II Samuel 21:7 - Sră Goh 2018

⁷ Dabit lòi wơl Mephibôset, kòn klau Jônathan, sau Sol dê, tài bơh bơta srat să ho bal digùl Dabit mơ Jônathan kòn klau Sol dê di đap Yàng Jehôwa.

II Samuel 21:7 Mawu Ofanana

II Samuel 16:4

Bơtau đơs mơ Jiba lah: “Behơ̆ jơh ală phan gơrê bal mơ Mephibôset gen tŭ do gơlik gơs phan tòm mê dê rau.” Jiba đơs lah: “Añ cùn khoai bơtau, dan añ in geh bơta nđàc di đap mat cau tòm añ jê la bơtau.”

II Samuel 19:25

Tòm tŭ khai tus bơh Jerusalem nàng tìp bơtau, gen bơtau lùp khai lah: “Ơ Mephibôset, ñchi bơh tài mê ò lòt bal mơ añ taih?”

II Samuel 4:4

Jônathan, kòn klau Sol dê, gơs dô nă kòn klau gơlte bàr đah jơng. Khai neh pram nam, tòm tŭ kơno jơnau yal bơh Sol mơ Jônathan tus bơh Jejreel. Cau ròng khai yò khai nàng dô pleh, mơya tòm tŭ khai ntoat dô sơrbac sơrbang, khai gơplơ̆ mơ gơlik kwet gơlte. Sơnđan khai la Mephibôset.

II Samuel 9:1

Dabit lùp lah: “Gơs cau lơi tòm hìu Sol gam kis nàng añ rgơi yal tơlik bơta nđàc khai in, tài bơh Jônathan sơl?”

II Samuel 9:10

Mê bal mơ ală kòn klau mơ ală cau duh broă mê dê pal troă lơòr ù tiah hơ̆ khai in, mơ toès prap plai đo nàng sau klau cau tòm mê dê geh phan sa. Mơ Mephibôset, sau klau cau tòm mê, rơp sa di cơnòng añ jê sùm.” (Mơ tai, Jiba gơs jơt pram nă kòn klau mơ bàr jơt nă cau duh broă.)

II Samuel 9:6

Mephibôset kòn klau Jônathan, sau Sol dê neh tus hơ Dabit gen drup mat tòm ù mơ khoai khai. Dabit đơs lah: “Ơ Mephibôset!” Khai ho lah: “Gơs añ do la cau duh broă bơtau dê.”

II Samuel 9:7

Dabit đơs mơ khai lah: “Bañ rngòt, bơh añ rơp yal tơlik bơta nđàc mê in, tài bơh Jônathan bèp mê dê. Añ rơp ai wơl mê in jơh ală ù tiah Sol, ồng mê dê, mơ să tòm mê rơp sa di cơnòng sa bal mơ añ sùm.”

Cau Bơto 8:2

Añ tơngkah lah: Prap gàr tĕ gơnoar sồr cau bơtau dê, tài bơh jơnau srat să mơ Yàng Tom Trồ mê dê.

I Samuel 18:3

Mơ Jônathan bơtào gơs dô bơta ho bal mơ Dabit tài bơh khai kòñ gơboh di Dabit be să tòm khai dê.

I Samuel 20:12

Gen Jônathan đơs mơ Dabit lah: “Dan Jehôwa Yàng Tom Trồ Israel dê lơh cơng lah añ lơh nền rơp jòi git nùs bèp añ jê kung tòm jơ do ngai hìng nau. Dilah khai yal tơlik niam gơwèt mơ bi gen añ rơp ò sồr cau yal bi in git.

I Samuel 20:15

dan bañ tŭ lơi pơndut bơta kòñ gơboh kơ̆ dơn bi dê gơwèt hơ hìu nhă añ jê, hala bulah tòm tŭ Yàng Jehôwa neh pơndut jơh ală cau sò tơm Dabit dê bơh hơđang plai ù.”

I Samuel 20:17

Jônathan sồr Dabit lơh nền dô dơ̆ tai jơnau ho bal khai dê tòm bơta kòñ gơboh di khai, tài bơh khai kòñ gơboh di Dabit be să tòm he.

I Samuel 20:42

Gen Jônathan đơs mơ Dabit lah: “Lòt tĕ lơngap lơngai, bơh bol he neh ai sơnđan Yàng Jehôwa mơ srat să tòmho lơh yô bal mơ gơp lah: ‘Yàng Jehôwa lơh cơng digùl bi mơ añ, mơ digùl kòn sau añ mơ kòn sau bi dê sùm sùm.’”

I Samuel 20:8

Gen tàng, yal tơlik tĕ bơta niam lơnhơn cau duh broă bi in, bơh bi neh bơtào dô bơta ho bal mơ añ di đap Yàng Jehôwa. Dilah añ neh tìs glài lơi gen dan să tòm bi tơnchơt añ! Ñchi bơh tài jào añ tòm tê bèp bi taih?”

I Samuel 23:18

Bàr nă bol khai bơtào gơs bơta ho bal di đap Yàng Jehôwa. Dabit ơm wơl tòm Hôres mơ Jônathan rê hìu.

I Samuel 24:22

Dabit srat să tòmho bơta hơ̆ mơ Sol. Gen Sol rê hìu, mơya Dabit mơ ală cau khai dê guh rê hơ theng kơ̆ cê khai dê.