II Samuel 21:10 - Sră Goh 2018

¹⁰ Rispa, kòn ùr Aija, ai ồi ào sơnò kiat mơ lă khai in hơđang dô nơm pơnai lŭ. Bơh di ngai bồ kơnhai toès jơl tus di tŭ gơs mìu bơh đang trồ dùh hơđang ală ƀồc bol khai, khai ò ai sềm rơp hơđang ƀồc tòm trồ ngai, hala phan poan jơng tus rềp tòm trồ mang.

II Samuel 21:10 Mawu Ofanana

Sơnròp Gơlik Gơs 40:19

Tòm pe ngai tai, Pharaôn rơp koh ngko ồng mơ yồng ồng hơđang tòm chi, mơ sềm rơp sa poac ồng.”

II Samuel 21:11

Tòm tŭ Dabit kơno cau yal wơl bơh bơta Rispa, kòn ùr Aija, bau cồng Sol dê neh lơh,

II Samuel 3:7

Tŭ hơ̆, Sol neh gơs dô nă bau cồng sơnđan la Risba, kòn ùr Aijah dê. Mơ Isbôset đơs mơ Apner lah: “Ñchi bơh tài mê bic mơ bau cồng bèp añ jê taih?”

I Ală Bơtau 21:27

Tòm tŭ Ahap neh kơno jơnau hơ̆, khai crè ồi ào khai dê; mơ soh ƀào di să mơ ơt sa; yùp mơ ƀào bic tòm tiah mơ ơm pơndêt să.

Jeremi 14:22

Gơs rùp ràk lơi ală làng bol bơdìh dê rgơi cèng mìu sơl? Hala ală tap trồ rgơi ai mìu ơ? Ơ Jehôwa Yàng Tom Trồ bol hi dê, hơ̆ ò di la Kơnràñ ơ? Bol hi gơn kơnòm di Kơnràñ, Bơh Kơnràñ la Bơtau lơh gơs jơh ală bơta hơ̆.

Ejekiel 39:4

Mê rơp gơpừ hơđang ală mơnơm Israel dê, mê bal mơ jơh ală mpồl ling mê dê, mơ jơh ală làng bol lòt jat mê tai sơl. Añ rơp phi mê lơh gơs phan sa jơh ală jơi sềm sa poac mơ jơi phan poan jơng tòm brê.

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Jôel 1:18

Mpồl phan poan jơng rơnđơh oă ngan! Mpồl rpu kơnrồ lòt nrah nring! Tài bơh ò gơs ƀlàng ñhơt bol gơ in sa: tian gơs ală mpồl belàt kong jơgloh tơhìr.

Jôel 2:23

Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê; bơh Kơnràñ neh ai bol mê in mìu gòñ bồ sơnam bol mê in, Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.

Sacari 10:1

Dan tĕ Yàng Jehôwa dùh mìu tòm kơnhai bơkào chi che; Yàng Jehôwa la Bơtau lơh gơs ală mhwal càl rbut. Kơnràñ dùh mìu dờng ală bol mê in, mơ ai biap hòn tòm ƀlàng kòp nă cau in.

Yal Wơl 11:14

gen Kơnràñ rơp dùh mìu hơđang lơgar bol mê dê di kơnhai sơnam gơ dê, mìu tòm kơnhai jrùh nha mơ mìu tòm kơnhai bơkào chi che tồ bol mê rgơi toès prap kòi mbo, tơrnòm pa mơ mơñà bol mê dê.

Yal Wơl 21:13

mơ tă sang ồi ào khai neh soh tòm tŭ gơkòl kup cèng. Tòm tŭ khai neh kis tòm hìu mê dê mơ ñìm rac bơh mè bèp khai tòm jơh dô kơnhai, gen mê rgơi tus hơ khai mơ lơh gơs bau klau khai dê, mơ khai lơh gơs bau ùr mê dê.

Yal Wơl 21:22

“Dilah dô nă cau tìs glài pal kong tơnchơt mơ ƀồc khai dê gam yồng hơđang dô nơm jrong,

Yal Wơl 21:23

gen bol mê bañ lòi ƀồc khai dê hơđang chi mang àng. Lơh nền tĕ tơp khai tòm ngai hơ̆, tài bơh dô nă cau kong yồng hơđang jrong la ơm hơđơm bơta srat sơntơm Yàng Tom Trồ dê. Bol mê bañ lơh ƀơ̆ ƀơl ù tiah mơ Jehôwa Yàng Tom Trồ bol mê dê ai bol mê in lơh gơs sre brê.”

I Samuel 17:44

Khai đơs lah: “Tus tĕ hơ añ do, añ rơp ai poac mê ală sềm hơđang trồ in, mơ ală phan poan jơng tòm ƀlàng in!”

I Samuel 17:46

Ngai do Yàng Jehôwa rơp jào mê tòm tê añ, añ rơp lơh mê gơpừ di tiah mơ koh bồ mê. Ngai do añ rơp ai ƀồc mpồl ling cau Philistin dê ală sềm hơđang trồ in mơ ală phan poan jơng tòm ù in; mơ jơh lơgar dunnia rơp git lah gơs dô nă Yàng Tom Trồ tòm Israel.