II Samuel 20:1 - Sră Goh 2018

¹ Tŭ hơ̆ gơs dô nă cau ală alai sơnđan la Seba, kòn klau Bikri, cau Benjamin. Khai uh kơlwòk mơ hòi driau dờng lah: “Bol he ò gơs pơnah lơi mơ Dabit, kung ò gơs phan lơi mơ kòn klau Jese. Ơ Israel, jơh tơl nă rê wơl tĕ hơ sàl he dê!”

II Samuel 20:1 Mawu Ofanana

Sơnròp Gơlik Gơs 46:21

Ală kòn klau Benjamin dê la: Bela, Beker, Asbel, Gera, Naaman, Ehi, Rôs, Muppim, Huppim, mơ Ardơ.

II Samuel 15:10

Mơya Apsalôm sồr ală cau kong sồr ndơp ndơr lòt làm jơh ală jơi bơtiàn Israel mơ đơs lah: “Tŭ lơi bol mê kơno ntas ală kơlwòk gen đơs tĕ mo: ‘Apsalôm gơs bơtau tòm Hebrôn!’”

II Samuel 16:11

Dabit đơs mơ Abisai mơ jơh ală cau dĭ gơna khai dê lah: “Kòn klau añ la poac mhàm tòm añ mơ kòñ tơnchơt añ, tơ ài lah cau Benjamin do! Lòi tĕ khai, mơ lòi khai srat rma; bơh Yàng Jehôwa neh sồr khai lơh behơ̆.

II Samuel 16:7

Simei driau dờng ndang srat rma Dabit ndang mơ đơs lah: “Ơ cau tơnchơt cau, ơ cau iơh bơsak, lik tĕ, lik tĕ!

II Samuel 18:17

Bol khai tă ƀồc Apsalôm sơrbì tòm dô nơm trồm dờng tòm brê, mơ rơndap lŭ hơđang khai dô gơnru dờng ngan. Tòm tŭ jơh ală cau Israel dô rê hơ hìu bol khai dê.

II Samuel 20:2

Behơ̆, jơh làng bol Israel lik lòt bơh Dabit nàng jat Seba, kòn klau Bikri. Mơya ală cau Juda gen kư̆ jat cau bơtau dô bă kơ̆ dơn bơh Jordan tus hơ Jerusalem.

II Samuel 20:22

Gen cau ùr hơ̆ tus hơ jơh làng bol mơ bơyai jơnau jak chài khai dê, bol khai koh bồ Seba, kòn klau Bikri, mơ sơrbì Jôap in. Gen Jôap uh kơlwòk, mpồl ling khai dê lik bơh di ƀòn dờng, kòp nă rê wơl hìu bol khai dê. Mơ Jôap rê wơl hơ cau bơtau tòm Jerusalem.

II Samuel 23:6

Mơya jơh ală cau iơh bơsak kung be lò kong sang ngài; bơh bol khai ò rgơi ai tê tơrgòm gơ.

I Ală Bơtau 12:16

Tòm tŭ jơh Israel gŏ bơtau ò bài iat jơnau bol khai, gen làng bol đơs mơ bơtau lah: “Bol he gơs pơnah lơi mơ Dabit? Bol he ò gơs sre brê lơi bal mơ kòn klau Jese. Ơ Israel! Rê wơl tĕ hơ sàl he dê. Ơ Dabit! Bơh do mê pal kơrhia hìu mê dê.” Behơ̆ Israel rê wơl hơ ală sàl bol khai dê.

I Ală Bơtau 21:10

ơn tĕ di đap mat khai bàr nă cau gơlềng gơlàng lơh cơng blac tòmdră mơ khai, lah: ‘Mê neh srat rma Yàng Tom Trồ mơ bơtau.’ Gen lam tĕ khai lik bơh ƀòn, cơm lŭ jơl chơt tơn.”

II Yal Yau 10:16

Tòm tŭ jơh Israel neh gŏ bơtau ò bài iat bol khai gen bol khai ho wơl mơ bơtau lah: “Ñchi phan bol he geh tòm Dabit, Bol hi ò gơs sre brê lơi tòm kòn klau Jese dê. Ơ Israel, rê wơl tĕ hơ sàl bol mê dê! Ơ Dabit, sền kơrhia tĕ hìu tòm mê dê!” Behơ̆ jơh cau Israel rê hìu.

II Yal Yau 10:6

Gen bơtau Rôbôam bơyai mơ ală cau kra la ală cau neh duh broă Salômôn bèp khai tòm tŭ gam kis, mơ đơs lah: “Mbe ală ồng bơto sơnio añ in jơnau ho wơl làng bol do in taih?”

Đơs Crih 17:13

Ơ Yàng Jehôwa, dan guh, ơm tòm toh mat mơ bol khai mơ tuh tơlup bol khai; Dan ngui đào Kơnràñ dê mơ dong tă bơta kis añ klàs bơh di cau iơh bơsak.

Đơs Crih 34:19

Cau song ring gơkòl oă bơta bòl glar kalke, Mơya Yàng Jehôwa dong tă khai bơh di jơh ală bơta hơ̆.

Jơnau Pơnđik 25:8

Bañ sơrbac tơnggơs bơta tòm pơndang bal, rngòt tŭ lồi dut cau ơm rềp mơ kòn neh lơh kòn in ƀàssìl, kòn rơp ò git lơh mbe lơi.

Jơnau Pơnđik 26:21

Chah sing lơh hơng rnga, mơ lòng ngui nàng sing ồs; Cau jak tòmpìt tòmhà chồl bơchồt bơta tòm pơndang bal kung behơ̆ sơl.

Jơnau Niam Jat Mak 3:24

Dilah lơgar lơi tòmcah is gen lơgar hơ̆ ò rgơi kơ̆ tai,

Luka 19:14

Mơya làng bol khai dê gơjrañ kơuềng di khai, sồr cau kong sồr lòt jat mơ đơs lah: ‘Bol hi ò kòñ cau do at bồ bol hi.’

Luka 19:27

Ai ală cau sò tơm di añ, la ală cau ò kòñ añ at bồ hơđang bol khai, hwài tĕ bol khai tus hơ do mơ tơnchơt di đap añ.’”

Jang 13:8

Pier đơs lah: “Ò di. Ò gơs tŭ lơi Kơnràñ rơp rào jơng añ in ò!” Yàng Jesu ho lah: “Dilah Añ ò rào mê in, gen mê ò gơs dô pơnah lơi mơ Añ.”

Yal Wơl 13:13

la neh gơs ală cau iơh bơsak bơtào tơngguh digùl bol mê, mơ neh tề lam làng bol ƀòn dờng bol khai dê lòt tìs nrah bơh đơs lah: “Bol he lòt lă mơ duh khoai ală yàng ndai,” la ală yàng bol mê ò git,

Ală Kwang Cahrña 19:22

Tòm tŭ bol khai gơs bơta chò hòp bal, gen gơs ală cau klau iơh bơsak tòm ƀòn dờng tus gơrwàng gùt dar hìu. Bol khai tur di mpồng mơ đơs dờng mơ ồng kra cau tòm hìu lah: “Cèng tơlik tĕ cau klau neh mut tòm hìu mê dê nàng bol hi bic mơ khai.”

Ală Kwang Cahrña 3:27

Tòm tŭ khai neh tus tềng hơ̆ rau gen khai uh kơlwòk tòm lơgar mơnơm Epraim; làng bol Israel mù bal mơ khai bơh mơnơm mơ khai lơh gơs cau lam bồ.

Rutơ 2:3

Behơ̆ khai lòt mơ khai neh tus dòñ kòi tòm ƀlàng sre, jat bơh ngkòi ală cau toès. Tŭ hơ̆ khai dòñ kòi tòm sre gơrê bal mơ Bôô, tòm mpồl hìu nhă Elimelek dê.

I Samuel 13:2

Sol sac rwah pe rbô nă cau klau Israel; bàr rbô nă ơm mơ khai tòm Mikmas mơ tòm ù tiah kơh mơnơm Betel dê, mơ dô rbô nă ơm mơ Jônathan tòm Gibea gơrê bal mơ Benjamin. Ală cau gam wơl gen khai sồr rê wơl tòm hìu bol khai dê.

I Samuel 2:12

Tŭ hơ̆ ală kòn klau Heli dê la ơlă ơlai; bol khai ò wèt sền di Yàng Jehôwa,

I Samuel 30:22

Mơya jơh ală cau iơh bơsak mơ ală cau sơrdă sơrdơu ơm digùl ală cau neh lòt jat Dabit đơs lah: “Tài bơh bol khai ò lòt bal mơ bol he gen bol he rơp ò pà bol khai in ală phan pìt kup mơ bol he neh geh. Bulah behơ̆, kòp nă bol khai rgơi ai wơl bau mơ kòn khai dê mơ lòt.”