:2

Tòm ngai hơ̆, ntê Yàng Jehôwa dê rơp hàng mơnĕ mơ gơklŏ, plai đo ù tiah dê rơp lơh gơs bơta jòng să mơ bơta gơklŏ ală cau in gam kis tòm Israel dê.

Esai 54:10

Bulah ală mơnơm gơ dô mơ ală dòr kòl ntròn bơh di tiah gơ dê, mơya bơta kòñ gơboh kơ̆ dơn Añ jê rơp ò cah ngài bơh ai, mơ bơta ho bal lơngap lơngai Añ jê rơp ò tŭ lơi tòmgơl,” Yàng Jehôwa đơs behơ̆ la Bơtau neh kòñ nđàc ai.

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Esai 61:8

Bơh Añ, Yàng Jehôwa, Añ kòñ gơboh bơta song ring, Añ gơjrañ di bơta ntung kơñau mơ lơh bơta tìs glài. Bơh bơta dòn song Añ jê, Añ rơp ai phan ƀàn bol khai in mơ bơt bơtào dô bơta ho bal gam sùm sùm mơ bol khai.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

Jeremi 33:21

gen sồng rgơi tơnroh bơta ho bal Añ jê mơ Dabit, dĭ gơna Añ, mơ khai rơp ò gơs kòn sau at bồ hơđang sơbàn khai tai, mơ tơnroh bơta ho bal Añ jê bal mơ ală cau gơnoar ơn phan duh khoai, hơ̆ la cau Lebi, cau duh broă Añ.

Ejekiel 37:26

Añ rơp bơt bơtào dô bơta ho bal ring lơngai mơ bol khai; hơ̆ rơp la dô bơta ho bal gam sùm sùm. Añ rơp ai lơngai bol khai in mơ lơh khà làng bol bol khai dê gơbơtơl oă ngan. Añ rơp ơn hìu duh khoai Añ jê digùl bol khai gam sùm sùm.

Amôs 9:11

“Tòm ngai hơ̆, Añ rơp bơtào wơl sàl Dabit neh gơtơrlơm, Añ rơp rcang wơl ală tiah neh tơrlah gơ dê, bơt wơl bơta tơnroh lề lac gơ dê, mơ bơtào wơl kung be gơ neh gơs lài òr;

Broă 13:34

Yàng Tom Trồ neh lơh Yàng Jesu in kis wơl bơh bơta chơt, ò tŭ lơi ồm lề, be jơnau Kơnràñ neh đơs: ‘Añ rơp ai bol mê in ală bơta lơngai lơngò sàng goh, nền cê mơ Añ neh ho pơgon mơ Dabit.’

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

Hebrơ 6:19

Bol he gơs bơta gơn kơnòm hơ̆ be dô nơm lòs kơlnĕ đơng hwềng nùs dê, nền cê mơ kơ̆ ngan, mut tus tiah sàng goh đah dơlam kơrnìng;

I Samuel 2:35

Añ rơp bơtào tơngguh Añ in dô nă cau gơnoar ơn phan duh khoai dòn song, khai rơp lơh ală bơta jat nùs mơ bơta kơlôi Añ jê. Añ rơp bơtào kơ̆ hìu khai dê, mơ khai rơp duh broă di đap cau geh bong mơñà Añ jê sùm sùm.

I Samuel 25:28

Dan toh glài cau duh broă kơnràñ in, bơh ngan la Yàng Jehôwa rơp bơtào kơ̆ jơi bơtiàn cau tòm añ jê tài bơh kơnràñ tòmlơh ală bơta tòmlơh Yàng Jehôwa dê; mơ bơta iơh rơp ò jòi bàn tòm jơh rài kis ồng dê.