II Samuel 22:31 - Sră Goh 2018

³¹ Gơwèt mơ Yàng Tom Trồ ală gùng dà Yàng Tom Trồ la wil tơl, jơnau ho Yàng Jehôwa dê la song ngan. Kơnràñ la dô nơm khèl jơh ală cau in kìng crŭ tòm Kơnràñ.

II Samuel 22:31 Mawu Ofanana

II Samuel 22:3

Yàng Tom Trồ añ jê, pơnai lŭ añ jê, tòm Kơnràñ añ kìng crŭ să añ, Kơnràñ la khèl đo añ jê mơ la ngke bơta dong klàs añ jê. Kơnràñ la theng kơ̆ nền añ jê, la tiah añ kìng crŭ, la bơtau dong klàs añ; Kơnràñ dong añ klàs bơh di ală cau jàñ bơsak.

Nehemi 9:8

Kơnràñ neh gŏ khai gơs nùs dòn song di đap Kơnràñ, mơ neh bơtào dô bơta ho bal mơ khai nàng ai jơi bơtiàn khai in ală lơgar làng bol Kanaan, làng bol Hetit, làng bol Amôr dê, làng bol Peres, làng bol Jebusit, mơ làng bol Girgas dê. Kơnràñ neh lơh gơlik di ngan ală jơnau Kơnràñ neh ho, tài bơh Kơnràñ la song ring.

Sră Jop 34:10

Gen tàng, iat tĕ añ ơ ală cau gơs bơta git wă, Yàng Tom Trồ ò gơs tŭ lơi lơh bơta iơh, Bơtau Gơnap Gơnoar Làm Jơh ò gơs tŭ lơi lơh tìs,

Đơs Crih 119:140

Jơnau ho pơgon Yàng dê niam ngan, mơ cau duh broă Yàng dê kòñ gơboh di jơnau hơ̆.

Đơs Crih 12:6

Ală jơnau ho pơgon Yàng Jehôwa dê la jơnau sàng goh, Kung be priă neh gơm tòm bơnhă ù, Mơ drèp tiar poh dơ̆.

Đơs Crih 145:17

Yàng Jehôwa la song ring tòm jơh ală gùng dà Kơnràñ dê, Mơ gơs bơta kơ̆ dơn tòm jơh ală broă lơh Kơnràñ dê.

Đơs Crih 18:30

Ai Yàng Tom Trồ, gùng dà Kơnràñ dê la wil tơl; Jơnau ho pơgon Yàng Jehôwa dê neh geh lòng la song ngan; Kơnràñ la khèl đo jơh ală cau lơi in kìng crŭ să he tòm Kơnràñ.

Đơs Crih 2:7

Añ rơp yal tơlik bơta lơh nền Yàng Jehôwa đơs mơ Añ lah: “Mê la Kòn Añ jê, ngai do Añ neh tơnggơs mê.

Đơs Crih 35:2

Dan at khèl dờng mơ dềt, Mơ ñă ntào nàng dong kòl añ.

Đơs Crih 84:9

Ơ Yàng Tom Trồ, dan wèt sền khèl bol hi dê; Dan sền di mat cau kong bong mơñà Yàng dê.

Đơs Crih 91:4

Yàng rơp jơm gòm mê kung be iar me jơm gòm kòn tòm tiah đar gơ dê, Mơ tòm tiah đar Kơnràñ dê mê rơp kìng crŭ să he; Bơta dòn song Kơnràñ dê kung be khèl mơ phan đo mê dê.

Jơnau Pơnđik 30:5

Ală jơnau Yàng Tom Trồ dê neh lơh cơng song ngan; Kơnràñ la khèl đo cau lơi dòn kơnòm di Kơnràñ.

Cau Bơto 3:14

Añ git lah kòp nơm broă Yàng Tom Trồ neh lơh gơs gen gam gơs sùm sùm; ò gơs bơta lơi rgơi ƀơ̆ ƀơl gơ in, hala kung ò gơs bơta lơi rgơi pơndut bơh gơ; Yàng Tom Trồ lơh bơta hơ̆, nàng lơh jơh kòn mơnus ntào duh rngòt di đap Kơnràñ.

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!