II Samuel 23:3 - Sră Goh 2018

³ Yàng Tom Trồ Israel dê neh đơs, Pơnai Lŭ dờng Israel dê neh đơs mơ añ lah: ‘Tòm tŭ cau lơi at bồ làng bol dô bă song ring, hơ̆ la khai at bồ tòm bơta duh rngòt di Yàng Tom Trồ,

II Samuel 23:3 Mawu Ofanana

Sơnròp Gơlik Gơs 33:20

Tềng hơ̆, khai lơh dô nơm cơnòng duh khoai mơ sơnđan la El Elôhe Israel.

II Samuel 22:32

Bơh ñcau la Yàng Tom Trồ rlau mơ Yàng Jehôwa taih? Mơ ñcau la Pơnai lŭ rlau mơ Yàng Tom Trồ bol he dê taih?

II Samuel 8:15

Dabit at bồ làm jơh Israel, lơh jat jơnau song mơ ring bal gơwèt mơ jơh làng bol khai dê.

I Ală Bơtau 10:9

Pal jòng ro Jehôwa Yàng Tom Trồ bơtau dê, bơh Kơnràñ niam nùs bơtào bơtau hơđang sơbàn Israel dê! Tài bơh Yàng Jehôwa kòñ gơboh Israel sùm sùm, gen Kơnràñ neh bơtào bơtau lơh gơs bơtau at bồ jat bơta song ngan mơ song ring.”

Nehemi 5:14

Mơ tai, bơh ngai añ neh geh pồ bơtào gơs kwang đơng lơgar Juda, bơh nam bàr jơt tus di nam pe jơt bàr rài bơtau Artaserses dê, jơh ală la jơt bàr nam. Bulah añ hala oh mi añ ò sa phan sa cau kwang at bồ lơgar ai gơnoar.

Sră Jop 34:17

Cau gơjrañ di bơta song ring di pal at bồ sơl? Ồng rơp lơh nền glài Bơtau song ring mơ gơnoar pràn ơ?

Đơs Crih 110:2

Yàng Jehôwa sồr lik bơh di Siôn gai gơnoar at bồ mê dê. At bồ tĕ digùl ală cau sò tơm mê dê!

Đơs Crih 42:9

Añ đơs mơ Yàng Tom Trồ pơnai lŭ klềr añ jê lah: “Ñchi bơh tài Kơnràñ neh lòi hŭi añ taih? Ñchi bơh tài añ ñìm rac tài bơh ală cau sò tơm rồn bơklơn añ taih?”

Đơs Crih 72:1

Ơ Yàng Tom Trồ, dan ai bơtau in bơta song ngan Kơnràñ dê, Mơ ai kòn klau bơtau in bơta song ring Yàng dê.

Đơs Crih 72:2

Dan ai khai in cahrña làng bol Kơnràñ dê dô bă song ring, Cahrña cau rƀah lơòi Kơnràñ dê dô bă song ngan.

Lik Ejiptơ 18:21

Mơya sac rwah tĕ tòm mpồl làng bol ală cau klau chài rgơi, duh rngòt di Yàng Tom Trồ, rgơi dòn kơnòm, gơjrañ di cồng nha ƀơ̆ ƀơl, pồ bơtào bol khai gơs cau at bồ, cau ƀà hơđang dô rbô nă, cau ƀà hơđang dô rhiang nă, cau ƀà hơđang pram jơt nă, mơ cau ƀà hơđang jơt nă.

Lik Ejiptơ 20:2

“Añ la Jehôwa Yàng Tom Trồ bol mê dê, Bơtau neh cèng bol mê bơh di Ejiptơ, klàs bơh di tiah ơm dĭ.

Lik Ejiptơ 3:15

Yàng Tom Trồ kung đơs tai mơ Môise lah: “Mê đơs tĕ mơ làng bol Israel: ‘Yàng Jehôwa la Yàng Tom Trồ ồng pàng bol mê dê, Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê, neh sồr añ lòt tus hơ bol mê.’ Hơ̆ la sơnđan gam sùm sùm Añ jê, la sơnđan pal kah bơh Añ bơh rài do tus rài ne.”

Jơnau Pơnđik 31:9

Pò tĕ bơr kòn cahrña dô bă song ring, mơ cahrña cau moat jrùng mơ cau rƀah lơòi in.

Esai 32:1

Sền ne, dô nă cau bơtau rơp at bồ tòm bơta song ring, ală cau kwang rơp at bồ mơ bơta song ring.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Hebrơ 1:8

Mơya tòm tŭ đơs bơh Kòn gen Kơnràñ đơs lah: “Ơ Yàng Tom Trồ, sơbàn Yàng dê gam sùm sùm ò lồi. Gai gơnoar at bồ lơgar Yàng dê la gai gơnoar at bồ song ring.