II Samuel 21:3 - Sră Goh 2018

³ Dabit lùp cau Gabaôn lah: “Ñchi bơta añ pal lơh bol mê in taih? Mbe añ kòñ lơh nàng tơwài glài nàng dan bol mê ai lơngai sre brê Yàng Jehôwa in taih?”

II Samuel 21:3 Mawu Ofanana

II Samuel 20:19

Bol hi la làng bol ơm ring lơngai mơ dòn song tòm Israel, ồng jòi nàng tơnroh dô nơm ƀòn dờng mơ la dô nă mè tòm Israel. Ñchi bơh tài ồng kòñ sa loan sre brê Yàng Jehôwa dê taih?”

Lik Ejiptơ 32:30

Ngai hìng, Môise đơs mơ làng bol lah: “Bol mê neh tìs dô nơm glài kơnjơ̆ ngan. Mơya tŭ do añ guh tus hơ Yàng Jehôwa, digơlan añ rgơi dan bơta tơwài glài bol mê in.”

Lebi 1:4

Khai pal ơn tê khai dê di bồ phan ơn chu pơrguc hơ̆, gen gơ rơp geh dòp ala khai nàng tơwài glài khai in.

Jôna 1:11

Behơ̆ gen bol khai đơs mơ khai lah: “Ñchi bol hi pal lơh di mê tồ dàlềng gơ ơm ring ngềt bol hi in taih?” Bơh dàlềng sơlo ơm sơlo gơlơnggac pràn rlau tai.

Hebrơ 9:22

Jat bơta boh lam gen jơh ală phan pal kơnòm di mhàm sồng geh goh, dilah ò gơs bơta hòr mhàm gen ò geh bơta toh glài.

I Samuel 2:25

Dilah dô nă cau tìs glài tòmdră mơ dô nă cau ndai, gen gơs cau đơs ala cau glài hơ̆ mơ Yàng Jehôwa; mơya dilah dô nă cau tìs glài tòmdră mơ Yàng Jehôwa gen ñcau rơp đơs ala khai in taih?” Bulah behơ̆, bol khai ò bài iat jơnau bèp bol khai dê, bơh hơ̆ la nùs kòñ Yàng Jehôwa dê nàng tơnchơt bol khai.

I Samuel 26:19

Tŭ do, dan cau tòm añ jê la bơtau ơm iat ală jơnau cau duh broă bơtau dê. Dilah Yàng Jehôwa neh chồl bơtrut bơtau tòmdră mơ añ, gen dan Kơnràñ dòp dô nơm phan ơn. Mơya dilah hơ̆ la kòn mơnus neh lơh bơta hơ̆, dan bol khai kòl srat rma di đap Yàng Jehôwa! Bơh bol khai neh bơtrơh tơlik añ ngai do bơh di pơnah añ jê tòm sre brê Yàng Jehôwa dê. Bol khai đơs lah: ‘Lòt tĕ, duh broă ală yàng ndai.’