II Samuel 22:4 - Sră Goh 2018

⁴ Añ hòi dan di Yàng Jehôwa la Bơtau di pal geh jòng ro, mơ añ neh geh dong klàs bơh di ală cau sò tơm di añ.

II Samuel 22:4 Mawu Ofanana

II Yal Yau 20:22

Tòm tŭ bol khai sơntòm đơs chò mơ jòng ro, gen Yàng Jehôwa ơn ală cau kơp òm tòmdră mơ mpồl ling cau Ammôn, cau Môap mơ cau bơh mơnơm Seir, la ală cau neh tus tòmdră mơ Juda, behơ̆ mpồl gal gơlik sơlồng sơlàng.

Nehemi 9:5

Gen ală cau Lebi la Jesua, Katmiel, Bani, Hasapneiah, Serebiah, Hôdiah, Sebaniah, mơ Pethahiah đơs lah: “Ntào tĕ, jòng ro Jehôwa Yàng Tom Trồ bol mê dê, la bơtau gam sùm kòp rài. Pal jòng ro sơnđan gơklŏ Kơnràñ dê, sơnđan hơ̆ geh yò tơngguh jơnhoa rlau mơ jơh ală bơta lơngai, mơ jòng ro.”

Đơs Crih 106:2

Ñcau rgơi yal ală broă gơnap gơnoar Yàng Jehôwa dê, Hala bơto yal bơta jòng ro Kơnràñ dê dô bă wil tơl taih?

Đơs Crih 116:13

Añ rơp yò mơngàn bơta dong klàs, Mơ hòi dan di sơnđan Yàng Jehôwa.

Đơs Crih 116:17

Añ rơp ơn Yàng in phan ơn duh khoai nàng ưnngài Kơnràñ, Mơ hòi dan di sơnđan Yàng Jehôwa.

Đơs Crih 116:2

Tài bơh Kơnràñ neh wèt tồr iat añ, Gen tàng añ rơp hòi dan mơ Kơnràñ jơl jơh rài kis añ jê.

Đơs Crih 116:4

Gen añ hòi dan di sơnđan Yàng Jehôwa lah: “Ơ Yàng Jehôwa, añ hòi dan, dan dong klàs bơta kis añ jê.”

Đơs Crih 18:3

Añ hòi dan mơ Yàng Jehôwa la Bơtau pal jòng ro, Mơ añ geh dong klàs bơh di ală cau sò tơm di añ.

Đơs Crih 34:6

Cau dồn sa rƀah do hòi dan, gen Yàng Jehôwa dòp jơnau khai dê, Mơ dong khai klàs di jơh ală bơta bòl glar khai dê.

Đơs Crih 48:1

Yàng Jehôwa la dờng, pal jòng ro ngan Tòm ƀòn dờng Yàng Tom Trồ bol hi dê. Mơ hơđang mơnơm sàng goh Kơnràñ dê.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Đơs Crih 55:16

Mơya añ hòi dan mơ Yàng Tom Trồ, Gen Yàng Jehôwa rơp dong klàs añ.

Đơs Crih 56:9

Ngai lơi añ hòi dan, ală cau sò tơm di añ rơp kong tơnruc wơl. Dô bơta añ git, hơ̆ la Yàng Tom Trồ ơm dô đah bal mơ añ.

Đơs Crih 66:2

Đơs chò tĕ bơh bơta gơklŏ sơnđan Yàng dê, jòng ro tĕ mơ lơh àng sơnđan Yàng.

Đơs Crih 96:4

Bơh Yàng Jehôwa la dờng ngan, mơ ngan pal geh jòng ro; Kơnràñ la pal duh rngòt rlau jơh mơ ală yàng ndai.

Rôma 10:13

Bơh “cau lơi hòi dan di sơnđan Yàng gen rơp geh dong klàs.”

Yal Tơlik 4:11

“Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”

Yal Tơlik 5:12

Bol khai đơs bal dô jơnau dờng lah: “Belàt Kòn neh kong sreh chơt la Bơtau di pal dòp geh gơnap gơnoar, bơta pas sơm, bơta jak chài, gơnoar pràn, bơta ryŭ ryơm, bơta gơklŏ mơ bơta jòng ro”