II Samuel 22:3 - Sră Goh 2018

³ Yàng Tom Trồ añ jê, pơnai lŭ añ jê, tòm Kơnràñ añ kìng crŭ să añ, Kơnràñ la khèl đo añ jê mơ la ngke bơta dong klàs añ jê. Kơnràñ la theng kơ̆ nền añ jê, la tiah añ kìng crŭ, la bơtau dong klàs añ; Kơnràñ dong añ klàs bơh di ală cau jàñ bơsak.

II Samuel 22:3 Mawu Ofanana

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

II Samuel 22:31

Gơwèt mơ Yàng Tom Trồ ală gùng dà Yàng Tom Trồ la wil tơl, jơnau ho Yàng Jehôwa dê la song ngan. Kơnràñ la dô nơm khèl jơh ală cau in kìng crŭ tòm Kơnràñ.

II Samuel 22:47

Yàng Jehôwa kis gam sùm sùm! Pal jòng ro Pơnai lŭ dờng añ jê! Yò tơngguh tĕ Yàng Tom Trồ añ jê la Pơnai lŭ dờng mơ la Bơtau dong klàs añ jê!

II Samuel 22:49

Kơnràñ dong tă añ klàs bơh di ală cau sò tơm di añ. Yàng neh yò tơngguh añ hơđang ală cau sòdră di añ, neh dong tă añ klàs bơh di ală cau rhung rhang.

II Samuel 22:51

Kơnràñ la theng bơta dong klàs bơtau Kơnràñ dê, Kơnràñ yal tơlik bơta kòñ gơboh kơ̆ dơn cau geh bong mơñà Kơnràñ in, hơ̆ la ai Dabit mơ jơi bơtiàn khai in jơl tus sùm sùm.”

II Samuel 23:3

Yàng Tom Trồ Israel dê neh đơs, Pơnai Lŭ dờng Israel dê neh đơs mơ añ lah: ‘Tòm tŭ cau lơi at bồ làng bol dô bă song ring, hơ̆ la khai at bồ tòm bơta duh rngòt di Yàng Tom Trồ,

Đơs Crih 14:6

Ală bol mê kòñ lơh roh jơnau bơyai cau rƀah dê, Mơya Yàng Jehôwa la tiah kìng crŭ bol khai dê.

Đơs Crih 140:1

Ơ Yàng Jehôwa, dan dong tă añ klàs di ală cau iơh bơsak; Dan sền gàr añ klàs di ală cau kòñ lơh iơh.

Đơs Crih 140:11

Dan bañ lòi cau đơs jơnau blac chừt bơtào tơngguh tòm lơgar; Lòi bơta iơh mhar ting mòc bàn cau kòñ lơh iơh.

Đơs Crih 140:4

Ơ Yàng Jehôwa, dan sền gàr añ klàs bơh di tê cau iơh bơsak; Sền gàr añ klàs di cau kòñ lơh iơh, La cau neh kơlôi rcang nàng lơh jơng añ in gơtup pừ.

Đơs Crih 142:4

Dan sền hơ đah ma añ mơ sền sơwì, Mơya ò gơs cau lơi kơlôi di añ; ò gơs tiah lơi nàng añ kìng crŭ, Ò gơs cau lơi kơlôi rcang añ in.

Đơs Crih 144:2

Kơnràñ la lŭ klềr mơ la tiah kơp gàr añ jê, La theng kơ̆ cê añ jê mơ la Bơtau dong tă añ, la khèl đo añ jê mơ la tiah añ kìng crŭ; Kơnràñ kup ală làng bol dòn duh hơđơm añ.

Đơs Crih 18:2

Yàng Jehôwa la pơnai lŭ añ jê, tiah kìng crŭ añ jê, Bơtau dong tă añ, Yàng Tom Trồ añ, tòm Kơnràñ añ rơp kìng crŭ să añ, la bơta pràn kơldang añ. Kơnràñ kung la khèl añ jê, la gơnoar pràn bơta dong klàs añ jê, mơ la tiah kìng crŭ kơ̆ cê añ jê.

Đơs Crih 27:5

Bơh tòm ngai gơlòng bòl glar Kơnràñ rơp jơm gòm añ tòm tiah kìng crŭ Kơnràñ dê, Pồn añ tòm tiah ndơp ndơr tòm sàl Kơnràñ dê, Mơ Kơnràñ rơp ơn añ jơnhoa hơđang dô nơm pơnai lŭ.

Đơs Crih 28:7

Yàng Jehôwa la bơta pràn kơldang mơ la khèl añ jê; Nùs añ neh dòn kơnòm di Kơnràñ mơ geh dong kòl; Tài behơ̆ nùs añ gơs hòn chò ngan, Mơ añ ai bơta đơs chò nàng ưnngài Kơnràñ.

Đơs Crih 3:3

Mơya, ơ Yàng Jehôwa, Kơnràñ la khèl cang kìng añ jê; Kơnràñ la bơta gơklŏ añ jê, mơ la Bơtau pò tơngguh bồ añ jê.

Đơs Crih 32:7

Yàng la tiah kìng crŭ añ jê, Yàng sền gàr añ klàs di bơta bòl glar; Yàng ai jơnau driau hòn chò gòm gơrwàng añ mơ dong tă añ. (Selah)

Đơs Crih 46:1

Yàng Tom Trồ la tiah kìng crŭ mơ bơta pràn kơldang bol he dê; Kơnràñ gơs mat nàng dong kòl tòm bơta bòl glar.

Đơs Crih 46:11

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Đơs Crih 46:2

Tài bơh hơ̆ bol he ò gơs rngòt, bulah ù gơs tòmgơl, Bulah mơnơm gơlơnggơr tòm kơnàng dàlềng, (Selah)

Đơs Crih 46:7

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Đơs Crih 5:12

Ơ Yàng Jehôwa, Kơnràñ ai lơngai cau song ring in; Kơnràñ ai bơta nđàc jơm gòm khai kung be khèl sơl.

Đơs Crih 55:9

Ơ Yàng, dan tơnroh bơta bơyai bol khai dê, mơ lơh sơlồng sơlàng jơnau đơs bol khai dê, Bơh añ gŏ bơta iơh rhung rhang mơ bơta tòmpìt tòmhà tòm ƀòn dờng.

Đơs Crih 59:16

Mơya añ rơp đơs chò bơh bơta pràn kơldang Kơnràñ dê; Tòm àng drim añ rơp đơs chò dờng bơh bơta kòñ gơboh kơ̆ dơn Kơnràñ dê. Bơh Kơnràñ la theng kơ̆ cê añ jê, La dô bă tiah kìng crŭ tòm ngai bòl glar añ jê.

Đơs Crih 61:3

Bơh Kơnràñ la tiah kìng crŭ añ jê, La theng kơ̆ cê nàng klàs bơh di cau sò tơm.

Đơs Crih 71:7

Añ gơlik gơs tềl oă cau in rcang lài, Mơya Kơnràñ la tiah kìng crŭ kơ̆ cê añ in.

Đơs Crih 72:14

Khai tơwài bơta kis bol khai dê klàs bơh bơta rồn bơklơn mơ bơta jàñ bơsak, Mơ sền mhàm bol khai dê la dờng màng.

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Đơs Crih 84:9

Ơ Yàng Tom Trồ, dan wèt sền khèl bol hi dê; Dan sền di mat cau kong bong mơñà Yàng dê.

Đơs Crih 86:14

Ơ Yàng Tom Trồ, ală cau pơnhừ să neh gơtơngguh sòdră di añ; Dô mpồl jàñ bơsak jòi bơta nàng tơnchơt añ, bol khai ò kơlôi sơnơng bơh Yàng.

Đơs Crih 9:10

Cau lơi git sơnđan Kơnràñ gen dòn kơnòm di Kơnràñ, Ơ Yàng Jehôwa, bơh Kơnràñ ò sang lòi cau lơi jòi jat Kơnràñ.

Đơs Crih 9:9

Yàng Jehôwa lơh gơs theng kìng crŭ kơ̆ cê ală cau gơkòl rồn bơklơn in, dô nơm theng kìng crŭ kơ̆ cê tòm ală tŭ bòl glar.

Lik Ejiptơ 15:2

Yàng Jehôwa la bơta pràn kơldang mơ la bơta đơs chò añ jê; Kơnràñ neh gơlik gơs bơta dong klàs añ jê. Kơnràñ la Yàng Tom Trồ añ jê, mơ añ rơp jòng ro Kơnràñ, Kơnràñ la Yàng Tom Trồ ồng pàng añ jê, añ rơp yò tơngguh Kơnràñ.

Jơnau Pơnđik 18:10

Sơnđan Yàng Jehôwa ngan la dô nơm theng kơ̆ cê; Cau song ring ntoat tus tềng hơ̆, geh lơngap lơngai.

Jơnau Pơnđik 30:5

Ală jơnau Yàng Tom Trồ dê neh lơh cơng song ngan; Kơnràñ la khèl đo cau lơi dòn kơnòm di Kơnràñ.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 32:2

Kòp nă bol khai rơp kung be dô bă tiah kìng crŭ bơh di càl mơ la jơm gòm bơh di càl rbut, kung be croh dà tòm dô bă tiah rañ rsơh, mơ kung be mƀur pơnai lŭ dờng tòm ù tiah ro rañ.

Esai 45:21

Yal tơnggit tĕ, ràng tơlik tĕ gơ, lòi bol khai tòmbơyai bal. Ñcau neh yal bơta do bơh lài òr taih? Ñcau neh yal tơnggit gơ bơh tŭ neh jŏ jòng taih? Ò di Añ, la Yàng Jehôwa ò ơ? Rlau mơ Añ ò gơs Yàng Tom Trồ lơi ndai tai! Ò gơs Yàng Tom Trồ song ring mơ Yàng Dong Klàs; rlau mơ mìng dô nă Añ.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 16:9

Bơh Yàng Jehôwa Gơnap Gơnoar, Yàng Tom Trồ Israel dê, đơs be do: ‘Do, di đap bol mê, tòm rài bol mê, Añ rơp tă tơlik bơh lơgar do ală sap chò hòp mơ hòn chò, ò gam kơno sap cau bơrtơu mơ cau ƀan dê.’

Luka 1:47

Hwềng nùs añ hòn chò tòm Yàng Tom Trồ la Yàng Dong klàs añ jê.

Luka 1:69

Bơtào tơngguh dô nơm ngke dong klàs bol he in tòm hìu Dabit la cau dĭ gơna Kơnràñ dê,

Luka 1:71

Dong tă bol he lik klàs bơh di ală cau sò tơm mơ bơh dê tê ală cau gơjrañ kơuềng dê bol he;

Yal Wơl 32:37

Kơnràñ rơp đơs lah: “Tŭ do ntềng đah ală yàng bol khai dê, mơ ntềng đah pơnai lŭ mơ bol khai kìng crŭ,

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Yal Wơl 33:29

Ơ Israel, lơngai lơngò mê in! Ñcau ndròm be mê la dô nơm làng bol geh Yàng Jehôwa dong klàs, Kơnràñ la khèl đo mơ la bơta dong kòl mê dê, mơ la đào bơta pha lin mê dê. Ală cau sò tơm mê dê rơp cùn khoai di đap mê, mơ mê rơp jă hơđang ngkòi bol khai dê.”

Sră Pơyoa Pol Dê Pơyoa Tit In 3:4

Mơya tus di tŭ nùs kơ̆ dơn Yàng Tom Trồ dê la Yàng Dong Klàs bol he dê mơ bơta kòñ gơboh Kơnràñ dê gơwèt mơ kòn mơnus neh geh ràng tơlik rau, gen Kơnràñ dong klàs bol he,

Sră Pơyoa Pol Dê Pơyoa Tit In 3:6

Yàng Tom Trồ neh tuh Yàng Hwềng Goh hơđang bol he dô bă bềng lìu bơh Yàng Jesu Krist la Yàng Dong Klàs bol he dê,

Hebrơ 2:13

Mơ đơs tai lah: “Añ rơp kơnòm di Kơnràñ.” Kung đơs tai lah: “Do, Añ mơ ală kòn sau mơ Yàng Tom Trồ neh ai Añ in.”

I Samuel 2:1

Gen Anne hòi dan mơ đơs lah: “Nùs añ hừh hơh tòm Yàng Jehôwa; bơta pràn kơldang añ jê geh yò tơngguh tòm Yàng Tom Trồ añ jê. Bơr añ dơñŏ tơnhial di ală cau sò tơm añ jê, bơh añ hòn chò tòm bơta pha lin añ jê.

I Samuel 2:2

Ò gơs cau lơi sàng goh be Yàng Jehôwa, ò gơs cau lơi rlau mơ Kơnràñ; ò gơs Pơnai Lŭ lơi ndròm be Yàng Tom Trồ bol he dê.